المساعد الشخصي الرقمي

مشاهدة النسخة كاملة : تفتفه في باترول 99 بخاخ حرتني , تكفوووون أفزعووووا


K.S.A.A
29/07/2013, 05:04 PM
السلام عليكم ورحمة الله وبركاته

أسعد الله مساءكم جميعاً

والعشر عليكم مباركه

والله يجعلنا وإياكم من المشمولين بالرحمة والمغفره والعتق من النيران

عندي مشكله في جيب سفاري موديل 99 بخاخ 4500 حرتني وأتعبتني وكرهتني الموتر :(

والمشكله هذي ماتطلع إلا بوقت الصيف ( الحر الشديد )

إذا صار الموتر يشتغل لأكثر من 10 دقايق وهو واقف وجيت أدعس له يتفتف في البدايه

أو إذا وصل ضغط المكينة عند واحد ونص وجيت بزود شوي بدأ يتفت وينزل الضغط

بس لما أدعس بقووووه يكون صافي 100 % . سافرت عليه لكل مكان ومافي ولامشكله
ومسكت خطوط وزي اللوز .
بس فيه هذي المشكله البسيطه .

غيرت بواجي وأسلاك وصفاية بنزين كلها وكاله ولاراحت
شيكت على مسامير الثلاجه تمام
خرطوش الهواء ززززين


تكفووووووووون أفززعووووووووووا
مضارب سيارات
29/07/2013, 06:23 PM
الله يعينك ننتظر الخبراء
sgl2002
29/07/2013, 07:25 PM
طيب وين توصل الحرارة ؟
K.S.A.A
30/07/2013, 05:43 AM
الحرارة ماتتعدأ الربع .
sgl2002
30/07/2013, 06:20 AM
اجل مشكلتك طرمبة بنزين

تحتمي مع الصيف وهذي اكبر عيوب الباترول من ٩٩ الئ ٢٠٠١

واذا وصل البنزين الربع يقوم يقطع

نصيحه وانا مسويها وكثيرين مسوينها


غيرها بطرمبة فتك ٢٠٠٢ تجي رخيصة ودفعها قوي وتعطيك عزم حلو

واذا كانت التفتفه بسيطه ولاتعوق الموتر

فخلها ولا تغير شي
K.S.A.A
31/07/2013, 04:59 PM
يالغالي غيرت الطرمبة كم مره

الأوله طرمبة فكسار ونفس المشكله
والثانيه طرمبة بي أم دبليو ونفس المشكله
وألحين طرمبة بلاده جدييييده مالها شهر ونفس المشكله

والموتر يتفتف حتى والتانكي مليان ( فلل ) .
العطاوي a511
31/07/2013, 09:27 PM
مشكلتك كهرباء بس وين اللي يفهم للكهرباء اذا جيت لهم غيرو كل شي على حسابك واذا ماضبط قالو رح لفلان ورح لفلان يصرفونك
sgl2002
31/07/2013, 10:14 PM
اخوي انا توني اقرا زين

اذا دعست للموتر الين واحد ونص ع خفيف تحس الموتر يتنافض

هذي طبيعية بهالمكاين ٤٥٠٠

استخدمت باترولات واجد ومنها جدد ٤٥٠٠

تطلع نفس المشكلة


لاتخسر نفسك الا اذا كان التقطيع قوي مايخلي الموتر يمشي صح
عنزي من نجد
31/07/2013, 10:28 PM
انا صارت معي في سفاري 98 وغيرت حساس الصرقعة وضبط شفه يجي في جنب المكينه من جهة السيفون بس احسن شي افحص كمبيوتر علشان تتاكد من الكهرباء ﻻيجلسون يتعلمون بموترك
K.S.A.A
01/08/2013, 05:18 PM
الله يعطيكم العافيه ياشباب

هي من ناحية خفيفه أي خفيفه بس أني أنا تضايقت منها .

كلمت المهندس أبو صالح التركي وقال أنها طبيعية في هالموديلات

لكن شفت مواتر مستخدمه أكثر من موتري ومكرووفه بالحيل ولاتفتف ولا شي .

قلت أجل يمكن فيه مشكله ماعرفها إلا القليل من الناس ولعل وعسى نعرفها بعد ..
K.S.A.A
01/08/2013, 05:20 PM
أخوي عنزي من نجد ممكن توضح لي وين مكان الحساس بالضبط ؟؟

وأول مره أسمع إسمه بصراحه ..
عنزي من نجد
01/08/2013, 09:29 PM
في جنب المكينة الايمن في المنطقة اللي بين الدينمو والسيفون