قاعدة دربيل

[ALKKKK]

السلام عليكم ورحمة الله وبركاتة

من هو الذيب اللي بيعلمني وين احصل مثل هذي القاعدة تعبت وانا ادورها

يقولون انها عند الهدف بسعر 2500 يالله دخيلك من الغلا الفاحش


http://im39.gulfup.com/adCsm.jpg

[ALKKKK]

للرفع رفع الله مقداركم

[ابو صاالح]

هذي طال عمرك للماوز 98 وتشمل ام شعله وام صليب والبلجيكيات وووو ... الخ ، وصناعتها المانيه ، وكيلها الهدف ، وفعلا سعرها عند الهدف 2500 ، وللعلم سعرها بالشركه غالي من الأصل اكثر من 400 دولار ، يعني بحدود 1800 مع الشحن ، والقطعه ممكن ما توصل لأنها قطعة سلاح ممنوعه ، فحرام تخسر هالمبلغ وممكن يردونها الجمارك
------------------------
لكن فيه قطع بدليه بنفس الفكره للماوزر ، ولكن تراها صينيه وليست المانيه بس ممتازه وهذي روابطها بموقع ال اي بي

http://www.ebay.com/sch/i.html?_trksid=p2050601.m570.l1313.TR0.TRC0.Xgerma n+mauser+scope+m&_nkw=german+mauser+scope+mount&_sacat=0&_from=R40


--------------
اذا بندقك ماوزر بالرابط اللي فوق جميع انواع القواعد اللي تركب للدربيل ،، وكلها ممنوعه من الجمارك ، يعني ممكن ما توصل لو طلبتها ، الا عن طريق معرفه بالجمارك بالعربي
--------------------------
وفيه طريقه اخرى يسوونها هنا حقين محلات الصيانه سواء بالمدينه او بالطايف او بالدوادمي ، يحفرون لك مجرى بنفس البندق ، وتركب عليه قواعد جثري .

اي استفسار حول البلاجيك انا حاضر وحياك الله

[ALKKKK]

ماقصرت يابو صالح الله يبيض وجهك

ننتضر رأي باقي الاعضاء

[Hunter511]

الحين النت يخدمك وانت في بيتك اطلب اي شي طال عمرك

مشكله الناس الحين لازال الجهل عندهم بخصوص هالحاجات ويشترون من هنا وهذا الي خلا الغلا كل فتره ويزيد

انا اعرف شخص طلب جهاز بنلي من برا وضبط سبطانه وفيبر وكل شي وكلفته شوزل كامله 4000
وهنا يتهاوشون عليها بعشرين
مع انهم يجيبونها من الكويت بنص القيمه او اكثر شوي
اذا تبي نصيحتي سولك ايميل خارجي واشترك وطلعلك فيزا واي شي تبيه اطلبه من برا يجيك لحدك مشحون جاهز وبالسعر الاصلي بدال ماتاخذ من الحراميه الي هنا يدجيب القطعه بميه ويبيعها عليك بخمسميه يجيب قطعه بخمسميه يبيعها عليك بالف وخمس والامازون والاي بي ماخلوا شي كل شي معروض وموضح سعره بالشحن واصل جاهز


تحياتي لك

[ALKKKK]

المشكلة ماهي في الطريقة المشكلة من الجمارك تتوهق وتروح فلوسك

بس قلنا يمكن احد يخدمنا يعرف احد جابها او لا

[المتلولس]

ياخوي نصيحة لاتاخذها غاليه خذلك قواعد انجليزيه بس احرص خذ الطوال علشان ترمي بالدربيل والميشاف العادي

[خدمات الرياض]

السلام عليكم ورحمة الله وبركاته
شباب وصاني واحد على قاعدة دربيل مقاس 42 على 52 ودورتها عند السنيدي والرماية وملا قيتها وتتوقعون القاها .