يا الصقاقير ادخلو

[اللماع]

السلام عليكم و رحمه الله و بركاته
طيري حذف الموس أو قده بحذف متي انقله يقولون لازم تنتظر 70 ليل لين تصك و سمعت فيه ناس يقولون تنقله قبل لا يصك و أنا خايف انقله و تنفضخ الأمواس
أفيدونا جزاكم الله خير

[ســـبــار ربــعـــه]

كل إلي قالوه صحيح بإمكانك تنقله هالحين وبامكأنك تنقله بعد مايصك وبامكأنك تنقله مناصف
لكن أهم شيء إلطير راكد إذا إلطير صلف أو انت خايف عليه مثل ماقلت خله يرتاح والوقت توه مأحولك نقله إلا من الشهر وزود

[اللماع]

طيب أنا أبي أدعيه بدري هل يأثر علي طياره
و وش تنصحوني به

[قلب ذيب]

ارحب .
من اخطر مراحل نقلة الطير ( نقله وموسه يسوق !!) لانه معرض للانفضاخ , الاسلم ترك الطير الى ان تصك امواسه وتيبس وتبيض روس الامواس , وبعد ذلك تنقل الطير .
حنا الان في اشد القيض ظهور الكلبين والمرزم وتاليهن سهيل يعني في حر الى بعد شهرين , ولا فيه هناك حاضي على نقلة الطير . اترك الطير الى ان تصك امواسه ويبرد الوقت علما بأن مدة ظهور الامواس وصكوكها 60 ليل لا أكثر ولا اقل , ........... الله يفرحك بصيده .

[اللماع]

قلب ذيب اشكر حضورك المتألق دائماً
بس كذا يعني بنقله اول عشره كنه متأخر شوي
و الموس تأخذ لها ٧٠ ليل أن ما خاب ظني علي كلام ابن ضميد و هو عنده مربط من اشهر المرابط بالكويت

[فهد الحنيني]

عسى الله يتمم مقيضه بخير وفاله الصيد باذن الله

[خالد العطااوي]

عليكم السلام ورحمة الله وبركاته
خله لين يصك الموس .. وأمر الله من سعه .. وتونا بدري
والله يتمم له على خير ..
وفاله الصيد ..
تحياتي لك

[اللماع]

فهد الحنيني
خالد العطاوي
اشكر مروركم العطر

[جلاد الحباري]

انا من رأيي ان طيرك تنقله نص تسعة اذا ماهو بكفاخ وأنت ادرى بطيرك اذا هو راكد او لا وبعدين نص تسعة يعتبر جاهز

[ابرق الحرار]

افادوك الاخوان

[دليل الاثر]

الاخ العزيز عليك باالعلافة الجرابيع وصغار الطيور وشكرا

[اللماع]

جلاد الحباري
أشكرك علي وجهه نظرك
أبرق الحرار
دليل الأثر
أشكركم علي مروركم الطيب

[الظفيري 205]

افادوك الصقاقير

[mr.silver]

افادوك الاخوان و ماقصروااا

[اللماع]

الظفيري
مستر سلفر
لا هنتو علي مشاركتكم و شرفتونا

[ابو عييد]

افادوكك


الصقاقير

[ابوصالح666]

وش معجلك خله لين يصك امواسه وخاصه لاصار الطير ماهو راكد ماودك تنقله

[دوم سرهيد]

عزيزي اللماع عيدك مبارك و تقبل الله منك صالح الاعمال....
حزنك على الريشه اذا انفضخت اكبر بكثير من صبرك عليها اسبوعين او شهر...
بالتوفيق...

[اللماع]

دوم سرهيد
أبو صالح
أبو عبيد
شرفني مروركم العطر

[سطام ابو سعود]

ماحولك نقله خله يما يعصب موسه ويتم ونقله على خير تو الوقت تونا ماجاء القمري والطيور الصغيره على بدايه وفاله الحباري ان شاء لله

[اللماع]

سطام أبو سعود مشكور علي مرورك و جزاك الله خير

[المضياني1]

اخوي اللماع انصحك بانك لاتستعجل على نقله الطير ,,
اماا اذا كنت مستعجل , او تقول ودي ادهل االطير ,
اتمنى انك تخرجه بعد اربعين يوم لان الموس يكون
قوي يعني اذا لا سمح الله صار لطير شيء بالامواس
تقدر توسر الطير لانه ماتنفضخ الريشه ,
اخوي ’’ واهم شيء انك تعرف طيرك
هل هو راكد قبل الربطه او لا
لان اذا كان الطير ماهو راكد
راح يكفخ معك وفيه نوع من الصعوبه
بتدهيل الطير , ولا انصحك با اخراج الطير الا بعد 55 يوم
وتقبل مروري ,,