قساوة اليوكون

[السيف الاول]

السلام عليكم ياخوان انا عندي يوكون 2008 طويل دبل واشتكي من قساوته في الممشي الى درجة اني كرهة السفر عليه هل المشكله عامة
والا فيه مشكله في سيارتي واذا كانت المشكله من المصنع هل فيه حل

[خالد الحفر]

ي ريت توضح القساوه بالموتر قصدك وشو بالضبط

[جيب ربع]

إذا الجنوط مقاس عشرين فطبيعي قساوته أقصد مايقارن باليوكن اللي جنطه أصغر

[السيف الاول]

اي نعم الجنط عشرين
واعني بقساوته يعني صاير كنه شاص غير مريح بالمره السفر فيه شي متعب

[جيب ربع]

فيه حل أنا مسويه
مقاس الوكالة 20/50/285
غيرته ب 20/55/275
أهم شي 50 بدله بأعلى هذا طبعاً للمسافة بين شفة الجنط والدعسة وبيتغير معك للافضل وعن تجربة

[خالد الحفر]

إذا الجنوط مقاس عشرين فطبيعي قساوته أقصد مايقارن باليوكن اللي جنطه أصغر


اي نعم الجنط عشرين
واعني بقساوته يعني صاير كنه شاص غير مريح بالمره السفر فيه شي متعب

مثل ماذكر لك جيب ربع الجنوط 20 تحس بالموتر قاسي

[suliman92]

حاول تختار نوع كفر لين مثل ميشلان و ابعد عن دنلوب لانه قاسي

[حر النداوي]

السيف الاول
مشكلتك هذي عامه
انا معي يوكن 2012 وصاير زي ماقلت شاص
لكن ماقدرت اسوي الا اني خففت هواه على 30

واكذلك اعطاك العلم اخوي جيب ربع الله يوفقه

[ابوقاسم]

انا اشوف بالعكس مريح بالسفرات الى درجة ان ودي على طول خطوط
بس يمكن مثل ما قالوا الشباب يعتمد على نوع الجنط وضغط الهواء بالكفرات
انت جرب خفف هواء الكفرات وشوف
سيارتي جنط 18 والهواء 35
تحياتي

[Abu mare]

وحتى الجنوط الي معك هو وكالة ولا تجاري

[RISAN -1]

حياك الله
6 مسامير أو 8 ؟
يعني حجم 1500 أو 2500 ؟

[المنيعي1]

غير جنوط 17
وركب كفرات يكون ارتفاعه ٧٠

[فرفور بريده]

غريبه

انا معي بيك اب سييرا بعد يعني سست بالخلف

وعليه جنط 22 والهواء 40

ومريح بالخط والديره .. لكن بالمطب فيه قساوه شوي

شيك على المساعدات واليايات

[turki_20041]

اي نعم الجنط عشرين
واعني بقساوته يعني صاير كنه شاص غير مريح بالمره السفر فيه شي متعب
اخوي الحبيب
انا عندي سياره يوكن دينالي جنوط 20 ونفس مشكلتك.
عادة الجنوط العشرين يجي فيها نظامين :
- الهيدروليك يرفع خلفيه السياره عند التحميل.
- نظام يسمى AUTORIDE وهذا ميزته يحافظ على ثبات السياره ويوفر راحه للركاب اثناء القياده حتى سرعة 149كم/ساعه , اذا زادت السرعه عن 150كم/ساعه هذا النظام يحول لمساعدات الى مساعدات رياضيه ( كهرومغناطيسيه) لزياده الثبات للسياره فتصبح المساعدات قاسيه جدا وتصبح السياره ( تطامر) .

[كاشت في الحوش]

خل الهواء على 30
لكن نصيحة في السفر وخط طويل الهواء يكون 35 خصوصاً في الصيف

[كن متفائلا]

أذا السيارة مبطي معك الكفرات قاسية ( حجرية ) وضغط الهواء مرتفع

أذا شاريها قريب يمكن ماتعودت على السيارة واللي قبلها أريح

[Abo_Faisal_506]

وش المفرات الي مركب
انا مركب 20 واريح من جمس عليه 17

[Denali2011]

عادة مشكلة القساوة بسبب الكفرات او المساعدات
الكفرات لابد تكون من نوعية لينه مثل اليوكوهاما او الفايرستون من تجربة
اما المساعدات اذا كانت زيت مع طول مدة الاستخدام تقسى

[zoom10]

عب الكفرات بالنيتروجين . وخله على 35 وتأكد من قراءة العداد بأن الكفرات كلها متساوية . وشوف الفرق

طبعا تعبئة الكفرات بالنيتروجين كلها الأربع بـ 50 ريال فقط