يا اخوان ، كابرس 2005 اذا فكيت رجلي من البنزين يطفي

[sgl2002]

السلام عليكم ورحمة الله

عند الوالد كابرس 2005 مكينة 6 سلندر

خلاه شهر واقف مفصولة اصابع البطارية

المهم شبكته وجيت اشغله يشتغل صافي وعزم ممتاز ولافيه خلاف

لكن اول ما اشيل رجلي عن البنزين يطفي


نظفت الثروتل وفلتر الهواء لكن لاجدوى

وش الحل او اي ورشه تعرفونها خبيره بالكابرسات لان خبرتي كلها ياباني ولا اعرف للامريكي


وانا شاك بمنظم الهواء او حساس الدعسه لكن اخبرها ماتسوي هالمشكلة

[ممتر البران]

لا تشيل رجلك يا ابوي وتعايش مع المشكله
كل مشاكلنا متعايشين معها لين الله يفرجها !!!!

[sgl2002]

لو ماشلت رجلي نتفت اللي قدامي

او كسرت القير


وبكذا اتعايش مع المشكله صح

[ابوعقيل81]

ههههههههههههه

بيني وبينك صرنا نتعايش مع كل شي :) :)

اتوقع من صفاية البنزين يبي لها تغيير لان السيارة من فترة واقفة ويمكن كان فيها وصخ وانسدت .

واذا عرفت المشكلة علمنا نستفيد من تجربتك .

[الواهج]

اتوقع اوكسجين سنسر الي بالميني فولت

افحص المكيينة كمبيوتر لدى اي محل

[محسن اليامي]

الواهج

صورة توقيعك مهيبه
وتبين عظمة الإله سبحانه

[sgl2002]

ياشباب قعدت اقلب الموتر اليوم واتفحصه

والظاهر ان المشكله من حساس الهواء


بسبب: الموتر يتفتف شوي ويصفي شوي وهو واقف بدون دعس
واذا دعست له للاخير يوصل الضغط الى ٤ ويكتم مايتعداه

واذا ضربت بيدي على حساس الهواء بقوة يطفي


بس مدري هل هو خربان او المشكله برمجة فقط


مع العلم ان الوالد كان جاي عليه من دبي وصادفهم عج وحصلت رمل كثير جدا بفلتر الهواء وبقاعدة الفلتر

[عبادي464]

نظف الحساس وان شاء الله يضبط

[ابوعقيل81]

فك فيش الحساس وهو شغال وشوف يطفي او لا .

ولاتغيره شكله مغبر ويبي تنظيف

ابحث بالنت عن طريقة تنظيف حساس الهوى مرة سهلة البخاخ ب29.50 ريال من ساكو.

وقبل تسوبها نظف الثروتل ببخاخ تنظيف من ساكو او بخاخ ايسدلكو (الافضل تأخذ بخاخ من ساكو).

[ابو فهد...]

شف سير على ورشة الجابري بالصناعيه القديمه وامورك طيبة لاتفحص عند غيره هو يمكن زحمه بس شغله زين

[sgl2002]

بنسوي تنظيف للحساس


اما الجابري زحمة وسعره غالي وانا بقعد احاول في الموتر لين ما اصيد الخلل

وخبرتي وخبرتكم بعد الله توصلنا للحل باقل تكلفه

[MSAN]

ايرماس


بالتوفيق