سجل حضورك ببيت شعري .........

[مطارد مطر]

بسمالله الرحمن الرحيم

السلام عليكم ورحمة الله وبركاته

هذه المساحة لجميع من يريد أن يشاركنا بما أعجبه من بيت شعري

مساحة للتنفيس لا أكثر ولا أقل


واتمنى من الجميع المشاركه

.........................

.................

......

...

..

.




استغل الوقت وايامك عسل


دام وجه الحظ معطيك القبول


لاتغارب كل شيٍّ محتمل

مايدوم العز والنعمه تزول

.......................

(((( ارجو التقيد بشروط الخيمه )))

المشرف

[صافى السريره]

العرب قالوا ترى الشعر آفته
.............. من رواته قلت بل منهو قراه
كم وكم شاعر ترى قد صابته
............ من غشيم الفهم ضر(ن) وابتلاه
(آل _بوهلال التميمي)

[مطارد مطر]

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح
==========

[قرير]

احفظ شمام النفس واحذر حيدرا *** إن الوقوف كما الرجوع لمصغره

وكذا الغرور كما الخنوع لمقبره *** وعلى خطى الإقدام تؤتى المفخره

إن النفوس إذا استكانت تعترى *** هل خاف طير الحقل طير القبره

[ابوطشاش]

اثر الرجاجيل تفرق بالمدى والعزوم والطيب كايد وحزات المواقف محك
احدن على اطرف سبب ماعاد يعرف يقوم واحدن لوتسكر لدنيا بوجهه ضحك

[عادل الهلباني]

مآ كل حيٍ ذكره يصيـر لـه حـي
.... .. و مآ كل ميّت لآ إندفن مآت ذكره

موقف يجي أحيآن تكـرَه بـه آلحـي
.... .. موقف يمر , ( تعزّ ) من كنت تكـرَه

[علي الثاني]

ماني عن اللي جنح عن سكتي ناشد
والسكة اللي بها اعجوجاج ما امشيها.
والصاحب اللي ماهو فالح ولا راشد
لو صحبتة تنعرض ببلاش مابيها.
علي الثاني

[معدل عوج]

اقطف حلاه القول والروح متلوله
ودنياي حدتني على وعور وجبالي

[عادل الهلباني]

بيت آنا آقدر اقولـﮧ وبيت ماظنـﮧ يقال ..


مابقى عندي آجابه ولا آبي آطرح سؤال..
.. .. .. .. .. السڪوت آڪبر مصيبـﮧ و الـحـڪي آدهى وآمر "

[مدهوش]

ليا بعد ناسٍ تكبر على ويش = لا شافت الناصي تلوت خششها

العملاق / عبد الله بن نايف بن عون

[معدل عوج]

مامن من قلوب البشر مرجهنه ... كلن يقول انا بقت لي مقاضي

شاعر الشمال : كليب بن صالح الصلبي

[الخزيمkzeem]

عسى المطر يتمثنى دار مبروكه
يعلها من جبلها لين واديها

[عادل الهلباني]

ما مثل الإستغفار يتلاه تهليل
تقطيع وقت وأجر منا و منا

وهذي هي الدنيآ طلوع و تحآويل
مآجت لإبن آدم على ماتمنى

[111333]

مع تلة النيسان حسّه يلجلج

.......... خشـم النفـود الا نصيته يشجّه

لا عشقه باثنين خيل مسَرّج

............ لكـن صدّامـه ســـــرابٍ ولجه

ربعٍ حمر ملموم لا قلت أباهج

............. كفخـة قطـاةٍ بـالدّهـو مدّرجّـه



من قصيدة الشاعر ابراهيم العواجي - الرس

[زياد العنزي]

العقل نعمه لو تشوف المهابيل !!
والغدر نادر في زمـان الذيابـه


ياما شربنا سم بعـض الأقاويـل
من واحد ٍ كشـر علينـا بنابـه


يالله يا مرسل طيـور الابابيـل
( تقطع قلوب مفرقين القرابـه )


يمشون بالفتنه بكثـر التهاويـل
ولا فكروا في يوم عسر ٍ حسابه


أهل النمايم والحسـد والأقاويـل
(( سحابة ً .. يالعنها مـن سحابـه ))

[العد القراح]

سجلني اعظم من خسرته بدنياك وبسجلك اجمل بشر في حياتي

[العد القراح]

سجل اعجابي اخوي عادل الهلباني
مآ كل حيٍ ذكره يصيـر لـه حـي
.... .. و مآ كل ميّت لآ إندفن مآت ذكره

موقف يجي أحيآن تكـرَه بـه آلحـي
.... .. موقف يمر , ( تعزّ ) من كنت تكـرَه

[عادل الهلباني]

عند البدو لحقة المقفي تنقص وقار
.. .. يعني اذا غبت عن عيني ماني بتبعك

خلاصة القول و بدقتة و بأختصار
.. .. ان جيت يا مرحبا و ان غبت الله معك

[راعي العجراء]

الله يجازي صويحبي اليوم بالخير ...... يوم تعنا وزارني في منامي

[عادل الهلباني]

تدري وش آللي حير الناس امرهـ ..
.. .. .. .. والناس تسأل خـفوقي عـلامه ؟!

اني اشيل بـ دآخـل القلب جــمره ..
.. .. .. .. وأعــطي علــى كل الهموم إبتسامـه

[خي م طاع الله]

والله ما طلعت شمس ولا غربت = إلا وذكرك مقرون بأنفاسي
ولا جلست الى قوم أحدثهم = إلا وكنت حديثي بين جلاسي

[راع العراوي]

الرفقة اللي ماتوثق على ساس =قزازة ملسا على راس مجنون

[مطارد مطر]

الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

[بندر842]

مـاخـلـقـت ازعـل نـاس واكـسـب رضـى نـاس
ولا اخـلقـت اسـمـي صـاحـبـي مـن عـدوي
انـا عـلـى دنـيـاي طـرقـي وعـسـاس
وفـي طـاعـة الـلـه قـيـس ضـعـفي وقـوي

بــــــــنـــــدر 842

[هزاع المطيري]

الصحبه الي عافتك عطها قـفـاك
لو كان تغليها طلبتك خلهـا
والصاحب الي لاطلبته ما عطاك
لـيـا مـد يـده يـم يدك ردها

[عاشق القرناس1]

اﻻ‌ يـــا ونــتــي ونــــة مـعـنــا×
............غريـب الــدار ملـهيـته شطـونـه

اﻻ‌ يــا بـــارق بـالـشـرق عـنــا×
.............اخيلـه ليــن فا تـتـني مزونـه

عسـانـا نـنــزله حــنا وأهلــنآ×
...............وأهـل مضـــنون عيــــني يـنزلونه

وﻻ‌ ياعود ريحان ٍ تثنا
...............على الجدران ميال ٍ غصونه
تحياتي
عاشق القرناس1

[عادل الهلباني]

سلمت لك قلبي على گف يمناگ
ولا تحسب ان اللي بـ يمناك سبحّه

ما ابيك تلعب به و تعطيه يسراك
مأ قد سمعت بَـ حب تاليه / ذبحّه

[عادل الهلباني]

آلطيب ماهو عز في كل الاحيآإن
.. .. .. .. آلطيب في بعض المواقف مذله. .

لآ صرت دايم تأخذ آلطيب عنوآإن ..
.. .. .. .. يجيك من هو " بالردىآإ " يستغله ,,

[تكاشف ابروقها]

صيت الرجال الوافيه بأفعالها .. ولا الرخوم
ينبيك عنها : قل نفعتها وشين نفوسها

تطرد ورى الدنيا وتكشخ بالمواتر والهدوم
مثل ( الحريم ) أغلب دراهمها على ملبوسها

[بن عويف]

http://img12.imageshack.us/img12/1509/4opa.jpg

[بن عويف]

بالسـلام ابدا قبل نبـدا القصيـده
ياعسا القـاري حياته في سعاده
بانتقـي للقــاري ابياتــن جــديده
لا قـــرا لـه بيت وقف ثـم عـــــاده
بنتقــي فيهــا تعابيــرن فريـــــده
واسـرج خيولـ ن تضرّت بالرياده
من سعاطيرن لها امجادن تليــده
ما تعشـق الا التصـدر والقيـــاده
ومــن يطـب الملعبـه يــاتي بجيـده
وان تـراخى يا هــلاكه يا هجـاده

بندر بن محمد بن عوّيف

[راعي العجراء]

همي كبير وفرحتي راس دبوس ..... واخشى عليها من الحسد لاتشافي

[بن عويف]

النفس تطمح للعلا وروس الأمجاد |
بن الظروف تحد نفسك على ماش |
تشوقني سيــرة عريبيــن الأتـــلاد |
وأكره علوم النقص ومقـابل اللاش |
" لابن عويف"

[عادل الهلباني]

ماني بشاعر بس عندي أحاسيس
لا ضاق صدري .. بالكتابة أسليه

ما أحب وجهي يمتليء بالتعابيس
أكتب .. وقلبي صبره اللي محليه

[بن عويف]

ياخوي الجنب يا طلق الحجـاج
يالرفيــق اللي بخيصن بالخفـاه
ودـــنا للبــر مـع ذيـك الفجــــاج
ذب ذاك الريع من دون الحصاه
البـــرار تجيب للصـدر انبهـــاج
سجـة الاقــدام للضــايق طـــراه
" لابن عويِّـف "

[عاشق السبق]

يالله طالبك طلبة فقير(ن)ومكسور قو عزمي و حزمي وايماني على هالدنيا انت الساتر و المستور كل(ن) يبي الجنه على باب الظماني

[عادل الهلباني]

الله يجيبه تالي عصير نازل.
من حومتن اتعب هواها متونه.

صافي الظهر قرناس والراس عازل
يفرح به اللي مبتلش في ديونه



اهداء للصقاقير .. وصح لسان شاعره "
ولاهو قصور بالجمييييع|

[ابومشعل3]

افضل بيت قالتة العرب 00قول الشاعر لبيد بن ربيعة العامري 00الا كل شيء ماخلا اللة باطل 00وكل نعيم لامحالة زائل =تحياتي

[ALjnooby]

فكّرت والمقسوم مافيه حيله
وليت الليالي علمتني بالاقدار
وعوّت نفسي عالعلوم الجميله
وانا على جور المحبين صبّار

[هاوي عبث]

عود لسانك في حياتك على قول ... شي يفيدك في نهاية حياتك
سبح وكبر واذكر الله على طول ... هذا الرصيد اللي يفيد بوفاتك

[عادل الهلباني]

ﻟﻮلا‌ ﺍﻟﻈﻨﻮﻥ ﺍﻟﻄﻴﺒﻪ ﻣﺎﺕ ﺍﻹ‌ﺣﺴﺎﺱ
.. ﻭﻟﻮﻻ‌ ﺍﻟﺘﺴﺎﻣﺢ ﺑﺎﻟﺤﻴﺎﻩ ﺇﻧﻘﺮﺿﻨﺎ

ﻭﻟﻮ ﻻ‌ ﺍﻷ‌ﻣﻞ ﺗﻬﻨﺎ ﻋﻠﻰ ﺳﻜﺔ ﺍﻟﻴﺄس
.. ﻭﻟﻮﻻ‌ ﻣﺨﺎﺳﻴﺮ ﺍﻟﺰﻣﻦ ﻣﺎ ﺃﺗﻌﻀﻨﺎ

[هاوي عبث]

للحزن بوجية المخاليق (هاله )
تبين (للناظر) ولو هم يخفون

وان كان تبغى لك عليها دلاله
شفهم وهم وسط السوالف يسجون


للشاعر / خالد الوقيت

[بن عويف]

الله يبيّض وجه . . الايام و الضيق
زالت قناع اهـل . . الوجيه القبيحه
اثـر الشدايد . . . فلتـره للمخاليق
تظهــر لك . . . المترديـه و النطيحه
لابن عويف

[ahmedok]

اخير منها ركعتين بالاسحار
ليا طاب نوم اللي حياته خسارة

ابن حميد

[بن عويف]

يا صبـاح الخيـر يا يـوم الثـلوث
يا عسا ذا الصبح يجلا كل غثـه

من تولـع فــ الدراهم والحــروث
راحت أحواله الى من شاب رثه

ومن بــ هالدنيــا معلق ومغلـوث
راح جثـه وانـدفن مع ألف جثـه

ارخـص الدنيـا تـراهـا للنكــوث
بـــثّ همّـك للــولي وابشر بجثه
لابن عويف

[alhrbe]

الكل يحلف إنه إنسان صادق
والصدق يحلف مالقى صدق إنسان!!!!

[دحدووش]

والله ماني بشاعر بس مدري وش اقول
ومثل ما جمعنا ربي يجمعنا بجنات النعيم

[ع ع ع 1 1 1]

اجمل عطر يسوى عطورات باريس !!
ريح الحطب بثيابنا لاملاها !!

[بن عويف]

ف المجاهيم

ما الحقت نفسي في شراها حسوفه
ولا نيـب مـن قنــي المجـــاهيم هيــاب
يفداتس راس اللي يعــدتس كلـــــوفه
ويفــداتس منهـــو للمجــــاهيم سبـاب
ويفــداتس قلب اللي هــواكم يحـــوفه
متــولعـ "ن" قلبـــه ولا فيـــه طبـــــاب
متــولعـ "ن" قلبـــه من اللي يشـــوفه
غـزايـز "ن" تجذب لها عسر الارقـاب×
لـ بن عويف

[بن عويف]

يالله عساها خير يامِنْزل الخيـر
واجعل عنـاها للمــولع طــراوي
روس المراجل قنية البـل والطير
والخيل ولعه واشهدني هواوي
لابن عويف

[alhrbe]

ﺍﻟﻠﻪ ﻋﻄﺎﻧﻲ ﻗﻠﺐ ﻣﺎﻳﻌﺮﻑ ﺍﻟﺤﻘﺪ
ﺣﺘﻰ( ﺍﻟﺰﻋﻞ ) ﻣﺎﻟﮫ ﻋﻠﻴﮧ ﻃﺮﻳﻘﻪ

ﺃﺣﺐ ﻛﻞ ﺍﻟﻨﺎﺱ.. ﻳﺎﻟﻠﻪ ﻟﮓ ﺍﻟﺤﻤﺪ
ﻫﺬﻱ ﺍﻟﺤﻘﻴﻘﻪ ﻛﺎﻥ ﺗﺒﻐﻲ ﺍﻟﺤﻘﻴﻘﻪ

[بن عويف]

يا رفيـقـي كـان ضاقــ ن الخطـــوط
وصــارت الدعــوه مثل سَمّ الخيــاط
اعتصــم بــالله في حـــل الضغـــوط
واتــرك اللي مـا وراهـ الا الخـــراط
خل عزمــك فـ الصعــايب يستشـوط
عـزم صهلـ ن لأروح العسرات شـاط

لابن عويّف

[sabrina]

نعيب زماننا والعيب فينا=ومـال زماننـا عـيـب سـوانـا
ونهجو ذا الزمـان بغيـر ذنـب=ولـو نطـق الزمـان لنـا هجانـا
وليس الذئب يأكـل لحـم ذئـب= ويأكـل بعضنـا بـعـضا عيـانـا

[sabrina]

إن حظي كدقيق فوق شوكٍ نثروه=ثم قـــالــوا لـحـفـاة يـوم ريـحٍ اجمعـوه
صـعـب الأمـر عـليهم فقالوا اتركوه=إن من أشقاه ربي كيف أنتم تسعـدوه
ألشاعر إدريس محمد جماع

[نفود حلوان]

قالو تقول وقلت ياويش ابقول.. اخير من بعض الكلام السكاتي
السديري

[E F I 2700]

هب البراد وهيض القلب عصفور
واشتقت لقروم الشمال ورفيفه

[عادل الهلباني]

بعض العرب شوفه مثل طلّة العيد
وبعض العرب بالعيد تفرح بشوفه

أحدٍ تحرّى له قصيد وتغاريد
واحدٍ على قول العراقي ( تعوفه)

[ذيب الفقارة]

القلب مخرج والمشاعر مذيعات ......... والشوق مبعوث مراسل لذلك

[المهاجر انا]

رجلي في الماء والظما حرق الجوف
والماء بعيدا ماتطوله يديه

[الشامي55]

جيتك بقايا حي كل اكثره مات ______ وصلت لك باخر رمق من حياتي

[اللورد 2009]

استعن بالله ولا تقطع امل
واعرف لو تصبر بيجي وقت وتنول
النتيجه دوم يسبقها عمل
والتعب لو طال في لحضه يزول

[قوافي ( أم نهار )]

السلام عليكم ورحمة الله وبركاته

حياكم الله جميعاً

تمت إعادة الموضوع للخيمه بعد حذ ف مشاركات مخالفه وارجوكم اخواني الافاضل تقيدو بشروط الخيمه ..

وفق الله الجميع

تحياتي وتقديري واحترامي

[عدم الانحياز]

وعليكم السلام ورحمة الله وبركاته
حياك الله مشرفتنا الفاضلة قوافي الخير
وحياكم اخواني واخواتي في هذه الخيمة المباركة
اتشرف بعرض بعض الأبيات التي اتمنى أن ترقى الى مستوى ذوقكم
الرفيع متشرفاً بأن اكون أول من يبدأ بالمشاركة بعد فتح الموضوع - والتجديد
أمر محبب فاذا أردتم ان تكون المشاركات بدع بأخر حرفين بدون تقيد بالوزن او الاستمرار
على النظام الأول باختيار بيت ترشحه ذائقتك للمشاركة فالخيمة تزخر بعمالقة انا تلميذ اتعلم منهم
وقد وددت أن يكون منهم من يفتتح المشاركة في هذا الموضوع بعد عودته ولكن العجلة ما تخلي اهلها
وانا هنا اوجه اليكم هذه الأبيات - طمعاً في كرمهم فلن تبخلوا على خيمتكم بما يرتقي بها ويجدد نشاطها

سلام الله على خيمه بجمع الشعر مختصه
حوت در ثمين صادها اللي غبها غاصي
وسلام الله على شاعر يجيب النظم ويرصه
يصوغ القاف في وزن وهو للزين به ماصي
عرضتوا كل جزل طاب ذا درب وله نِصه
حضور يطرب اللي جا يزور الخيمه وناصي
ترى قل المشارك مثل خاتم فاقد فصه
ما شفت اللعبة الحلوه بكورة يضبط الباصي
رسمت آمال بثيته على الله تفهم القصه
ويسعد كل من جاء من قريبٍ مد او قاصي


دمتم طيبين سالمين مباركين - هذا الجهد وعلى الله التكلان

[قوافي ( أم نهار )]

وعليكم السلام ورحمة الله وبركاته
حياك الله مشرفتنا الفاضلة قوافي الخير
وحياكم اخواني واخواتي في هذه الخيمة المباركة
اتشرف بعرض بعض الأبيات التي اتمنى أن ترقى الى مستوى ذوقكم
الرفيع متشرفاً بأن اكون أول من يبدأ بالمشاركة بعد فتح الموضوع - والتجديد
أمر محبب فاذا أردتم ان تكون المشاركات بدع بأخر حرفين بدون تقيد بالوزن او الاستمرار
على النظام الأول باختيار بيت ترشحه ذائقتك للمشاركة فالخيمة تزخر بعمالقة انا تلميذ اتعلم منهم
وقد وددت أن يكون منهم من يفتتح المشاركة في هذا الموضوع بعد عودته ولكن العجلة ما تخلي اهلها
وانا هنا اوجه اليكم هذه الأبيات - طمعاً في كرمهم فلن تبخلوا على خيمتكم بما يرتقي بها ويجدد نشاطها

سلام الله على خيمه بجمع الشعر مختصه
حوت در ثمين صادها اللي غبها غاصي
وسلام الله على شاعر يجيب النظم ويرصه
يصوغ القاف في وزن وهو للزين به ماصي
عرضتوا كل جزل طاب ذا درب وله نِصه
حضور يطرب اللي جا يزور الخيمه وناصي
ترى قل المشارك مثل خاتم فاقد فصه
ما شفت اللعبة الحلوه بكورة يضبط الباصي
رسمت آمال بثيته على الله تفهم القصه
ويطرب كل من جاء من قريب المد او قاصي


دمتم طيبين سالمين مباركين - هذا الجهد وعلى الله التكلان


حياك الله وابقاك اخوي ابو حمد

الشكر الجزيل على حضورك المتميز وصح لسانك عالأبيات الطيبه الله يبارك بك ..

تحياتي وتقديري واحترامي

[سحاب نجد راعي شقراء]

اصبـرمثـل من صابـه الكي لوصاح


يرجـي الشفـاء من واليـن مستجيـره


والبيت مـن دون العمـد ما بـه افـراح


لـوجــودوها اطـنابـــها المستــد يــره


والحـق حـق وصاحـب الحـق بسلاح


لا تقــربــه ياخــوك ونفسـه حسيــره


والبـعـد احسن لا غـدا القـرب فظـاح


ومــن لا يـــودك كيـف تقــدر تشيـره

سحاب نجد

[شاعر الجوف]

يا كود جمساً ما ترهبه المسافاتي
ملكعاً باول الدنيا وتـــــــــــاليها
منحره لاقبل مع خشم الطويلاتي
منحر ذلول تزول بكبد راعيها

[الاربع وعشرين]

الرزق مقسوم والعمر محسوم***والناس فيهن محسود وحاسد
في عافية وآمان والزاد مطعوم***وتبيت أغنى بشروالفرق واجد

[ابوفهد502]

مابان في بعض الرياجيل معروف
ولابان فيهم يارفيقي جميله

لامن طرت له حاجته صار ملهوف
وحاجات غيره يعتبرها ثقيله

(للشاعر محمد بن عبدالله بن محمد ال عبيد )

[عدم الانحياز]

يازارع المعروف في الصبخ بتشوف
جاحد كريه الوجه بيضاه شيله
كبر وكذب والمعاذير بظروف
ياما تلبس فعل غيره يشيله
الوجه بارد والندى منه مكتوف
ايديه يسرى والندامه شليله

[سحاب نجد راعي شقراء]

اعطيت من نفسي جزيلات وصــحاح


مثــل الغــمام الــي تــبارق مخــيلــه


ثــم امطــرت بالطيب والطيب فـواح


بــارض ٍ صبــاخ ما يخضــر مسيلــه


ولا جـنـيــت الا الشــقا والشــقا ناح


ومـن زود ما بـي صار همـي يشيله


للــناس بالــدنـيا مــرامـي ومسراح


وكلـن يشوف الـدرب وعقلـه دليلـه



سحاااب نجد

[مطارد مطر]

أحنّ إليكِ إذا جن ليل
وشاركني فيكِ صبح جميل
أحنّ إليكِ صباحاً مساء
وفي كل حين إليكِ أميل

(الام)

[الودااان]

لا تشتــكي للنـاس ... لا ضاق بالك
النـاس ماتـملك ... مسره ولا يـاس


ولا تحسب إنك ... بالتــعاسه لحـالك
إعرف ترى عايش معك بالشقا ناس


الناس مثـلك ... حالهــم مثـل حالك
الكل من ... مر الليالي شرب كاس

[أبوعبدالرحمن99]

صحت الألسن ،، يعطيكم العافية ،،و الشكر و التحية لصاحب،الموضوع ،، كل الود .

[طموحي]

ياراسي اللي مهتنا له بنومه
سنتين وكثر مدري شفيه شايش
الحمد لله عد وبل من غيومه
وعد الربيع اللي نبت من رشايش

[khaled074]

إليا تساوى الحظ بالحنضله ،،،، كبر وآمن بالوحيد عالي منزله
الدنيا ماهي فجٍ بالخطاوي ناصله،،، كان وصله النبي سليمان من أوله

[لفَاح]

القاف لامن هاض والبـــــرق لاناض ******خصا ليامن صرت بالوقت فاضي
اللـــي ليامنـه لقـــــــا الـنقــع بفـياض ****** لو الزعل حــاديه تلقـــــاه راضي
ياخوي بي من لوعة البال شضاض ***** وحسيت من تحت الضلوع انتفاضي
ماستخدم القيفان في مس الاعراض ****** ودايم لزلات الصــــديق متغاضي

اخوكم ابو صقر البذالي

[أبوعبدالرحمن99]

امتغاضي ،،صح لسانك يا ابو صقر ،،شاعر جزل

[بن عويف]

يا ليل يا ليل العنا والتناهيد
عيت عيوني تهتني بالرقادي
البارحه ليلي سروي يالاجاويد
باسباب مفتاح الخزانات غادي

#بن_عويف
تحيهـ طيبه من الأعماق لكم
فرداً فرداً
وتحيه خاصهـ للأمير قائد الركب
اسير النور

[ابو البر]

السلام عليكم ورحمة الله وبركاته
والله ثم والله اني سعيد بشوفتك بالمنتدى .
وينك ياوجه الخير
غايب لك مده .
ومرحبا ملايين يا ابن عويف .

[غالب المرواني]

قال أنا عند ظنك قلت لا بله
أختلف فيك ظني نوبه ونوبه
قال واللي سواتك يدمح الزله
قلت والغلطه اللي منك محسوبه
من بغاني على الشده رفيق له
لا يقصر بماجوبي وماجوبه
الرفيق المهجن رفقته عله
لابس لي عباة الود مقلوبه
لو يجامل معي والكره مشتله
المحردب تشوف الناس حردوبه
والشجاعه رجوله والردى ذله
لا تحن الحصان إلا من ركوبه
يارفيق يحد السيف ويسله
كل ما أقفى رفيقه حش عرقوبه
رفقة مالها مذهب ولا مله
يالله العفو والغفران والتوبه
للشاعر : سلطان الهاجري

[ابو البر]

سلام مني ياصل اقراب واحباب
سلام كله ود تحيت اسلام
هد المرض حيلي على قل الأسباب
جتني حراره بعدها رشح وزكام
رحت الطبيب ولابسن ثوب وثياب
والكوت فوق وفروتي لين الأقدام
اشكي عليه الحال والوعي ماغاب
اشوف زوله كن في عيني اغمام
الله يشافي لكن الطب له ناب
جاب الدواء مابين كيات واحجام
والموت شفته فاتحن عني الباب
مثل الطريح وصادرن فيه اعدام
والحمد لله حمد من اذنب وتاب
لاعادها الله عيشتن عشتها ايام

[الدوسري2010]

عن فرض ربي ماتهاون ولا اغيب & مكه وانا في انجلترا قبلةٍ لي
الشاعر خلف بن هذال

[King11]

يكفيك عن بعض الردود ابتسامه
والرجل ماكل السوالف تهزه
المحترم يفرض عليك احترامه
وترفاه عن شين بنفسه يحزه
الريش ماكبر علوم النعامه
والحر فعله بالنوايف يرزه .

الشاعر : فيصل العدواني .

[احمدالدمام]

مواقف العزة تعزز مبادي
وتسقي شموخ الفرد اصرار واقدام
ورعودها والعاصفة له تنادي
والنصر مقرون بتثبيت الأقدام
يحدني للتضحية كم حادي
ارض خلقنا الله لها خير خدام
ابوفيصل

[مطارد مطر]

من الرجوع للماضي والذكريات ):

[المعلاا]

الـنـون نام الحـظ ولا فــيـه حـيـلـه
عـيا يـبـارينـي وانا أزريـت أشـيلـه
مـن يـوم فـارقني عريض الجـديلـه
قام يتكسر في حشا الصدر عبرات
عـبـرات ضـاقت به حـنـايا ظـلوعي
عـلـيـك يا خـلـي حـسـين الطبـوعي
والـله يـمـيـن القـطع جـفت دموعي
دايم عيوني في هوا الترف سهرات

الشاعر/محمد أبن عمار رحمة الله عليه
أعجبتني فنقلتها لكم