المساعد الشخصي الرقمي

مشاهدة النسخة كاملة : استفسار عن اسعار ربلات العكس


ابوعدي
02/08/2013, 04:44 AM
السلام عليكم يا اخوان عندي جلد العكس الداخلية مقطوعه وطالع الشحم الجهتين الربلة الداخلية دورت عند قطع الغيار ما حصلته وحصلت عند الضحيان فيه اصلي بس كاملة فوق 400 ريال الجهتين يعني اربع ربل
وحصلت عند راعي العكوس نوع ماليزي ب 80 ريال عدد 2 ربل بس راعي المحل يقول لو تحصل اصلي احسن المالزي ما يطول وينشق
طبعا تركيب مع تشحيم يعني حق يده 300 ريال والشحم عنده نوع الماني يقول فيه افضل عند قطع الغيار اصلي يبي اجيبه على حسابي
السيارة برادو 2007 vx
عطونا العم وش نسوي
الوسم
02/08/2013, 05:14 AM
لا تعدى الأصلي
..D7oom
02/08/2013, 05:58 AM
انا مغير الجهتين تجاري وترى الربل حتى لو تجاري يشد معك اما اني اخذه بـ400 حتى لو حالتك الماديه كويسه بس عناد فيهم خل بضاعتهم تخيس حتى لو غيرتها بعد سنه او سنتين عادي خذ تجاري بس تلاقيها ب40 ريال

الشحم خذه انت اصلي واشوف سعره غالي شوي ... اذا شغلهم كويس توكل على الله لاني انا رحت يم القحطاني قالي 300


كل عام وانت بخير
ابوعدي
02/08/2013, 06:17 AM
وانت بالف خير ايه انا عند القحطاني يعني زينه ورشتهم يقول ب٣٠٠
وااضح
02/08/2013, 01:54 PM
مر النهدي واخذ من شركة مايز هو وكيلها تراها ممتازة
مسير عليكم
02/08/2013, 05:28 PM
اخوي ماسالت راعي الورشه هل فيه ربله تطابق يس من وكيل ثاني احيانا بعض الربلات والجلد تتطابق بين الوكالات اذكر معي جيب سزوكي مالقيت له جلد عمدان ودور في محلات قطع الغيار ويطبق له حق امريكي من شركه مووج
ابوعدي
03/08/2013, 04:59 AM
مواعده بكرا اجيه وابسأله رحت ادور اليوم في قطع الغيار لقيت وطني على ٣٥ ريال وخفت اذا ركب وحده وراح يركب الثانية انشقت الاولى ابصير اليوم واروح النهدي اشوف امس مسكر علشان الجمعه
ابو شهد قلبي
03/08/2013, 05:05 AM
القحطاني اكبر حرامي
خرب عندي عكس سيارتي رحت لهم قال لازم نركب لك مستعمل عكسك مايتصلح ابد قلت بكم قال الحبه 800 ريال و اطلع الوكاله و القى العكس وكاله مو مستعمل وكاله 575 ريال واشتريه و اركبه بمحل اللي مقابل القحطاني ب 50 ريال
ابوعدي
03/08/2013, 07:11 AM
جزاك الله خير بس وش اسم الورشه اللي تقول عنها
انت تقصد القحطاني اللي بشارع الجمعيه
مسير عليكم
05/08/2013, 05:54 AM
ابوعدي لاتحرص علي الربلات التجاريه الا اذا مجربه ومضمونه وانتبه من كلمة راعين المحلات (دايم تمشي عندنا والورش تاخذها ) لانها كلمة تسليك
abo naser 1
05/08/2013, 03:51 PM
السلام عليكم

أخوي القحطاني للعكوس وكذا محل حولهم متخصصين بها الشغله وعارفين شغلهم لاتعداهم انا جربت كذا سياره بس كلها سيدان والحمد لله شغل ممتاز
أسعارهم جداً مناسبة مقارنة بغيرهم بس تراي لي أكثر من سنة مدري عنهم أذكر عندهم هندي شايب داهيه حل لي موضوع عجزو خبراء الصناعية بحله