افيدونا بهالمشكله , صوت طقطقه مع انخفاض انبير ضغط الزيت !!

[راعي الرود]

السلام عليكم


يا اخوان عندي مشكله لها فتره تقريباً لكن بدأت تزود

اولاً الموتر جيب شروكي 2001 , بعد التشغيل و الموتر بارد ضغط الزيت مستواه طبيعي يكون فوق المنتصف بشرطه وحده

و بعد ما يحتمي الموتر تنزل شوي وتوصل للنص , اتوكل على الله اعشق وامشي و بعد المشاوير الطويله يصير ضغط الزيت مع الوقوف فوق الصفر بشيء بسيط !!

واذا دعست ارتفع و مع الـ2000 ار بي ام يوصل لتحت النص بشرطه وحده و في السرعات العاليه 140 او 160 يكون ثابت نص لكن مشكلتي مع الوقوف او اذا شلت رجلي الله يكرمكم عن الدعسه يطيح الانبير على طول !!

سابقاً كان فيه صوت طقطقه تكون اوضح من تحت الموتر يعني من فوق جهه غطاء البلوف مافيه صوت

لكن قبل امس كنت جاي من خط و مسرع امشي حول الـ 180 و يوم وصلت الرياض صار العداد طايح مره مابينه وبين الصفر الا شعره يعني تقريباً الضغط واصل 5 psi

و طلع صوت طقطقه بصوت اوضح من اول و صار صوت المكينه زي صوت حنه دوده الدركسون اذا كانت مفضيه زيت

و بكل الحالتين الصوت اوضح من اسفل المحرك

اللحين انا موقف الجيب و استعمل موتر ثاني لين القى له حل ..

هل سبب المشكله من الطرمبه او التكايات ؟ مع العلم ان الموتر وهو بارد فيه تكتكه بسيطه مره مايسمعها الا واحد مدقق

طبعاً الزيت الترا سفن 20-50 و السيفون اصلي ماخذه من الوكاله و حساس الزيت جديد و اصلي ولا يوجد نقص زيت الحمد لله ولا علامات شنبر

[سفاري سوبر]

غير هالزيت هو اللي يطلع صوت
حط شل الجميع

والا

فوكس سوبر جي تي وراح يختفي هالصوت

[راعي الرود]

غير هالزيت هو اللي يطلع صوت
حط شل الجميع

والا

فوكس سوبر جي تي وراح يختفي هالصوت

وانا اخوك الزيت ماله علاقه بالصوت لأني جربت انواع كثيره من الزيت و ضغط الزيت والطقطقه على ما هي عليه و غيرت اللزوجه لـ10-30 و نفس الحاله

و قبل فتره فحصت كمبيوتر طلع سلندر 1 و 4 ضعيفه , مدري من البخاخات ولا البواجي مع انها جدد يمكن يكون لها دخل بالمشكله

[sgl2002]

مشكلتك تكمن في ثلاث حاجات


١- الزيت لزوجته غير مناسب ويجب عليك تغيره الى ١٠/٣٠ لان الزيت اللي تحطه ماتوقع ينفع له والكاتلوج بتحصله كاتب اللزوجة والامريكي مايتحمل الزيت الثقيل

٢- طرمبة الزيت على وشك الخراب او ربلتها مشقوقه والزيت ما يمشي صح

٣- ضغط الار بي ام في الوقوف اقل من ٦٠٠ دورة وهذا اللي يخلي ضغط طرمبة الزيت يقل والسبب يبيلك تنظيف ثروتل او ضبط وزن الدعسه

[راعي الرود]

مشكلتك تكمن في ثلاث حاجات


١- الزيت لزوجته غير مناسب ويجب عليك تغيره الى ١٠/٣٠ لان الزيت اللي تحطه ماتوقع ينفع له والكاتلوج بتحصله كاتب اللزوجة والامريكي مايتحمل الزيت الثقيل

٢- طرمبة الزيت على وشك الخراب او ربلتها مشقوقه والزيت ما يمشي صح

٣- ضغط الار بي ام في الوقوف اقل من ٦٠٠ دورة وهذا اللي يخلي ضغط طرمبة الزيت يقل والسبب يبيلك تنظيف ثروتل او ضبط وزن الدعسه

هلا بالذيب حياك الله

- الزيت تم تغييره إلى 10/30 نفس الحاله و اردى لأن الزيت اخف و الزيت الثقيل صرت احطه مؤقتاً لين القى حل

- طرمبه الزيت خبري فيها من اول ماتدق سلف ماتدفع زين لو هي ضعيفه لكن عندي انا لا دقيت سلف تمام ولا فيها خلاف ماتجي المشكله الا بعد مايحتر الموتر

- ضغط الار بي ام تمام على 700 دورة :)

كيف اجزم انها من السبايك ولا جلب التيمن

[..D7oom]

مشكلتك تكمن في ثلاث حاجات


١- الزيت لزوجته غير مناسب ويجب عليك تغيره الى ١٠/٣٠ لان الزيت اللي تحطه ماتوقع ينفع له والكاتلوج بتحصله كاتب اللزوجة والامريكي مايتحمل الزيت الثقيل

٢- طرمبة الزيت على وشك الخراب او ربلتها مشقوقه والزيت ما يمشي صح

٣- ضغط الار بي ام في الوقوف اقل من ٦٠٠ دورة وهذا اللي يخلي ضغط طرمبة الزيت يقل والسبب يبيلك تنظيف ثروتل او ضبط وزن الدعسه

هذا كلام معقول اذا امبير الزيت ينزل بسرعه اعرف انها من الطرمبه والله اعلم

[محب للخير]

السلام عليكم ورحمة الله وبركاته

[محب للخير]

السلام عليكم ورحمة الله وبركاته

تأكد اخي المبارك من الشخال داخل الكرتير ومن طرمبة الزيت قبل لا تخبط عليك السيارة
كفانا الله شر الخسائر في الدنيا والاخرة

[راعي الرود]

هذا كلام معقول اذا امبير الزيت ينزل بسرعه اعرف انها من الطرمبه والله اعلم



السلام عليكم ورحمة الله وبركاته

تأكد اخي المبارك من الشخال داخل الكرتير ومن طرمبة الزيت قبل لا تخبط عليك السيارة
كفانا الله شر الخسائر في الدنيا والاخرة



الله يجزاكم و والديكم الجنه


ولا تهونون جميعاً


قررت اني اوضب الموتر و اغير الطرمبه بطرمبه آداء عالي :)

[عبادي464]

اذا المكينة مافيها شي لاتوضب بس غير طرنبة الزيت باسرع وقت

[بترووول]

اذا الصوت مستمر معك ويزود مع دعس البنزين وتنقص المكينه ذي السبايك متكسره

[هاوي المطاريش]

غير زيت موبيل وسيفون اصلي واذا ما راح الصوت غير طرمبة الزيت بس

[روق الرياض]

اخوي
مازود على اخواني غير طرنبته الزيت
وشكرآ

[MSAN]

اذا المكينة مافيها شي حراااااام توضبها

[فياض الربيع]

الله يعينك شروكي ياكثر الخراب فيه وقطع غياره غالي

[مجنون فيها]

السلام عليكم
انا عندي نفس المشكله جيب GX-Rموديل 2002..امبير الزيت نازل على اخر شي
ويطلع صوت الطقطقه اول مااشغل السياره ويختفي..ي ليت تفيدوني الله ﻻيهينكم

[MSAN]

الله يعينك شروكي ياكثر الخراب فيه وقطع غياره غالي


ترا قطع توضيب مكينة الشروكي مع البساتم بـ 1900 ريال.. وش الي غالي الله يصلحك

بكم قطع توضيب الباترول أو النيسان..؟ :D

الي يسمع معلومة يحاول يتأكد منها قبل ينقلها




بالتوفيق

[عميد آسيا]

يا ليت صاحب الموضوع يعلمنا باللي سواه و صار معه للاستفادة

[راعي الرود]

يا ليت صاحب الموضوع يعلمنا باللي سواه و صار معه للاستفادة

اللي صار طال عمرك بعت الموتر بيعه تسلب"ن" سرق آهله (و أنت والسامعين بكرامه)
تخسرت عليه ما استفدت شيء
بعد الموضوع بفترة طلع لي صوت عمود الكرنك من قل الزيت وصارت تشتغل لمبه الزيت والموتر خسران فيه حدي و بعته على علته