تحذير يا اخوان من شخص يسوم بمبلغ مغري ولايشتري

[حامد الحنيني]

السلام عليكم ورحمة الله وبركاته



صباح الخير


يا اخوان احذركم من شخص يسوم الطيور اللي تعرض بمكشات بمبالغ مغرية


ولايشري كل يوم يقول اليوم وقد سام الطيور اللي انا عرضتها من اصحابها


واعطاهم نيه ولم يحضر كل يوم بكره ويعطيك وعد ويمشي


هداه الله


وهذا الشخص من دولة قطر الشقيقه


الاسم :


حمد بن مبارك السليطي
+
97455645870


وممكن ان اسمه مستعار والله اعلم


لاكن وجب التنبه


والله يهديه ويصلحه


وممكن حصلت لبعض اخويانا بالمنتدى.

[رااعي بتار]

مانقول الا الله يهديه ويصلحه اهم ماعلى الرجال سمعته وكلمته عند الرياجيل

[حامد الحنيني]

مانقول الا الله يهديه ويصلحه اهم ماعلى الرجال سمعته وكلمته عند الرياجيل



صح لسانك يراعي بتار

الله يصلحه ويهديه هذا اللي نقوله

ماودنا ندعي عليه بهالشهر الفضيل

[خالد العطااوي]

الله يرزقك يحامد .. عدد ريشه ..

[راعي ياقوت]

الله يهداه ويصلحه كانه جاهل وان كانه عاقل ونيته يمحق سلعة الرياجيل فهذا عيب كبير وهو فلاخير لا يمثل الانفسه وحنا من هل قطر ولانرضى بهالشي لاحنى والكل وانت ياحامد بيض الله وجهك بلكلام الزين وهذا يدل على طيب رأسك وعلى ماقال المثل كل قاعن به جفره والله يهدأهم

[حامد الحنيني]

الله يرزقك يحامد .. عدد ريشه ..


الله يجزاك خير ويكثر من امثالك

[حامد الحنيني]

الله يهداه ويصلحه كانه جاهل وان كانه عاقل ونيته يمحق سلعة الرياجيل فهذا عيب كبير وهو فلاخير لا يمثل الانفسه وحنا من هل قطر ولانرضى بهالشي لاحنى والكل وانت ياحامد بيض الله وجهك بلكلام الزين وهذا يدل على طيب رأسك وعلى ماقال المثل كل قاعن به جفره والله يهدأهم



ياهلا ومرحبا ياراعي الياقوت

الله يهدي الجميع ويجزاك خير

نعم هو لايمثل اهل قطر واهل قطر مايحتاج من يمدحهم اهل طيب وكرم

والطيب والردي بكل مكان تلقاهم والله يجعلنا من اهل الطيب ومن يسمع

ويهديه وهذا الفعل لا يأتي الى من جاهل نسأل الله له الهدايه

[قناص الدبدبة]

مشكور على النصيحه
وزين انك نصحتنا لاني ناوي اشتري منه طير

[راعي هدلاء]

عليكم السلام ورحمة الله وبركاته
الله يصلحه ويهديه .. ويرزقك بالبيعه الطيبه ..

[بحر الخليج]

الله يهديه ويرزقك

[هداج1]

وانا ايضا احذر منه الاخوان لانه ايضا حصل معنا نفس الموقف من الشخص هذا حمد السليطي وعطانا كلمه بشرا طيرين وكل يوم يقول بكره وبهذا السبب وقف بيع الطيرين الله يهديه

[نجم404]

الله يرزقگ ياخوي حامد والله يهـديه مالنا غير الدعاء لهـا بالهداية مانعلم عن ظروف الرجال


والتفاؤل والظن باخوگ المسلم طيب وانت والربع الباقين بكم الخير والبرگة ،،،

[ابرق الحرار]

احسنت على التنبيه

[جلاد الحباري]

الله يصلحه ويهديه وعساه يتحسف ويعتذر لكم......... وحسب معارفي مع اهل قطر بشكل عام اشهد بالله انهم ناس طيبين ويشترون وكلمتهم وحده وخوتهم طيبه

[بدوي نمبر ون]

والله الواحد قدام هالامور مايدري وش يقول
لكن حسبي الله ونعم الوكيل
خير الكلام
وانا والله صارلي مثل موقفك بس علئ بيعة جيب لاند
تبايعت انا وواحدن من الربع القريبين عاد
واليوم وباتسر وهاه وعندك وعندك
اخرتها
هونت طيب ليه توقف بيعتي كل هالوقت وتزاود وحالتك حاله
وانت علئ الهبني
بس تصدقون يالربع
ليش مايصير فيه ركن ولاخيمه وتكون تحت مسمئ
إسماء احذر من التعامل معهم
افضل اما ايتسنع ولا يهف مهف الاولين
وشكراً

[(هزاع)]

وعليكم السلام ورحمة الله وبركاته
حياك الله اخوي حامد وكل اخواني المشاركين بالموضوع
الحياله موجودين في كل زمان ومكان
يحرص هذا المنتدى الشامخ مكشات على الافضل وذلك بوضع النظام وتطبيقه
وذلك حتى لو لم يرضى عليه البعض من المستعجلين
ومن النضام للسوم ان يكون بالمنتدي ويكون برقم جوال حتى لو ان السوم حصل خارج المنتدى
فبرجوع عارض السلعه للمنتدى وكتابة ان طيره سامه العضو (فلان) بكذا ورقم جواله كذا
يكون بالوضوح فايده له يمكن يكون السوام هذا محتال او لعاب عبث
فلا نساعده على اعماله وينكشف امره على الملا
واكثركم يعلم قصة المحتال الذي لعب على احد الاعضاء الذي كشفت امره اول العام وتم استعادة المال بفضل الله
وبالنسبه لي انصح بعدم ارسال المال او السلعه الا للشخص المعروف الثقه
وجعل لك في كل مدينه صديق صدوق يخلص لك امورك
اللسته والصوره والسوم بالمنتدى ورقم الجوال
كل هذه عوامل مساعده للحد من عبث العابثين
والاتكال بالاول على الله

[أبو فااارس]

وفيه طيور وانا اخوك يحط بها قيمه ماهي قيمتها

[أبوسعد النادر]

الله يهديه ويصلحه

الله يرزقك من واسع فضله يا حامد

الف شكرا ع التنبيه .

[عضيد]

وفيه طيور وانا اخوك يحط بها قيمه ماهي قيمتها




تكفا يابوفارس ولاتنسو النجاش اللي مانشوف معرفه الا بالسوم المطبح من فوق الجدران
اذا الطير مسيوم ب 4000 قال علي 14000
مدري عنه ولادخله بذمتي هل ياخذ مقابل ذالنجش ولافزعه بالذمه

[حامد الحنيني]

السلام عليكم ورحمة الله وبركاته

اشكركم على التفاعل والله العالم ان به ناس متوذين منه قبلي كما هو واضح

لاكن الله يهديه والرجال اللي عنده ضروف ويعرف نفسه مايسوم

ولو هي مره او مرتين نقول تمشي لاكن كثرت الله يهدي الجميع

لاكن ربما ان ماله معرف بمكشات ممكن من المشاهدين

وانا ماعرضة سومته بالطير التالي لأنه قرصني قلبي منه

لاكن ما اقول الى

الله يهديه الله يهديه الله يهديه

انا لحد الان ما اعرف مصلوحه من هالحركه .

[طير الهقاوي]

بسم الله الرحمن الرحيم


عن عمر بن الخطاب رضي الله عنه قال: سمعت رسول الله صلى الله عليه وسلم يقول(إنما الأعمال بالنيات وإنما لكل امرئ ما نوى فمن كانت هجرته إلى الله ورسوله فهجرته إلى الله ورسوله ومن كانت هجرته لدنيا يصيبها أو امرأة ينكحها فهجرته إلى ما هاجر إليه) متفق عليه.

الله يهدينا جميعا ويصلحنا ويمكن ان عنده خبر غير ذالك فلا استطيع الحكم عليه بانه مفسد لسلع او غيرها الى بقدومه وقول ماعنده

تقبل مروري اخوك
طير الهقاوي

[حامد الحنيني]

المصلح الله يا اخوان


لاكن الرجل لحد الان يمارس النصب والكذب

بيوم ثاني العيد


انتبهو هداكم الله

[مكشاتي صقار]

الله يهديه ويخاف الله قبل لايخاف من فضيحته عند الرياجيل

[حامد الحنيني]

السلام عليكم

عاد النصاب بمزاولة نشاطاته من جديد

ارجو الحيطة والحذر يا اخوان .

[ابوحزااااااام]

السلام عليكم



عاد النصاب بمزاولة نشاطاته من جديد



ارجو الحيطة والحذر يا اخوان .



وش اسمه ياحامد ووين تحصل نشاطاته وياليت تعطينا رابط

[حامد الحنيني]

ياهلا يابو حزام


اسمه حمد مبارك السليطي التميمي


من قطر


وقد عرضت طيرين بالمنتدى هنا وعطا اصحابها نية بالشراء عن طريق الجوال


وكل يوم اجيكم بكره وعلى هالوضع وليومك ماشفناه بس وقف بيع الطيور


المهم لقيته بأحد القروبات بالوتس اب ويسألونه


ليش كاتب عنك حامد موضوع يحذر منك وانك ماشريرت الطيور


قال الطيور اللي قال مريضه وبها سده وهو والله انه كذاب ولا طب الديره كلها ولا جاء


المهم صار بيني وبينه كلام وقلتله اتق الله لاكن لاحيات لمن تنادي


وقبل كم يوم بأحد القروبات لقيته راجع لعادته القديمه راسلته خاص لاكن قال انا


توي شاري الرقم واني ما عرف صاحبه المهم ارسلت عليه ناس وتأكدو انه هو نفسه


ولقيته سايم شيهانة اخونا الامارتي وقلت احذره لا يصير له مثل ماصار لي


والله يكفينا شره واخواننا المسلمين


وهذا رابط موضوع اخونا الامراتي :

http://www.mekshat.com/vb/showthread.php?t=588453

شف اللي سايم ب12 هو نفس الاسم والرقم .

[ابوحزااااااام]

حامد انا كلمت الرجال وحصلته كذووووووب وعلييييييمي
سألته عن الحرار قال فيه محل توني جاي من عنده فيه ثلاث حرار قلت انا عنده الحين مافيه شي
تلعثم وغيرت الموضوع وسالته عن طيوره ولقيته يقول طيره اخذ المركز الثاني في السباق حق قطر
الموسم اللي فات والصراحه انا ماادري بس احس انها كذبه
ومن صوته عاده صغير بالسن مايتعدا 25
معاتحيات استخبارات مكشات هههههههههه

[ابوحزااااااام]

لا لحظه وسألته عنده مربط قال نعم واذا بتربط عندي بلاش قلت كم مساحته قال مدري بس كبر غرف الرياضه
اللي بمدارس الرياض؟؟؟:D:D

[حامد الحنيني]

هههههه


هلا بالنقيب


اقولك خراط والله مغير يتصيد اللي على نياتهم هكاليوم بقروب يقول انه جايب 16 شبه


من منغويا هو بنفسه ههههه


مالقى اللي يدفعه لطيور ب20 الف بيروح منغوليا و16 شبه


هههههههههه والله انك مقدي فيه يابو حزام .

[البرنس الليبي]

يالربع واضح انكم اعطيتوا الموضوع اكبر من حجمه وان صاحبه صغير سن ويحتاج توجيه الله يهديه

[راعي ياقوت]

السلام عليكم ياشباب هذا الشخص توني متصل عليه واتصلت على واحد عزيز وغالي علي سليطي وطلعتلك ياحامد معلوماته هذا بزر عمره ١٧ سنه في صف ثاني ثانوي وبزر كذاب ومسكين واعتذر وبيتم التواصل مع أبوه لان أبوه رجل فيه خير وإنشاء الله انه بيجوز من حركاته وتراه جاهل وفيه نقص يالربع والله يهديه ويشفيه

[حامد الحنيني]

السلام عليكم ياشباب هذا الشخص توني متصل عليه واتصلت على واحد عزيز وغالي علي سليطي وطلعتلك ياحامد معلوماته هذا بزر عمره ١٧ سنه في صف ثاني ثانوي وبزر كذاب ومسكين واعتذر وبيتم التواصل مع أبوه لان أبوه رجل فيه خير وإنشاء الله انه بيجوز من حركاته وتراه جاهل وفيه نقص يالربع والله يهديه ويشفيه



وعليكم السلام

ياهلا ومرحبا

الله يشفيه ويشفي مرضى المسلمين

وانت الله يبيض وجهك ويجعلها بموازين حسناتك ولاهنت

على اهتمامك بالموضوع .

[راعي ياقوت]

اوجهك ابيض ولاسوينا إلا الواجب وأنا اخوك

[راعي الاشقرر]

السلام وعليكم انا حمد بن مبارك السليطي صاحب رقم +97455645870واحب اعتذر عن كل الي صار قبل والسموحه وحقكم علي وماودي يكون حد زعلان مني اليوم انا عايش بكره ميت وياريت تتقبلون اعتذاري انا مسوي هاي النكك علاشان اعتذر لكم ياخواني واتمنى تتقبلون اعتذاري

[(هزاع)]

حياك الله ياحمد السليطي
بودنا توضح اللي صار ونسمع منك
الله يهديك ويصلح امرنا وامرك

[راعي الاشقرر]

السالفه ومافيها حبيت اشتري طير من عند اخوي حامد وبعدين فكرت في تدخيل الطير الدوحه وكيف بارسل للرجال الفلوس وكذا وصادني ظرف بعد بس الله كريمم والحمدالله اعتذرت ممن اخوي حامد بس حبيت اخواني الي في المنتدى يقبلون اعتذاري

[جنون بدوي]

الخطاء. مو عيب العيب الاستمرر على الخطاء

واعتذارك مقبول(عن نفسي) اذا ما فيه احد له حق عندك مادي

ويازين التسامح والكلام الطيب

[راعي الاشقرر]

تسلم وبيض الله وجهكك

[ماجد9]

بيض الله وجهك يا صاحب الموضوع كثير من امثاله الله يصلحهم

[حامد الحنيني]

السلام عليكم ورحمة الله وبركاته

اسعد الله مساء الجميع

يبدو ان حمد مازال على وضعه

ولم يوضح الموضوع وخرج بعذر ليس بعذر

عرضت طيرين بالمنتدى ودق حمد على اصحاب الطيور المعروضه واشترى الطير الاول

واعطا راعي الطير النيه وكل يوم اجيك اليوم حتى طولت المسأله وعرف راعي الطير

انه رجال لعاب

والطير الثاني نفس الكلام ونفس الطريقه واللي عنده ظروف مايسوم طير ثاني وهو يدري ان عنده ظروف

وقبل يسوم الرجال يدري ان الطير يبيله تدخيل للدوله وياخذ هالشي بعين الاعتبار

وفرضا ان الرجال يصير عنده ظروف يكلم اصحاب الطيور ويعتذر

ولاكن حمد بأحد القروبات بالوتس اب لما سأل ليش ماشريت طيور حامد

وانا كنت موجود بالقروب قال ان الطير مريض وبه سده

ماشرى الطيور ولم يعتذر ومع ذالك يكذب علينا ويشكك بذممنا

وهو ماطلع من قطر وماشاف الطيور ولم نعرفه الى عن طريق الجوال

وهو والله ما اعتذر لي ولم يتصل علي ولم يرسلي رسالة اعتذار

بل بأحد القروبات قالو الربع سامحه وهو قام يعتذر لي بالقروب

قلت مسامحه بشرط يكتب موضوع بمكشات ويفسر ليش سوى هالعلم

والكلام هذا له تقريبا شهر ماكتب موضوع ولا اهتم لي

وبعد فتره من كلامنا لقيته يعرض على احد القروبات 16 شبه من منغوليا

وحذرت اهل القروب منه وراسته بالخاص وقال اني توي شاري

هالرقم و لا اعرف صاحبه الاول وانكر انه حمد او له علاقه به

وانا ادري انه يكذب ....

والله لو لا تدخل ناس جزاهم الله خير ماكتب هالرد ولا حسب لعواقب

المسألة لأنه صغير سن

ولاكن قدامه الحياه تعلمه سلوم الرجال ويتعدل بأذن الله

واقول بالاخير اتق الله واترك الاكاذيب عنك واعرف انك بيوم من الايام ميت ومحاسب

عن كل صغيرة وكبيره

وانا قبلت الاعتذار ليس منك لاكن من اللي اعتذرو عنك جزاهم الله خير

وهداك الله واصلحك .