من منكم جرب البط المجمد الخارجي يوجد صورة ..

[متولع بالقنص]

بسم الله الرحمن الرحيم


السلام عليكم ورحمة الله وبراكاته


كل عام وانتم بخير


حبيت اسئل هل احد منكم جرب البط اللي يجي من الشركات


كيف لحمه وطعمه وهل هو زين


وهاذي صورة صورتها من الثلاجات في أحد السوبر ماركات

اليمين بط واليسار دجاج للمقارنه بالحجم


http://www.mekshat.com/pix/upload01/prof024/mk206131_14092012053.jpg


دمتم على خير وعافيه


غفر الله لي ولكم ذنوبكم و أموات المسلمين

[قوافي ( أم نهار )]

عليكم السلام ورحمة الله وبركاته
وانت بخير اخي الفاضل
جربته ومافيه شي من المطيبات اللي توخر ريحة الزفاره الا وحطيتها وما فاد ،،ريحته زفره زفره،، الطازج افضل بكثير ..
تحياتي وتقديري واحترامي

[TheShark]

والله كنت ناوي اجربه بس مالي في الطبخ والوالده قالت لا أشوفه في البيت :D

[سطم]

هلا والله وشلونكم يالغالين جربناه مندي الله يسعدكم حقيقة صغر حجمه شوي وطعهم رهيب بس حط صفار الزعفران والملح و حط البطه البرية في البرميل وياخذ نفس وقت الدجاج في البرميل وشف الطعم مميز والاخ اللي يقول فيه زفرة والله الدجاج لو يطبخ تحصل فيه زفرة
اي شي يضبط مندي

[صباح الشمري]

وعليكم السلام والرحمه عندنا في الكويت متوفر ساديا وامريكي والماني
جربت الامريكي طعمه جيد جدا
وجربت الالماني طعمه ممتاز فوق الوصف
ومن بعدها ماتعديت غيره

[متولع بالقنص]

اراء طيبه

بارك الله فيكم

[بن جعيثن]

انا سبقت ان جربته بعد سلخ الجلد وسلخه كا سلخ الذبيحة تقريبا وهو جيد ودهنه واجد ولم اجد له رائحه اوشي يعكر طعمه

[فلسفة]

وعليكم السلام ورحمة الله وبركاتهة

صار عليه سليق يحبه قلبك وهو نفس هذا النوع اللي انت مصوره ما اشوف فيه شي ينعاب فلحمة جيد ويعتبر حجمه صغير مقارنتاً بانواع اخرى مجمده

[ع العمرو]

فيه العافية على قلوبكم بس مامثل بطيطات الديرة .

[رسيس نجد]

الدجاجه مكتوب عليها حلال في الدئره الخضرا 0البطه ما لمحت مكتوب عليها حلال 0الحذر منها 0

[متولع بالقنص]

الدجاجه مكتوب عليها حلال في الدئره الخضرا 0البطه ما لمحت مكتوب عليها حلال 0الحذر منها 0

ما ندري يالغالي

للدجاج ولا البط :D

مادام ماشفنا ما نقدر نحتسي :)

ما بعد صيد يدك

بس حبينا نجرب ..

قلنا نسئل ونستفيد عشان ما نخذه ونقطه

[مجازف2010]

الدجاجه مكتوب عليها حلال في الدئره الخضرا 0البطه ما لمحت مكتوب عليها حلال 0الحذر منها 0

اخوي الدائرة الخضراء تعني ان الدجاج متغذي على غذاء نباتي ومالها علاقة بكلمة حلال

[everyshark]

يا مسلمين ، ما يكتب عليه حلال ف هو حلال بلا اختلاف ،، القصد من كلمة حلال هو ان اللحم حلال ليس لحم خنزير او طير جارح ، الشي اللي اغلب المسلمين غافلين عنه انهم لا يقصدوا بطريقه الذبح حلال ، الحمد لله رب العالمين الخيرات كثيرة في بلدنا ليش نعرض انفسنا لهذه الانواع البرازيليه والامريكيه ، علشان رخص السعر ، كل واحد يحتاط ويحاسب نفسه قبل مايشتري هالمنتج ، كفايه وصلنا لدرجه سحيقه يااخوان ، امريكا ومن خلفها والله مهزلونا يا اخوان، والله يديم النعمه

[جلمود الحره]

انا اشوف انه بالمندي اطعم

[حبيب الملايين]

وين نلاقي البط الالماني

[سليمان اليامي]

انا اشوف ان البط الالماني اطعم مع المندي
ياحبيب الملايين وين موقعك وانا ادليك على البط المجمد

[شفر 10]

جربت اللي بالصورة وجلس بالفرن 4 ساعات ولا استوى وضروري تحط تحته صينية لأن بينزل دهن منه كثييييير

[ابوفهد f]

انا جربته مو ذاك الزود لاكن اذا تبي تاكل اشتر حي صغير الي توه طالع ريشه واطبخه حط ملعقه كبيره سمن فارم اوزبده لمدة 40 دقيقه في قدر عادي والكاتم 20 وحبه كامله ثوم وكركم وقرفه وكم قرن فلفل اخضر فقط وبعدين

خذ البط وحطه في صينيه ودخله الفرن للتحمير هاذي الوصفه الي انا مجربها
وصحه وعافيه عليك

[الوادي11]

بخصوص الزفره حط ثلاث حبات بصل مقشر بس يعني بدون تقطيع جرب واحكم

[ابوصقر2]

افادوك الاخوان بارك الله فيهم وفيك

[متولع بالقنص]

الله يعطيكم العافيه

بارك الله فيكم ,,..

[Raselny]

انا مجرب اللي بالصورة كذا مرة وبصراحة ممتااااااااز جدا وسويت عليه عزيمة والكل اعجبه الطعم

بس للعلم يطلع منه كمية زفر كبيرة ، يبيلك تشيلها اول باول خلال الطبخ

[حزم الفرحيه]

هلاء بالغالي البط هاذا جيد ولكن يحتاج الى صلخ ودهنه واجد
وفيه نوع يباع طازج اسمه بكيني للذيذ والله يعينك على الدسم ..وبالعافيه

[مكشاتي سبشل]

طريقتي فيه الكاتم له 35دقيقه ثم اجهزه للمندي تبهير وملح ومشتقاته