إذا كانت المكاين أكبر من حجم الطراد وش يصير ؟؟؟؟ [الأرشيف]

مشاهدة النسخة كاملة : إذا كانت المكاين أكبر من حجم الطراد وش يصير ؟؟؟؟

BO Abdullatif

28/07/2013, 05:30 PM

السلام عليكم الظاهر من العنوان إن الموضوع واضح والسالفة كالآتي:

أنا الآن قاعد أشتغل على تصريح للزورق الي عندي.... فطلبوا مني وزارة النقل تصريح من حرس الحدود...الشاهد إني رحت للحرس وقالوا لي المكاين كبيرة على الزورق مع العلم إن المرسى مليان بمثل مواصفات الطراد الي عندي..بل في أكبر من المكاين الي عندي...بعد ذلك رحت للعقيد وتفاهمت وياه على السالفة...صرفني طبعا، لكن لمن كنت أناقشه أنا قلتله إني ما أبغى مكاين أكبر من الي ينصح فيها المصنع لأنها راح تأثر على ممشى القارب...بعدها عصب علي العقيد وبدأ يهاوش ويزاعق وكان فحوى كلامه "لا تحاول تلعب علي بكلامك هذا الطراد كل ما قوت مكاينه صار كويس بالبحر".
طبعا ما حاولت أكثر الجدال معه والله يعيني عليهم لكن سؤالي هل كلامي هو الصح ولا كلام حضرة العقيد الله يهديه ويحسن خلقه ؟؟؟؟

أنتظر جوابكم ومداخلاتكم بفارغ الصبر.

الواهج

29/07/2013, 05:48 AM

ممكن نعرف حجم الطراد ونوعه

وحجم المكاين

BO Abdullatif

29/07/2013, 11:07 PM

درازي 27

مكاين 115ثنتين

بدر12

30/07/2013, 01:02 AM

يتفلسف عليك الحرس يصرح لك من دون مشاكل و مرجود كثير و عليها مكاين اكبر
لكن دور المزاجيه تلعب و الواسطه و ربك يعين وين موقعك اخوي ممكن الشباب يفزعون

BO Abdullatif

30/07/2013, 04:22 AM

أخوي بدر مشكور على مرورك يالغالي.....وأنا عارف أن في نفسه ومركبين عليه مكاين أكبر....وأزيدك من الشعر بيت أنا ربعي عندهم مثله بالجبيل عليه 140 ثنتين سوزوكي والدمام مليانه مثله...على العموم أنا موقعي بالدمام وجاري تشغيل الواسطة بعد واسطة رب العالمين والله ييسر...والله يعتق وجهك من النار في هذا الشهر الكريم.

بدر12

30/07/2013, 04:10 PM

سالت لك واحد بلحرس و قالها لي حرف جانا عقيد جديد و عقد البشر اسمه خالد علئ ماضن
عموما يقول سو ملف طرادك بلقطيف و بعد ماتخلص تقدر تنقله الخبر

BO Abdullatif

31/07/2013, 02:03 AM

أخوي بدر الله الله هذا هو الرجال الي واقفه عنده المعاملة وانشاءالله إنها انحلت هاليومين وراح إنشاءالله أعطيكم الأخبار

م/عبدالله

31/07/2013, 03:36 AM

BO Abdullatif

31/07/2013, 05:02 PM

القارب يتحمل المحركين ... ومافيها مشكله
مصرح لك الحد الادنى الى الحد الاعلى
اذا تعقدت تروح الشركه يعطونك ورقة
بهذا الكلام ومختمه من الشركة .
هذا الرجل مجتهد لذلك قراره اجتهادي
وعموما مافيه اي اوامر لدى سلاح الحدود
او جدول يوضح بالخصوص هذه الامور

أهلا بمهندسنا عبدالله هذا الكلام الي أعرفه وخابره لكن الضابط الله يصلحه اجتهد زيادة عن اللازم.... وعلى العموم هو نفسه(الضابط) استخدم معادلة معينة على معطيات مواصفات الطراد فأوجد من خلالها سرعة الطراد، فكانت السرعة أكبر من الحد المسموح على أساسه منع التصريح....وأعتقد إن المشكلة كانت من وزن الطراد قرف وهو فاضي (850 kg) ما حسب الشغلات الثانية من توانك ووو....الخ
على العموم أبشركم حليت المسألة سحبت الطراد على التيلر إلى محل خردوات و معدن الي عندهم ميزان ووزنت الطراد وطلع وزنه مع التيلر 2400kg تقريبا فحطيت هذي الورقة مع ملفي وأعطيتهم القيادة العامة لحرس الحدود والحمدلله جاتني الموافقة بفضل الله و

م/عبدالله

01/08/2013, 03:31 AM

يااخي حسابه خطأ فادح الوزن يحسب اجمالا
لاستخراج القدره الحصانيه لكن مايبغالهم
غير الحيله .. والف مبروك وتكده في خير

بحار البريكة

01/08/2013, 03:53 AM

هههههههه
حلوة يا بش مهندس
الشغلة كلها مزاج في مزاج وبالذات بالمنطقة الشرقية

BO Abdullatif

01/08/2013, 04:31 AM

يااخي حسابه خطأ فادح الوزن يحسب اجمالا
لاستخراج القدره الحصانيه لكن مايبغالهم
غير الحيله .. والف مبروك وتكده في خير

الله يبارك فيك