ماهي المكينة الافضل للباترول

[مدرس بالغصب]

معي باترول95 نظيف بدي ومن داخل عيبه مكينته ضعيفه وش تنصحون اركب له ماكينه ووش تكلف لان الميزانيه وسط

[العنابي 616]

المكاين كثير أول حاجة شف أمورك و حدد الميزانية و بعدها شف وش يناسبك
لأنك لو ما حددت الميزانية راح تظيع

[sgl2002]

ركب له مكينه ٤٥٠٠

حقت ٢٠٠٠ وفوق

بتعطي موترك عزم ممتاز وماتحتاج اي ترهيم

[الاتصال السريع]

وانا مشكلتي نفس مشكلة الاخ مدرس بالغصب ، وراقت لي فكرة اخي sgl2002
وانا عندي باترول صالون 95 قير تماتيك ومكينته في بداية تبويش

[Abo_Faisal_506]

ركب 4500 بخاخ حقت باترول وفلتر وهدرز مراوح سوبارو و ديتر GXR 97 واتاح من كل يوم بورشه
العزم رهيييب والسعر رخيص
لأن من 88-97 خفيف

[مدرس بالغصب]

وش التكلفه يابو فراس لاهنت

[Abo_Faisal_506]

المكينه بحدود 11 النظيفه
والهدرز والفلتر العتيبي ب 1800 بدون كنداسه والفلتر ب٣٠٠-٤٠٠ K&N او سبيكتر وفيه فلتر بمروحه داخليه امريكي ب 380 والانتيك غالي شوي ب ٨٠٠
واي استفسار انا حاضر

[sgl2002]

وانا مشكلتي نفس مشكلة الاخ مدرس بالغصب ، وراقت لي فكرة اخي sgl2002
وانا عندي باترول صالون 95 قير تماتيك ومكينته في بداية تبويش

ركب مكينة 4500 بخاخ حقت المديلات الجدد
وغير القير الى عادي وافتك من التماتيك لانه فاشل في العزم

او اذا مرتاح معه خله

[مدرس بالغصب]

افا ماحنا حول هالسعر
اجل لو ابركب فتك وش تكلف:(:(

[Abo_Faisal_506]

افا ماحنا حول هالسعر
اجل لو ابركب فتك وش تكلف:(:(

الفتك لحالها مع رجيع ماتلقاها ب 20 والفتك لو بغيت توضب شف بكم

[العطاوي a511]

عندي مكينه فتك 2004 نظيفه راكبه على الموتر للبيع 30 الف شد بلد

[جلاد الحباري]

مكينة 2000 بخاخ وارتاح من التقطيع والكربون أسحب قرض من البنك وضبط امورك الدنيا كلها دين بدين

[حاميش]

من خلال تجاربي مكاين النيسان كلها 12 بلف ما عدا الفتك

والـ 12 بلف ما أشبها إلا بمكينة الخياطه ( اللي بدون زئبق )

الفتك 24 بلف بس غاليه وخراباتها جامده وعزمها حليل

أنصحك تركب أل أس ون

إذا ما جاها لعب تصبر وعزمها طييييب وما تحس بالخساره

وكانك بالرياض وتبيني أدلك على واحد يطبقها لك رخيص وشغله زين راسلني خاص

[gmc 1991]

ركب مكينه يوكون واهم شي تكون التحويله استراليه

[Abo_Faisal_506]

تكلفه تركيب ال LS1 من ١٧-٢٠

[محسن اليامي]

افضل مكينه للباترول هي مكينة الباترول

شوف كلام اخوي sgl2002 ١٠٠ ٪

[abo naser 1]

من خلال تجاربي مكاين النيسان كلها 12 بلف ما عدا الفتك

والـ 12 بلف ما أشبها إلا بمكينة الخياطه ( اللي بدون زئبق )

الفتك 24 بلف بس غاليه وخراباتها جامده وعزمها حليل

أنصحك تركب أل أس ون

إذا ما جاها لعب تصبر وعزمها طييييب وما تحس بالخساره

وكانك بالرياض وتبيني أدلك على واحد يطبقها لك رخيص وشغله زين راسلني خاص


والله يالطيب انا ما أشوف انها خياطة الى 4500 بخاخ وش ها الخياطة الي تمشي بسرعة 200 في الخطوط مع المكيفات والموتر في عشرة أنفس ومحمل عفوش وصالون 99 ماشي 400 الف وفل كفرات عراض وجنوط ثقيلة ودفرنسات وقير يروعن من ثقلهن وتقول خياطة لاتوهق الرجل في شي مايعرف فيه الترهيم تراه شغله ماهي ركب وامش ومحاكيك من ملاك LS1 وملاك البلاد أستخدام يومي يومي ماتنفع أبد والي ماهو راغب الترهيم لايقرب

أولاً 4500 بخاخ على بدي 97 وتحت نشيطة لان وزن الموتر أخف من الموديل الي بعده بحول 300 كيلو ماهي سهلة ابداً ابداً
ثانياً كوارين 97 وتحت حاشرة أكثر من الي بعده
ثالثاً تضيف فلتر وهدرز بحريني ومراوح بيخف الموتر بشكل رهيب
رابعاً وأهم شي في الموضوع مافيه تحويلة ولا ترهيم كراسي وهذا من أهم أعطال الترهيم ها المحرك يركب دايركت بدون ترهيم فقط فرز الكهرباء
خامساً لو تركب كبوت وأبواب وصدام فيبر بتفرق الشي الكثير

هذا بأذن الله الخطة الجاية معي انا جربت جميع المحركات بس أنسب شي للأستخدام اليومي والمستمر هذا المحرك اذا ركبت على موديل 97 وتحت عزم مرضي وصبر وسعر معقول

وانتبه من الخياطة الصحيحة مكينة الكزس الي اذا تبي ترقا مرقا في الزلفي كود تشد عزمها من القصيم ب 2
الناس يركبون كوراين تمد بعد الترهيم وحقين الكزس يركبون كووارين ديزل عشان يحشرونها من رداء العزم لا ويركبونها ب 19 الف ما تستاهل وفي الخط تمشي بالرابع عشان تشد ويقولون تمشي مع الفتك وانا شاري ها الخرده عشان نساقط لو نبي نسابق شرينا مكسيما

[مدرس بالغصب]

خخخ اتخيل لو افتح الكبوت والقى مكينة خياطه(singer)

[المتلولس]

مثل ماقالو الاخوان ركب مكينة باترول ٤٥٠٠

[حاميش]

أخوي أبو ناصر
المشي بسرعة 200 ما هو مقياس
الكورلا مكينتها 4 سلندر بسعة 1800 cc وتمشي 200
والتكلفه لو تحسبها صح متقاربه مع سعر الأل أس ون والفرق بالعزم وااااااجد
وجميع الردود ما تطرقو لأهم نقطه : وش الاستخدام ؟!
وبالأخير 4500 نيسان بدال ما يركبها ، بتكلفتها يشتر ربع تويوتا موديل 92 أصرف له

[abo naser 1]

أخوي أبو ناصر
المشي بسرعة 200 ما هو مقياس
الكورلا مكينتها 4 سلندر بسعة 1800 cc وتمشي 200
والتكلفه لو تحسبها صح متقاربه مع سعر الأل أس ون والفرق بالعزم وااااااجد
وجميع الردود ما تطرقو لأهم نقطه : وش الاستخدام ؟!
وبالأخير 4500 نيسان بدال ما يركبها ، بتكلفتها يشتر ربع تويوتا موديل 92 أصرف له



غير الممشا وأنا أخوك أشوف عزمها جداً مقبول وهي على صالون 99 معي على ثقلة و بدون اي تزويد
وشلون اذا ركب على بدي القديم مع قزوز كاتم وفلتر وفرار ومراوح وجنوط وكفرات خفيفة يصير ريشة وكانه بلد لا تحاويل ولاتجليس ولا مشاكل

ومافيه مقارنة بين تكاليف الأمريكي و 4500 هذي ماتوصل 15 الف وانت مبالغ والامريكي من 25 وطالع للشغل المرتب والمعروف