المشراق 28 (ليف الدله)

[خشم الحصان]

الاخوه الغالين

السلام عليكم

اخوتي واحبتي في الله مشراقنا اليوم بنتكلم عن عملية تنظيف الليف او الثامه اللي نستعملها مع الدله

لئن الليف الموجود حاليآ ليف (صناعي) او ماخوذ من نبتات لا ندري من اين مصدرها وش

هالنبات او المصدر

والحين الله يغفر لنا ولكم هذا شرح مع الصور للعمليه

اخذ الليف

http://www.mekshat.com/pix/upload/images20/mk2673_1.jpg



يتم اخذ الليف من وسط النخله (احسن) لئن اسفل النخله يكون اليف قد بدا يخشب او يجبر وهذا

ليس جيد

ومن اعلي النخله يكون زين شكله ونظيف ولكن يوذيك في التنظيف حيث يكون (اللحا) طري

ويكون ناعم مره ويدلي يطيح من ثعبة الدله ولا يسمح بمرور القهوه بسهوله بسبب تجمع الهيل

وانتم عاد الله يثيبكم اختاروا اللي يعجبكم

غسل اليف

http://www.mekshat.com/pix/upload/images20/mk2673_2.jpg

بعد اخذ الليف من النخله قم بغسله جيدآ وذلك للتخلص من الغبرات

تربيص الليف او تنقيعه

http://www.mekshat.com/pix/upload/images20/mk2673_3.jpg



بعد غسل الليف قم بوضعه في (سحله) سبيره او قدر المهم ان يكون الماء مغطي الليف واتركه

الين بكره ثم غير الماء وتركه مره ثانيه مع التقليب الين تشوف ان الماء صفي

قص اطراف اليف

http://www.mekshat.com/pix/upload/images20/mk2673_4.jpg

اخواني الله يثيبكم بعد ماتم تربيص او تنقيع الليف نقوم الحين بقص اطراف الليف الخشنه

التي مانحتاجها

اليف بعد القص

http://www.mekshat.com/pix/upload/images20/mk2673_5.jpg

هذي هي شريحة الليف بعد القص سنها قرص جمر ولا سبيدة هريفي

فرك اليف

http://www.mekshat.com/pix/upload/images20/mk2673_6.jpg

بعد ذلك اخي الغالي قم بفرك الليف تحت البزبوز وانت تفرك قم ب ابعاد العيدان الخشنه وذبها علي جنب

وانت تفرك اليف تجد ان اليف بدا يتغير لونه ويطلع لك ليف يميل الي اللون شاهي علي حليب

واصل الفرك تحت البزبوز الين ترا انه معاد فيه شي واصبح زين

الفرق قبل وبعد

http://www.mekshat.com/pix/upload/images20/mk2673_7.jpg

الحين الله يتقبل منا ومنكم صيامكم وقيامكم شوفو الفرق بين الليفه قبل الفرك والتنظيف وبعد الفرك والتنظيف

الفرق بين اليف الوطني والمستورد تشفونه في هالصوره

http://www.mekshat.com/pix/upload/images20/mk2673_8.jpg

وفي الختام هذي الليفه الي قدرنا ان حنا نحصل عليها

http://www.mekshat.com/pix/upload/images20/mk2673_9.jpg

عموم اخواني ارجو ان اكون قد وفقت في توضيح الموضوع

اخوكم

خشم الحصان

.............

لا تنسونا من الدعاء في هالشهر الكريم

[السمح]

مكثور الخير يا بو محمد على مشراق اليوم ..

والحق أنك ما شاء الله تبارك الله تطيح على السنع الطيب .. كل مرة أقول خلص المشراق ما عاد فيه مواضيع أجدك تبدع وتأتي بالجديد .

عشت وسلمت على مواضيعك المميزة .

أحلى تحياتي

[راعي ساموده]

السلام عليكم ورحمة الله ..

والله ان كلمة ابداع شويه عليك يابو محمد ويكفيك ان اول من علق على موضوعك ( السمح )

[خشم الحصان]

الاخوه الغالين

السلام عليكم
حياكم الله كلن بسمه
.................
الاخ الغالي
والحبيب
ابو تركي(السمح)
يجعلك تسلم من كل مكروه يابعدهم ومرورك علي هالموضوع تشريف لكاتبه وللموضوع
وبشر يابعدهم لي في الفروه كثير بس خل المربعانيه تجي و ننفظها تطيح المواضيع المشراقيه
الله يرفع قدرك يابو تركي
اخوك
خشم الحصان
...........................
الاخ الحبيب
ساموده
وش دعوا الله يحسن الينا واليك ماقدمنا شي يستاهل طلتك علينا
اخيي انت والسمح عنين في راس ويجعلي مذوق حزنكم امين
ومدام الله رزقنا هالكمره ابشر ياولد الشايب بلي يسرك ان شاء الله
اخوك
خشم الحصان
.............................

[صقر]

رائع ياخشم الحصان على هالشرح الوافي

والله الليف عندنا بالكوم وما استفدنا منه .... من اليوم سأطبق شرحك المصور واخبرك بالنتيجة .

نغزة :.............. مبروك الساعة
صدمة: .............. أكيد انها ضد الماء

[بن فيصل]

تسلم ياستاد !

واخاف ان يبيلك سباك للمغسله ههههههه

تراي احب امزح معك لان روحك خفيفه

بارك الله فيك ونشوفك في مشراق جديد

(واحد من طلابك)

[مسافر1]

ماشاء الله عليك أخي خشم الحصان ..
جهد مشكور ومعلومات قيمة .
وصور معبرة تسهل عملية عمل المطلوب بيسر .
بورك فيك وفي مسعاك ..

[خشم الحصان]

الاخوه الغالين

السلام عليكم
حياكم الله وياهلا كل الهلا فيكم
....................................
الاخ الغالي:mad:
صقر (ابو احمد)
هلا والله بك يابو احمد بس ياخيي هو انتم لحالكم لي مستفادو عد وغلط وياكثر ما بين يدينا ولا استفدنا منه
مع ان الواحد لو يهوجس حتي في الكرب حق النخل يلقي منه فايده ولو مطارد الجربيع به بس انتبه
لا يصير رفيقك جرفلي ثم يكمخ بدل الجربوع
وش دعوا بطبق ;)
عموم هذي الساعه (الخراش) المباركه لمروركم والمشاركه
الله يجزاك عنا بالخير يابو احمد
اخوك
خشم الحصان
..................
نغزه........... الله يخلف علي الساعه اخيي ابو احمد انحته (سنها طبلون دباب) ثزيله
دقشه......... هي ضد الماء مدري بس ابدور (دركال او برسه) ماحولنا بحر
.......................
الاخ الحبيب
ابن فيصل
هلا بك يابعدهم سنك داري الله ياهي الطست الغساله ومغير تنجيخ بالسيم لين انفجرت
وتوبه عقب هالنوبه
وبعدين لي احلي قولتك(استاد)* او استاذ
وبعدين وش دعوا (طالب) ترا عارفين وش ترمي له اجل استاذ علي وشك التقاعد:no2: ماتطوف ابد
عموم الله يغفر لنا ولك امين ومشكور يابعدهم علي مرورك والمشاركه
اخوك
الصغير
خشم الحصان
.................
شرح المفردات
الاستاد.......... هو المنول لي يبني البيوت اي (المقاول)
الاستاذ ......... هو المدرس
.....................................

[خشم الحصان]

الاخ الغالي

ومشرفنا الفاضل
مسافر1
السلام عليكم
الله يجزاك عنا بدخول الجنه امين علي مرورك والمشاركه والله يبارك فيك وفي ذريتك ومالك اللهم امين
اخوك
خشم الحصان

[حد السيف]

هي ضد الماء مدري بس ابدور (دركال او برسه) ماحولنا بحر

ابو محمد درس مكثف :D :D :D

[حفرلوجيا]

جميل :good:

مشراقك يابو محمد جميل في السابق بأفكاره وبرائحة الماضي الزكية التي تفوح منه..

وأن يكون (مشراق مصور) .. فهذا يجعله مغرياً أكثر للمتابعة ..وفي الحضور..
صور تستوفي الشرح ..
وفيها تفاصيل تغني عن الكلام الكثير..:good:
----- بالمناسبة يابو محمد الصورة الرابعة أتت بمعلومة جديدة .. إذ بالأضافة إلى أن روس الأصابع مربعة .. تبين أن الابهام مستطيل .. :j

[خشم الحصان]

الاخ الحححححححححححححححححححبيب
حفرلوجيا
السلام عليكم
هلا بك يابو سليمان وبعدين هذه الصور من توجيهكم وتشجعكم لنا بشراء كمره ولو مثل (سرا ابو رفسه)
لئنه علي قولتك الصوره تفكك من الكتابه وخاصه لي مثلي (رابعه ك )وزود علي البلا عوانه (الاملاء)
وشل علي دربك خشبه اصابع مربعه ومشوطره سنها بيوت قلبل طالعه في السكه
ياخيي وشلك بصابعي اما الابهام سنه (راس قدو حق ابو صالح );) منتفخ من كثر ماجاه من الكمخات والسبه
الاطناب منول وغدا مستطيل سنه طريق القصيم الرياض
عموم ياخيي ارجو ان يكون الموضوع والصور اعجبتكم ونرجو منكم التكرم بالتوجيه بالنسبه للصور الله يحفظكم
اخوك
خشم الحصان
........................
نغزه........... المره الاخري ابلبس ادسوس اذا بغيت اصور وتبي تطلع اصابعي
دقشه......... ياخيي الله يثيبك اشون اصابع الرجلين ما بانت ولا سان فضايح ..........مشوت قوطي وحصي
وعليك التخيل
صدمه.......... اقول ابعد عن العوشزه وسدر البر خاصه في الليل.........وفهمها :d

[*القبطان*]

أخي الغالي: خشم الحصان (ابو محمد).




السلام عليكم ورحمة الله وبركاتة





الله يوسع صدرك مثل ما وسعت صدورنا بمشراقك

والله ينور دربك مثل ما نورتنا بعلمك ..خاصة مع هذا الوقت الذي بدئنا فيه نسيان الماضي.



وجزاك الله الف خير




نغزة : ليش الشباب معجبين بصابعك .
دقشة : الشارع الي ما خذين منه اليف كنه جنوب الرياض .

[المشراق]

أخي الغالي ابو محمد تراي فاقدك من مدة ماطليت واهوجس فيك والحمد لله تطمنت عليك والله يتقبل منا منك صيام هذا الشهر ويعيده علينا اعوام عديدة بالصراحة موضوعك في الثمانيات وجاء في وقته ( رمضان وقرب الطلعات ) الف شكر وماقصرت وتراه براد عجل بنفض الفروة وطلع بعض ما فيها 0

[عمار السفينه]

ماشاء الله تبارك الله

شغل مايحتاج

بس أخاف اربصه والقى فيه بيض براصي
:j

عاد وش اسوي كم مره لقيت :D

[المربد]

ما شاء الله تبارك الله
موضوع ممتاز وشرح وافي وصور سنعه الله لا يضرك
اخي ابو يراح عندي تساؤلات الله لا يهينك
ليش نقص اطراف الليف ؟
شنهو عيب الليف الابيض (المستورد) ؟
ما الفرق بين السحلة والصحفة والجفنة؟
.
.
.
.
.
.




نعزة: ما شاء الله حاطين لكم ارصفة في استراحتكم
سؤال: ليش (رابع ك) وليس ( أ ) ؟

حفرلوجيا احمد ربك ماشفت اصابع الرجل (اللي كانها عروق زنجبيل)

[SilverSniper]

صراحة موضوع طيب يابومحمد.. الرجوع إلى عروق الأصالة المتأصلة في عروق نبتة النخيل :)
بس اسمح لي باضافة بسيطة وهي أفضلية استخدام ليف النخيل عن الليف الصناعي.. حيث أن الليف الصناعي قد يحتوي على مواد تتأثر بحرارة القهوة ويتغير تركيبها وقد تنزل مع القهوة.. بينما ليف النخل يالله من فضلك.. :)
موضوع طيب يا جدي العزيز والله يخليك لنا جميع انشالله ويمتع بك على طاعته.. ;)

[طلو]

بيض الله وجهك ورحم والديك والجميع

[رسلان]

عافاكم الله أخي أبا محمد : خشم الحصان ...
موضوع جميل ... شرح وافي ومفيد ...
جزيتم خير الجزاء ...

[عاشق البران99]

ما شاء الله عليك أخوي خشم الحصان موضوع رائع وشرح أروع ..

الحين أروح ( لكرتون النفيع ) ألقط لي عبسة واجدعها في ( الحوش ) والا نبتت وكبرت خذت من ليفها وسويته مثلك .. ترا أمزح

مشكوووور مرة ثانية وجزاك الله خير وتقبل الله صيامكم وقيامكم ...

[أبو فراس]

السلام عليكم ورحمة الله وبركاته

الغالي ابو جراح ما شاء عليك جبت العيد والكشتات ( تقل الناس ما يشربون القهوة برمضان )

المثل يقول ينعاف الرز من تلبيده ( عاد اشرح لهم وش معنى تلبيده )

ياخيي الليف مايغير بطعم القهوة شي انت معي والا نمت

مر على حقون الجبس وخذ منهم لفه ليف ابيض يكفيك العمر كله بأرخص من التبن بوجه العدو

على فكرة النخلة بالشارع ومن سمح لك باخذ هالليف عني انا ماسمحت لك الا بحق

[الجيب الربع]

خشم الحصان

يازين افكارك بس وش الفرق بين الليف الصناعي والطبيعي؟

وبعدين طلعت من البيت وقطعت الشارع في هالشموس وكاميرا ومقص وغسيل وتربيص والبزران الله يصلحهم صافين حولك وآخرتها ليفة يالله تكفي دله وحدة :confused:

يامال الغناة اذا تعنيت جمع اللي يكفيك سنه

والا نسير على ابو أحمد ونجمع من عنده

الله يثيبك يا ابو محمد

[ولد سليمان]

السلام عليكم يابومحمد

وين الناس ياوخيي الله يغفرلنا ولك
هالحين ابقعد احتري يومين مربص الليف علشان اتقهوى ليه مربص هبود ..........:D :D :D
تبي الصحيح والله اني احسب ان الواحد يمصعه من النخله عدال وبدون غسل على الدله ... بس ابجربها علشان افتك من الليفه الي عندي ( كيسه الثوم الناعمه):D :D :D


نغزه ........الصوره الاخيره والي قبلها تسنها قصايص شعرعجز بالمسعى عند المروه
دقشه........عسى الرد على التلفون برمضان يعطش ولا يفسد الصوم ولافيه قضا......رد على التلفون:no:
نحته.........هالاديات متعرضات لعوامل التعريه من الكريمات وكريم الشطوب ...ناعمات حيل :D :D

[ابو العنود]

اخوي خشم الحصان
والله اني احبك واحب مواضيعك وحتى ردردك تعجبي
اما افكارك محدث ولا حرج 000بصراحه افدتني
في هذا الشرح كثيرا تصدق عندي في الاستراحه شحنة ليف
ودايم دلتي بدون ليفه 0000لكن عقب ذا العلم زانت الامور
تقبل تحياتي وودي 00

[أيمن]

وعليكم السلام ورحمة الله وبركاته ..

مشاركة جميلة ومفيدة يا أبو محمد .. شكرا لك ..



وسبحان الله العظيم الذي بارك في هذه النخلة المباركة الذي يتعدى نفعها الأرض التي غرست فيها .. يرميها الناس بالحجر فترميهم بأطيب الثمر .. http://www.almujtamaa-mag.com/Images/BRAKET_R.GIF ألم تر كيف ضرب الله مثلا كلمة طيبة كشجرة طيبة أصلها ثابت وفرعها في السماء * تؤتي أكلها كل حين بإذن ربها http://www.almujtamaa-mag.com/Images/BRAKET_L.GIF

ومن بركتها أنه يستفاد من كل جزء منها، من رأسها إلى آخر جزء بها .. وهي نعمة مباركة لمن تنبت في أرضهم ..

يقول الرسول صلى الله عليه وسلم: "مثل المؤمن كالنخلة إن صاحبته نفعك وإن جالسته نفعك وإن شاورته نفعك كالنخلة كل شيء منها ينتفع به".

قال العلماء: "شبه المسلم بالنخلة في كثرة خيرها، ودوام ظلها، وطيب ثمرها، ووجودها على الدوام، فإنه من حين يطلع ثمرها لا يزال يؤكل منه حتى ييبس، وبعد أن ييبس يتخذ منه منافع كثيرة، ومن خشبها وورقها وأغصانها، فيستعمل جذوعاً وحطباً وعصياً ومخاصر وحُصراً وحبالاً وأواني وغير ذلك، ثم آخر شيء منها نواها، وينتفع به علفاً للإبل، ثم جمال نباتها، وحسن هيئة ثمرها، فهي منافع كلها، ... إلخ".

وهنا نفع آخر أكرمتنا به يا أبا جراح .. بارك الله فيك .





تحيتي

[خشم الحصان]

الاخوه الغالين
السلام عليكم
حياكم الله كلن بسمه وياهلا كل الهلا بيكم
............
الاخ الغالي
ومشرفنا المميز
حد السيف
ابو سليمان
هلابك والله بس ياخيي يالله الدركيل وقت المطر عسي الله يجيبه امين وهذا الله يحفظه يبي يتاكد
الحين الموضوع عن الليف ولا عن الساعه
عموم علي قولتك درس مكلف
مشكور يابعدهم علي المرور والمشاركه
اخوك
خشم الحصان
................
الاخ الحبيب
وقبطان مكشات
(القبطان)
يجعلك تسلم ويجعلي ماذوق حسنك امين وان الله يوسعها عليك دنيا واخره ويعله ينور عليك في قبرك
ياخيي ان شاء الله مناب ناسين الماضي
والله يجزاك عنا بدخول الجنه امين علي مرورك والمشاركه
اخوك
خشم الحصان
................
الاخ الغالي
المشراق
حياك الله يابعدهم ياخيي طول الوقت وانا موجود بس يمكن انت ماتمر علي العامه(اقرب جهاز)
ولا وش دعوا مانيب موجود او ودك تنشبني مع الاداره اني مانيب اداوم
اجل في الثمانيات (مقص) ولا بوز الله يخليك (يامبارك عبد الكريم)*
عموم مشكور وعسي الموضوع اعجبك يالغالي
اخوك
خشم الحصان
..........
الاخ الكريم
خراب السفينه
هلا وكل الهلا عسي الموضوع يستاهل طلتكم الكريمه الله يحسن الينا واليك امين
ياخيي لا تاخذ من اسفل النخله لئن الخشاش مايتعداه خلك فوق وتوسط ولا من اخذ من
تحت لليف لزم معه طبق بيض.........
الحين يومك تهايز من ورا الجار مستحي
ذبه وخذ غيره الدنيا تجارب
عموم الله يغفر لنا ولك علي المرور والمشاركه
اخوك
خشم الحصان
............

[ريف النشاما]

:D :D :D


مشاء الله ........... مبروك عودة المشراق إلى الساحة


بس انتبه من هالكمرة تروح تقطع الشوارع لين تجيب العيد ............ الله يستر ;)


نغزة ============== استاد

ذكرتني بواحد زمان يبي (يحرش) .......... مأخوذه من (حروش) :no:

على اثنين تهاوشوا بالفصل

يقول المحرش ..........استاد استاد .............هن ضرب هن ......وهن بسا :cool:


دقشة .............الموضوع مميز برتبة نحته :good:

[دله وفنجال]

السلام عليكم...
ابو جراح ماقصرت معلومات قيمة من رجل ذو خبرة كبيرة وانا اليوم صايم ولاودي انغزك وناقز وطامر مابي حيييل ونا اخيك ...
لاعدمناك يلغالي ...

[عاشق الموطن]

مشكورررررررررررررر

[كشته 111]

خشم الحصان بيض الله وجهك علي الموضوع الممتاز , وانا ماخذها من قواصرها , اذا فاح ابريق القهوة واستوت وزليتها علي الدلة اللي فيها هيل واذا فاحت دلة الهيل جبت الشا خول البلاستيك الناااااااعم وزليت القهوة في الترمس قهوة صافية بدون اي شوائب وكذا ما احتاج لحط الليفة ثم اذا انسدت الليفة طلعها انفضها ورجعها , شغلة ,,,


مشكور يا خشم الحصان علي حرصك علي افادة الاعضاء جميعا ,,وسلامتكم والسلام عليكم ,,