خبرتكم يا صقاقير

[راعي عزاام]

السلام عليكم
مسيكم بالخير كلن بسمه
خذيتلي فرخه الحمدالله وعسي الله يطرح فيه البركه
سؤالي النايفه مكسور طرفها تأثر عليه ولا لا

[جير دبي]

مراحب ياخوي نعم تاثر الريشه ولازم توسرها في اسرع وقت ..

[راعي عزاام]

مراحب ياخوي نعم تاثر الريشه ولازم توسرها في اسرع وقت
لاهنت علي الإفادة لكن طرف راس الريش مكسور

[قلب ذيب]

نعم تؤثر وسرها عاجل
عند عارف .

[صقار الهفوف]

افادوك اهل الخبره جزاهم الله الف خير

[falconer.679]

السلام عليكم
مسيكم بالخير كلن بسمه
خذيتلي فرخه الحمدالله وعسي الله يطرح فيه البركه
سؤالي النايفه مكسور طرفها تأثر عليه ولا لا

مسيك بالنور والسرور ياخوي ..

صحيح لها تأثير .. الريش الي وراها يتلاحق وتكسر رؤؤسها .. . لا تهملها وجبرها بأسرع وقـت ..

[(هزاع)]

افادوك الاخوان
الريشه تأثر على اللي قبلها واللي بعدها احتكاكه يكسر مجاوراتها
اذنت حول الرياض عندك العويدي ومستشفى الطيور
ولك هذا الرابط اتبع الاحداثيات
http://www.mekshat.com/vb/showthread.php?t=558636

[مودع الخلان]

وسرها عند العويدي

[بن قنور]

السلام عليكم ورحمة الله وبركاته
اخي العزيز
اذا الريشه مكسوره اقل من الثالثه يفضل ان تقص من النصف وتوسر واذا لم تكون ادنا منها فهي لا تضر الطير والله يباركلك فيه
وتشوف خيره
ابو فيصل

[سعيد العقير]

اذا كان جزء بسيط من راس النايفه يعني مقدار نصف سنتمتر فلا يضرها ان شالله انا من رأيي لا تحرك بريشها شي

اما ان كان جزء كبير ١.٥ سم واكثر
اعتقد توسيرها افضل

[راعي عزاام]

لاهنتوا علي الافاده هي تقصر عن الثالثه بربع سانتي تقريبا
و وريتها صقار قال مايحتاج توسير

[سعيد العقير]

ما دام انها ربع سم ما يحتاج الحمد لله انك سالت لان الريشه الموسره مو مثل اللي ربي خلقها

[حامد الحنيني]

يارجل مايحتاج توكل على الله ولا توسر

[ابو عييد]

وعليكم السلام

افادوك الرجال

[عوق المدابير]

هذا لايسمى كسر الريشه متحسسه فقط لاغير

واتركها ولاهي بضارتها ان شاء الله


وجعل فالها الخرب وجعلها تطربك