حرارة الفتك على الثلث [الأرشيف]

Abukhaled-503

02/08/2013, 05:07 AM

السلام عليكم
كيف الحال يا خوان
عندي الفتك حرارته على الثلث ولاهب هي الحرارة الطبيعية وتعتبر مرتفعةة للباترول !!
غيرت قربتين الماء الصغيرة والكبيرة ونفس الحرارة فكيت مكان البلف طلع راعيه القديم ملغي البلف وركبت بلف اصلي وسيخت رديتر ومازالت الحرارة ثلث ورحت لورشة ابوصالح التركي ركب لي تماتيك مروحة حق موتر ثاني ونفس المشكلة وطرمبة مويه ونفس المشكلة ورديتر موتر ثاني ونفس المشكلة بس قالي تعال السبت نشيك على خراطيش الموتر كلهن ومع ذلك بحثت عن تهريب ولا لقيت تكفون عطونا الحل

حطاب الشمال

02/08/2013, 05:53 AM

الحراره مع المشي بسرعه والا وانت واقف ياليت توضح

Abukhaled-503

02/08/2013, 06:04 AM

مع المشي ثلث وتوصل النص اذا كنت مشغل المكيف وواقف

..D7oom

02/08/2013, 06:05 AM

الحراره مع المشي بسرعه والا وانت واقف ياليت توضح:good2:

:good2:

Abukhaled-503

02/08/2013, 06:27 AM

اخر جمعه بالشهر الكريم يا اخوان ادعوا لنا بالصلاح والهداية والتوفيق

العطاوي a511

02/08/2013, 06:47 AM

هاذي حراره الفتك الثلث عادي والنص وانت مشغل المكيف عادي وتحداك تلقى فتك اقل من كذى بالوقت الحالي حر وهاذي حراره الفتك طبيعيه بس اهم شي شوف الرديتر ينقص ولا ينفض الماء برى يمكن من الغطاء

وعندك وصله هوايه الرديتر دايريه صغيره تجي تحت تماتيك المروحه دايم تطيح بالفتكات خصوصن اللي سيخو الرديتر والسبب العمال الاغبياء يسحب هوايه الرديتر وتطيح الهوايه ولاعاد يركبها يحسبها انكسرت ولا صار فيها كسر يقولك مافي مشكله يصرفك وهي مهمه تخلي سحب الهواء اقوى شي

ورقم القطعه للقير التماتيك 21477vc200

اما القير العادي رقمها 214774vc810

Abukhaled-503

02/08/2013, 06:58 AM

يالغالي الوالد معه فتك تماتيك بعز الظهر ومشغل مكيفين وثلاجة والحرارة ربع

وياليت اذا حصل صورة للقطعه لاهنت

محسن اليامي

02/08/2013, 07:07 AM

أخوي العزيز العطاوي اسمحلي انا اخالفك الراي لا بالله مهيب عادي ان حرارته الثلث والنص

ولا ينعطب موتر الرجال ياخوك , انا مستعمل فتكات واحدن منها مطلعه وكاله حرارته الربع وفي عز الحر فوق الربع بشخطه

لكن شيك على غطا القربه وغطا الرديتر تراها تسبب حراره

Abukhaled-503

02/08/2013, 07:14 AM

مع اني مستحقرها وفي نفسي اقول مستحيل انهم هم لكن بجرب اغيرهم اليوم لعل وعسى

محسن اليامي

02/08/2013, 07:19 AM

شف تراها تختلف

غطا الرديتر يجي بدون صمام شفط , وغطا القربه يجي بصمام شفط

Abukhaled-503

02/08/2013, 07:25 AM

بوجه لوكاله العيسى اللي بمخرج ٥ يوم السبت واشتري القطع

محسن اليامي

02/08/2013, 07:29 AM

http://www2.0zz0.com/2013/08/02/04/700996820.jpg

محسن اليامي

02/08/2013, 07:32 AM

الله يوفقك بالتوفيق الطيب

وان شاءالله تلقى الحل

انا من الكويت وكالتنا البابطين ماعرف العيسى بس اهم شي يكون اصلي ياباني

Abukhaled-503

02/08/2013, 07:36 AM

يالغالي انا كل الغطيان بصمام شفط

محسن اليامي

02/08/2013, 07:40 AM

غلط واكبر غلط يالغالي
الرديتر بدون صمام شفط
والقربه بصمام شفط

روح الموتر والدك الله يحفظه وشوف

Abukhaled-503

02/08/2013, 07:45 AM

الله يعين بإذن الله قبل صلاة الجمعة نشوفة

محسن اليامي

02/08/2013, 07:50 AM

توكل على الله

جرب اخذ غطا رديتر والدك وجرب

Abukhaled-503

02/08/2013, 07:51 AM

نوافيكم بالتفاصيل بعد الصلاة باذن الله

althhbi

02/08/2013, 08:33 AM

ٱڵڛڵٱمَ ؏ـڵېڰم ورحمة الله
اخي العزيز اذا الفتك يفور ويهرب المويه اذا وقفت من قربة الزائد فلازم تشيك علا الطرمبه وغطيان الاديتر والقربه غيرهم سعر الغطيان ٦٠ ريال انت تقول شيكت علا الطرمبه باقي عندك الغطيان وتماتيك المروحه ومراوح اتبريد لان مراوح التبريد فيهم سرعتين تأكد من السرعتين شغاله ولا لا عن طريق كمبيوتر اذا مضبوطات الحمدالله
باقي عندك اهم شي الي هو الا ديتر اذا هو صيني غيره ولا تشاور احد كيف تدري انه صيني طبعة نيسان علا البلاسيتك غير موجوده واذا موترك توماتيك اخر الاديتر طالع من نحاس لونه ذهبي يوجد فيه ليات القير اذا هو ن ذهبي فهو صيني هذي الحلول باذن الله
والاهم اذا مشيت فوق ١٦٠ وبدت الحراره تمشي للاتش ويفور لا سمح الله هذا راس المكينه كان ممسوح قبل هذي معلوماتي صارت معي وحبيت انقل لك تجربتي فتك ٢٠٠٣

Abukhaled-503

02/08/2013, 11:28 AM

المراوح شغاله السرعتين الطرمبة سليم الموتر وصلت فيه للفصله ٢٠٠ وحرارته ثابته الرديتر اصلي وعليه طبعه نيسان
ومبرد زيت القير مركب له خارجي عند ابو صالح

Abukhaled-503

03/08/2013, 02:18 AM

غيرت غطيان الرديتر + شيكت على الخراطيش سليمة + دبة التلوث سليمة

والله العالم انه الحساس حق الحرارة لأن السيارة كانت واقفة ١٦ ساعة وجيت دقيت سلف لمين اشتغلت اللمبات ولاحظت امبير الحرارة ارتفع فوق السي (C) وبدأ الشك انه حساس الحرارة ف والله العالم واللي عندة علم عن قيمته يعطيني خبر

sgl2002

03/08/2013, 03:54 AM

اخبر قيمته بالنسبة للقديمات ٥٠ ريال

لكن ممكن المشكله الحساس او سلك السالب المربوط بالبدي ماهو مشدود صح او تحتاج تغير الطبلون

Abukhaled-503

03/08/2013, 04:33 AM

طيب اذا غيرت الطبلون كيف اكتب الممشى الطبيعي ؟

الحميضاني

03/08/2013, 04:33 AM

السلام عليكم ورحمه الله وبركاته

اخوي غير الحساس انا صار معي بسيارتي باترول 96 كبريتر اول كانت الحراراه ما في احسن منها فجاءه ارتفعت الحراره صارت مع الوقوف تاصل الثلث نزلت البلف وغسلت سلندر ما فاد وطلع البلاء من الحساس اخذته ب60 ريال الاصلي
وشكرااا

Abukhaled-503

03/08/2013, 04:54 AM

ماقصرت يالغالي شكلها كذا

Abukhaled-503

03/08/2013, 05:09 AM

فعلا يا اخوان اتوقع انها من الحساس او الطبلون لانه اذا وصل التانكي ربع ولعت اللمبة حقت البنزين

العطاوي a511

03/08/2013, 11:45 PM

العطاوي a511

03/08/2013, 11:48 PM

يالغالي الوالد معه فتك تماتيك بعز الظهر ومشغل مكيفين وثلاجة والحرارة ربع

وياليت اذا حصل صورة للقطعه لاهنت
اقسم بالله عندي كامري 2004 اذا شغلت المكيف على الخط الثاني الان توصل الخط الثالث وتعداه شي بسيط حر الصيف السنه ذي اقوى من الاعوام اللي راحت كلها لاكن شكل عندك البلف مايفتح ويقفل مضبوط غيره اصلي اذا من زمان ماغيرته وقفل الفتحات بجوانب الرديتر واذا اللي عندك مضغوط اذا احتر عندك هواء بالرديتر او وجه الراس ينسم على الخفيف وايضا البخاخات ترفع الحراره اذا صار فيها شدد مشاكل الحراره كثير لاكن بما ان الموتر مع المشي مايحتر غالبا نقص تهويه او تهريب للهواء الساخن يرجع للرديتر وارجع اقولك اذا الموتر مايعدي النص عادي جدا اذا عدى معناته عندك مشكله بسيطه ابحث عن حلها

sgl2002

04/08/2013, 01:53 AM

^^^

فيه موضوع نزلته بخصوص حرارة الباترول الطبيعية

وصورة من الكتالوج

وهذا الرابط للموضوع والصورة من كتالوج باترول ٩٨

http://www.mekshat.com/vb/showthread.php?t=582594

Abukhaled-503

04/08/2013, 03:14 AM

يا اخوان أنا عارف انها طبيعية الى النص بس موتر الوالد مكيفين وثلاجة والساعة 12:30 بعد صلاة الجمعة الحرارة ربع :)

انا غسلت السيارة اليوم بستم ويوم فتحت الكبوت لقيت اللي الكبير اللي بالرديتر فوق منصفط او بالأحرا فاظي فتحت غطا الرديتر لقيت الموية فاظية -_- واعبيه كل ابوه ولا زالت الحرارة ثلث والله العالم انه حساس او الطبلون لأنه اذا كان الموتر واقف من امس يعني وجيت ادق سلف ارتفع امبير الحرارة فوق السي :) ف ذكرته لأبوصالح قالي انه الحساس او الطبلون عاد موعدنا بعد العشاء يقول بطلع المشكلة لو من تحت الارض :D

Abukhaled-503

04/08/2013, 03:49 AM

معلومة ترا البخاخات يقول راعيهم له 8شهور مانظفهم

sgl2002

04/08/2013, 05:27 AM

اخوي اكيد اذا السياره بردت او غسلتها بتحصل الليات تنصفط معك مافيها ضغط

وموترك الطبلون خربان

Abukhaled-503

04/08/2013, 05:37 AM

خالد ...

04/08/2013, 11:49 AM

صارت معاي والمشكلة طلعت في الطبلـــــون كان عطــلان

======

الحل الثاني هو تغيير رديتر جديد وكالــة فقــط

وراح تضبط معك

بترووول

04/08/2013, 03:05 PM

شيك على غطا الرديتر والمراوح

العطاوي a511

04/08/2013, 08:15 PM

والله العالم

طيب يالغالين فيه ليات واضح انهم مفصولات من شي ومشبوكات ببعض ومسفطات ومحطوطات تحت قربة المساحات !!

قلت يمكن انهم ليات الدفاية ولكن لقيتهم مشبوكات ومع ذلك المكيف الحار مايشتغل ويميل للبرودة :S

هاذي ليات القربه الاحتياطيه الثانيه اول ماتفح الكبوت تجيك يمين جنب الرديتر عند قربه الهواء شكل راعيها الاول تعرض لحادث وانكسرت القربه واللغاها وهاذا اكبر غلط لان الفتك اذا احتر يطلع شوي من الماء لهاذي القربه واذا برد يرجع يسحب وشكل مشكلتك منها موترك يطلع الماء ولا يرجع يسحب بكذى ينقص الرديتر ويصير فيه هواء ويرفع عليك الحراره قيمه القربه بالوكاله 80 ريال خذها من موزع ماتفرق لانها ماتعرض لحراره كبيره

السليطين

04/08/2013, 11:19 PM

شف وانا اخوك

اذا صيخت الاديتر عند ورشه ثقه . لان اغلب الورش مايصيخ مضبوط . فالجواب عندي ..

مشكلتك من الديلكو ... اوزن الديلكو انت بنفسك . لان مسدسات الشراره اللي بالسوق نوعيتها من القديم مايركب على السيارات الجديده ..
ارخ مسمار الديلكو . وحاول توزنه شوي شوي مع مراقبه اهتزاز المكينه .. بحيث انك تخلي الاهتزاز اقل مايمكن .. يبي يزين العزم وتنزل الحرارة .. باذن الله

Abukhaled-503

05/08/2013, 01:49 AM

محسن اليامي

05/08/2013, 02:52 AM

االحمدلله

هذي حرارة الفتك الطبيعه

مابين قبل الربع بشخطه وفي اقسى الظروف فوق الربع بشخطه

بالتوفيق بوخالد

Abukhaled-503

05/08/2013, 03:01 AM

الله يعافيك ماتقصر عاد باقي التربيط والله يعين واذا سمحت لي الفرصة صورت لكم مقتطفات من التربيط

العطاوي a511

05/08/2013, 03:44 AM

لا وزن ديلكو ولاحادث والسيارة ولله الحمد ماقد تعرضت لحادث البلا من الطبلون وزنة لي ابوصالح الله يوفقة صارت الحرارة تحت الربع بشرطة وانا ماشي ومع المكيف وانا واقف فوق الربع بشرطة او على الربع والله يعافيكم ماقصرتوا واشكر اخيsgl على ارشاداته بالخاص واشكركم اجمعين
وقفت يعني على الحادث يمكن اللي انشق وحطه تحت القربه واللغى القربه الثانيه
اللي اللي تحت المساحات للقربه الثانيه رح صور اللي وبحق اذا ماهو لي القربه الثانيه

بعدين سؤال وس سوى بالطبلون بالضبط فكه وصلحه ولا غير الحساس

العطاوي a511

05/08/2013, 03:47 AM

لاتحكم على الموتر الا بعد مرور اسبوع اقل شي

مسير عليكم

05/08/2013, 06:11 AM

اخوي بالنسبه للحراره لو بغيت تتاكد شف الخرطوش الرديتر كل ما احتر الموتر يزيد الضغط ويحجر الخرطوش

Abukhaled-503

05/08/2013, 06:34 AM

وقفت يعني على الحادث يمكن اللي انشق وحطه تحت القربه واللغى القربه الثانيه
اللي اللي تحت المساحات للقربه الثانيه رح صور اللي وبحق اذا ماهو لي القربه الثانيه

بعدين سؤال وس سوى بالطبلون بالضبط فكه وصلحه ولا غير الحساس

يابن الحلال وراك زعلت :D ترا كل القربتين اول ماخذت الموتر شريتهن واصليات ومن الوكالة وبخراطيشهن

اما قصة اللي الرجال فاك الليات حقات مبرد زيت القير وشابكهن ببعض يعني ملغي المبرد وجيت انا وركبت مبرد زيت قير خارجي اتمنى المعلومة وصلت

وبخصوص الطبلون الموتر اذا كان موقف من امس ودقيت سلف يرتفع الامبير فوق السي وانا امشي تاصل الثلث شيكت على كل شي حتى بديت اشك براس المكينة لكن شرحت لأبوصالح الوضع وعطان ذيك النظرة ويقولي توك تهرج :D ويجي العامل فك الطبلون والعدادات وشبك كمبيوتر تحت الدركسون بفيش وسوا اعادة برمجة ورجع الامبير وطلع قياس الحرارة76 نفس مقاس البلف

والله خير حافظ

Abukhaled-503

05/08/2013, 06:36 AM

اخوي بالنسبه للحراره لو بغيت تتاكد شف الخرطوش الرديتر كل ما احتر الموتر يزيد الضغط ويحجر الخرطوش

فعلا جربت الحركة اذا ارتفع فوق الربع لقيته محجر لكن بشي بسيط واذا نزل تحت الربع يصير لين

العطاوي a511

05/08/2013, 09:35 AM

يابن الحلال وراك زعلت :D ترا كل القربتين اول ماخذت الموتر شريتهن واصليات ومن الوكالة وبخراطيشهن

اما قصة اللي الرجال فاك الليات حقات مبرد زيت القير وشابكهن ببعض يعني ملغي المبرد وجيت انا وركبت مبرد زيت قير خارجي اتمنى المعلومة وصلت

وبخصوص الطبلون الموتر اذا كان موقف من امس ودقيت سلف يرتفع الامبير فوق السي وانا امشي تاصل الثلث شيكت على كل شي حتى بديت اشك براس المكينة لكن شرحت لأبوصالح الوضع وعطان ذيك النظرة ويقولي توك تهرج :D ويجي العامل فك الطبلون والعدادات وشبك كمبيوتر تحت الدركسون بفيش وسوا اعادة برمجة ورجع الامبير وطلع قياس الحرارة76 نفس مقاس البلف

والله خير حافظ

الطبلون فكه وش سوى فيه ولا فكه ورجعه بس واكتفى بالبرمجه

Abukhaled-503

05/08/2013, 04:51 PM

فكه يعيد برمجته

العطاوي a511

06/08/2013, 12:10 AM

فكه يعيد برمجته

كم اخذ عليك اجر

Abukhaled-503

06/08/2013, 03:40 AM

100 ريال وكم محل اروح له ب 180

طحنون

06/08/2013, 04:34 AM

طيب شيك على الديلكو ﻻحد يقول ماله دخل يمكن انه مرتخي اللي هو منظم الكويلات الدائري الصغير
ﻻنه يعطي اشارات متقطعه لنظام الكهرباء ويضيع ميزانيه الهواء والبنزين ويرفع الحراره

العطاوي a511

06/08/2013, 05:19 AM

100 ريال وكم محل اروح له ب 180
واللحين الموتر ضبط ولا باقي وكم توصل الحراره وهل جربته بالظهر بالزحمه

Abukhaled-503

06/08/2013, 05:46 AM

طيب شيك على الديلكو ﻻحد يقول ماله دخل يمكن انه مرتخي اللي هو منظم الكويلات الدائري الصغير
ﻻنه يعطي اشارات متقطعه لنظام الكهرباء ويضيع ميزانيه الهواء والبنزين ويرفع الحراره

يالغالي الموتر سليم ولله الحمد طلع البلا من العداد

Abukhaled-503

06/08/2013, 05:47 AM

واللحين الموتر ضبط ولا باقي وكم توصل الحراره وهل جربته بالظهر بالزحمه

بعز الظهر طاق كل المكيفين + ثلاجة الحرارة فوق الربع بشرطة او اقل

مسير عليكم

08/08/2013, 02:47 AM

ماشاء الله تبارك الله

capricorn99

23/06/2016, 02:35 PM

اخوي ابو خالد يا ليت توضح اكثر انا عندي نفس المشكلة والحرارة تلعب مرة على النص ومرة على الربع واخاف المكينة يجيها شي. بس ما فهمت شغلة انه فك الطبلون وبرمج العداد؟؟ ممكن توضح لا هنت

شكرا