هل يصلح تركيب تشوك للكسر

[ركان]

السلام عليكم
بالنسبة للشوزن أستيفنز ام وحدة يصلح أركب عليها تشوك وهل هو بيزيد في سوقها أرجو منكم الإفادة ومين اللي بيضبطها أذا كان يصلح .

[المتلولس]

اذا نهاية الماصورة مسننه لازم تشوك اما اذا مهب مسننه لامايركب

[مطر وسم]

الظاهر تقدر تسوي لها سنه وتركب تشوكات واكيد اذا ركبت التشوك بيزيد في مداها


لاني شفت واحد معه خرازه ام حبه برازليه مسوي لها سنه ومركب كاتم صوت


اذا انت بالرياض رح لحقين صيانة الاسلحه واستفسر منهم وعلمني اسوي مثلك


تحياتي لك

[أبوصالح9]

انت ودك تخرب سلاحك؟؟؟؟؟؟؟؟؟؟؟؟؟؟؟؟

يابن الاجواد سلاحك مايحتاج تشوك ولا خرابيط واذا تبي مدى اشتر شاخوفه ونم

ترا الطمع شين وسلاحك يمد وحسافه تلعب فيه - هذا اللي بخاطري وانت بكيفك

موفق خير

[نفل الفهود]

ستيفنز ماصورتها فل تشوك . وما يركب عليها تشوكات ..

تقدر ترهم لها بس يحوس رميها .. ويمكن الي يرهمها لك ما يظبطه وتنفجر لا سمح الله .

وصدقني ماصورتها الناس تدورها دوره هي والبلجيك .. ماتشوفهم يرهمونهن على السوابر .. يعني يشيل ماصورة السوبر ام تشوك ويركب ماصوره بدون تشوكات .

[4fun]

السلام عليكم
بالنسبة للشوزن أستيفنز ام وحدة يصلح أركب عليها تشوك وهل هو بيزيد في سوقها أرجو منكم الإفادة ومين اللي بيضبطها أذا كان يصلح .

ان كانها للبيع تراي شراي

[ركان]

الله لايهينكم جميعاً على ردودكم لكن يابوصالح9 الصيد ماعاد ينقرب ذيروه الناس وعسى الشاخوفه تجيبه بعد .

[ابو فهد 4]

تقدر اذا راس السبطانة مسنن زي البيكال ام حبه الكسر سبطانتها مسننه وتركب عليها التشكات واكيد بيزيد في المدا

[راعي البريدوس]

اخوي راكان نصيحة اخو لا تقرب للتسنين وتركيب تشوك خاصه للمواصير القديمه اللي هي ستيفنز وبلجيك لان لو شفت مجري الماصوره تلقي الفل تشك في النهايه تكون الماصوره ضيقه وتسنن وتركب تشوف تضوق ازود يعني لا سمح الله الانفجار وارد بالحاله انا كان عندي مثل وضعك ماصوره وحبيت اسوي له نصحني واحد بالجرده قال لا تسويها تنفجر الماصوره وانفجرت مع واحد نفس الوضع
وانت عاد براحتك