وش الخطأ في الصورة

[الوافي.]

في الصورة خطأ غير مقبول بالمرة فما هو

http://www.mekshat.com/pix/upload/images27/mk7063_dsc00383.jpg

[ابوعمرالفاروق]

ربما وضع المعاميل الدلة والأباريق داخل الوجار وبقرب لهب الضو هذا أشوفه خطأ غير مقبول والصحيح تكون بعيدة عن لهب الضو وعلى جال جمر
والله أعلم

وشكرا لك




قد يكون وضع الدلال مقبول لدى البعض ولا يهم احتراق جوانبها ولكن من غير المقبول أن تكون بيالة الشاهي الأصفر مملوءة ولا عندها أحد

[متولع بالقنص]

عندي ثلاث أشياء
1:محماس القهوه فوق الوجار
2:شب النار داخل الغرفه"المشب"
3:وضع المخده جنب الوجار يسار يمكن تاصلها الحراره

ويعطيك العافيه على الطرح

[فتى الوادي]

الحل حسب مقصودك بكلمة "غير مقبول " وهل تعني بذلك أن الخطأ "غير منطقي" ولا يصح ابدا منطقيا !؟
او تقصد غير مقبول "عرفا " حسب العرف والعادة ؟
كما أن الصورة غير دقيقة .
وضح أكثر بارك الله فيك .

[ابوعمرالفاروق]

قد يكون وضع الدلال مقبول لدى البعض ولا يهم احتراق جوانبها ولكن من غير المقبول أن تكون بيالة الشاهي الأصفر مملوءة ولا عندها أحد

[الهواوي265]

يمكن يقصد البخاخ اللي جال المبخر فوق عاليمين والله اعلم

[الدوسري2010]

مافيها خطاء الا محمس القهوه

[الكعمي]

المحماس مقلووووووب وضعه خطأ

[روقي نجد...]

أتوقع المدخنة ... مبنية داخل المشب.

[أبوفهد7]

الكمر لازم يكون يسار الرجال اللي في المحكمه و الضيوف يمين وليس كما في الصوره والموجود في الصوره تصميم خاطئ عرفاً

[الوانيت1]

الكمر لازم يكون يسار الرجال اللي في المحكمه و الضيوف يمين وليس كما في الصوره والموجود في الصوره تصميم خاطئ عرفاً



نعم كلامك صحيح وسليم 100% وهذا هو المفروض يكون الضيوف علي يمين راعي المعاميل حتي تكون مدة اليد بالفنجال أو البيالة يمين ولا يعسر نفسة بالجلوس . :good2: :good2: :good2:

[متولع بالقنص]

المحماس عرضه للسقوط ومكانه خطاء

عشان كذا قلت المحماس

[الوافي.]

الكمر لازم يكون يسار الرجال اللي في المحكمه و الضيوف يمين وليس كما في الصوره والموجود في الصوره تصميم خاطئ عرفاً


نعم كلامك صحيح وسليم 100% وهذا هو المفروض يكون الضيوف علي يمين راعي المعاميل حتي تكون مدة اليد بالفنجال أو البيالة يمين ولا يعسر نفسة بالجلوس . :good2: :good2: :good2:


ابو فهد والوانيت
جبتوها صح وهذا الكلام الصحيح فلابد ان يكون الضيف على يمينك حتى تمد له الفنجال باليمين

[عتووب]

التصميم خطا المشب على الزاويه اليمين

[متولع بالقنص]

يعطيكم العافيه

وبارك الله فيكم يالنشاما

تستاهلون الطيب

[فتى الوادي]

مع احترامي الشديد لصاحب الموضوع من وجهة نظري أن تعبيرك ب " غير مقبول " وب "خطأ" والسبب "فلابد ان يكون الضيف على يمينك حتى تمد له الفنجال باليمين" غير صحيح .
لأن الخطأ وغير المقبول أن يكون مخالف للمنطق ... اما المشب في الصورة فلا بأس به أن يكون الضيف على يمينك أو يسارك فهو جائز ولا يشترط ان اللي يجلس عند المشب هو اللي يصب القهوة .
يمكن اللي يصب القهوة واقف ..
دور شيء غير هذا السبب لأنه من وجهة نظري" غير مقبول" و " خطأ " .
تقبل رأي بصدر رحب .

[الوافي.]

اخوي فتى الوادي
دور في المشبات القديمة لن تجدها الا مثل ما وصفنا

[ذيب الداهية]

طيب يمكن الصورة مقلوبه ..
عادي تنقلب بالفوتوشوب أو اي برنامج

[الوافي.]

كلامك محتمل ولكن حنا قلنا وش الخطأ في الصورة وليس المشب
احترامي للجميع

[النديمـ]

صحيح الوجار مفروض يكون يسار

[بدر سليمان]

صدقت وفيه شيء ثاني ويخفى على الكثير وطبعا يكون حسب الإمكانية وهو مثل ماقالوا الاخوان الضيف يكون عكس اللي بالصورة وثانيا يكون الباب مايكشفه الا "المعزب" طبعا في المشبات القديمة كان يجتمعون على شكل حلقة وفقط صاحب المجلس اللي يكشف الباب... ومن القصص اللي في هذا الشأن ان شاعر نجد الكبير القاضي راعي القهوة ذكروا له إن به شاب نبغ بالشعر وهو صغير وطلب انه يجي بمجلسه والضيف مثل ماقلنا مايكشف الباب والمعزب يكشفه,, مرت وحدة من الباب وقال القاضي :
هنوف ما تنوصف بوصوف
وان قضت الراس وش كنه
وقال هالبيت من باب الإختبار ويبي يشوف سرعة بديهته بالشعر وخياله رغم انه ماشافه عاد رد إبن جابر وقال :
كنه مهات تقود خشوف
ولا فحورية الجنة
عاد هالسالفة من سواليف الكشتات ولا به ناس ينفون هالقصة ويتسبون البيت لقصيدة ثانية لابن جابر من أهالي عنيزة.
أدري طلعت وأبعدت مره عن الموضوع بس تذكرت السالفة على الصبح قلت أكتبه من باب المشاركة وإن شاء الله أنه تعجبكم وتحياتي للجميع

[مجنون عجلان]

الله يعطيكم العافيه جميعا
الوافي /ابو فهد 7 / الوانيت 1
والله ماقصرتوا وياليت الوافي يكثر من المواضيع للفائده
حقيقة فاتت علية ولم اعرف الحل الا بالبحث بالردود
الشيقه وشكرا للجميع

[أبو بردة]

ملحظ زين يالوافي .

لكن لو قلت في السؤال : يوجد خطأ في تصميم الوجار . كان أحسن وأقرب للتفكير .

عموما يعطيك العافية . ملحوظة مفيدة .