Abukhaled-503
27/07/2013, 04:03 AM
السلام عليكم
عندي صني 2011
اعاني من الحرارة بشكل رهيب جداً!!
كانت الحرارة على الربع ! دائماً واذا ارتفعت وصلت النص
امس وصلت معي فوق النص ! علطول وقفت وحطيت السيارة بN وتنزل الحرارة الى الثلث
واذا شغلت المكيف ارتفعت معي وبديت امشي بدون مكيف ! وترتفع الى الثلاث ارباع او قبل الخط اللي قبل خط الاتش واحطها ب N واقعد ادعس للسيارة وتنزل بغمضة عين الى الثلث او الربع !!
كلمت الوالد قال اكيد البلف قافل ! وقفت السيارة بخريص ورحت للبيت مخرج 9
واليوم العصر رحت للسيارة وشغلتها ومشيت للريان لبيت جدتي :D
وقفت السيارة قبل الاذان وفكيت البلف لقيته احمرررررررر:mad: كله صدأ
وافطرت وعينت من الله خير و العشاء رحت لصناعية النسيم وانا بالطريق الحرارة ثابته على الربع وشوي مايمديني اشوف الجوال والتفت للحرارة الا هي بين النص والثلاث ارباع واحطها ب N وادعس وتنزل بسرررررعة للربع والثلث وصلت الصناعية حقت النسيم واشتري بلف اصلي جديد وغطاء رديتر جديد واقرب محل رديترات قلت بالله شيك لي على الخراطيش والرديتر وركب لي البلف شيك على الرديتر وقال سليم 100%:eek:
والخراطيش كذلك :eek: كلهم سليمات
قلت طيب ركب البلف وركب الغطاء خل نتوكل على الله لعل وعسى تضبط وفعلا ركب البلف والغطاء وعبيتها مويه اصليه ومشيت الا شوي ومرتفعه الحرارة وحطيتها بN وادعس ونزلت بسرعة للربع قلت اكيد المراوح فيها بلا وانزل والا هي شغالة واشغل المكيف وتشتغل السرعة الثانية ورحت لبيت جدتي ووقفتها :D
دقيت على المكانيكي خوينا اللي يضبط مواتر الوالد قال يمكن يبغالة تصييخ للرديتر او الحساسات فيها بلا قال بكرا باخذة واشوف وش البلا
وانا خفت انه راس المكينة لان فيه تفتفه بس تذكرت اني ماشي عليها 70 الف ولا غيرت البواجي
ف عطونا حلولكم لاهنتم :D
عندي صني 2011
اعاني من الحرارة بشكل رهيب جداً!!
كانت الحرارة على الربع ! دائماً واذا ارتفعت وصلت النص
امس وصلت معي فوق النص ! علطول وقفت وحطيت السيارة بN وتنزل الحرارة الى الثلث
واذا شغلت المكيف ارتفعت معي وبديت امشي بدون مكيف ! وترتفع الى الثلاث ارباع او قبل الخط اللي قبل خط الاتش واحطها ب N واقعد ادعس للسيارة وتنزل بغمضة عين الى الثلث او الربع !!
كلمت الوالد قال اكيد البلف قافل ! وقفت السيارة بخريص ورحت للبيت مخرج 9
واليوم العصر رحت للسيارة وشغلتها ومشيت للريان لبيت جدتي :D
وقفت السيارة قبل الاذان وفكيت البلف لقيته احمرررررررر:mad: كله صدأ
وافطرت وعينت من الله خير و العشاء رحت لصناعية النسيم وانا بالطريق الحرارة ثابته على الربع وشوي مايمديني اشوف الجوال والتفت للحرارة الا هي بين النص والثلاث ارباع واحطها ب N وادعس وتنزل بسرررررعة للربع والثلث وصلت الصناعية حقت النسيم واشتري بلف اصلي جديد وغطاء رديتر جديد واقرب محل رديترات قلت بالله شيك لي على الخراطيش والرديتر وركب لي البلف شيك على الرديتر وقال سليم 100%:eek:
والخراطيش كذلك :eek: كلهم سليمات
قلت طيب ركب البلف وركب الغطاء خل نتوكل على الله لعل وعسى تضبط وفعلا ركب البلف والغطاء وعبيتها مويه اصليه ومشيت الا شوي ومرتفعه الحرارة وحطيتها بN وادعس ونزلت بسرعة للربع قلت اكيد المراوح فيها بلا وانزل والا هي شغالة واشغل المكيف وتشتغل السرعة الثانية ورحت لبيت جدتي ووقفتها :D
دقيت على المكانيكي خوينا اللي يضبط مواتر الوالد قال يمكن يبغالة تصييخ للرديتر او الحساسات فيها بلا قال بكرا باخذة واشوف وش البلا
وانا خفت انه راس المكينة لان فيه تفتفه بس تذكرت اني ماشي عليها 70 الف ولا غيرت البواجي
ف عطونا حلولكم لاهنتم :D