فك مسمار الثلاجه وارتح -بالصور والشرح _مكاين تويوتا 6سلندر -4000

[طير آلفلآء]

السلام عليكم ورحمة الله وبركاته



بعد ما سمعت من ناس كثير من اول ما شريت السياره انها تخبط


من مسمار الثلاجه (اللهات الي جواء) في البدايه ما اهتميت


لاكن قالي واحد فكه وريح عمرك تفكه ب200 ولا توضب ب 10000


لانه مع الحراره والوقت ينكسر ويطيح في المكينه ويكسر عليك البساتم


وسئلت عن الورش الي تفك وبحثت في النت ما حصلت شي


الكل يقول في القصيم وانا في الرياض ومشوار علي


ولقيت ورشه لاكن يقول ب 300 وشكله ما يعرف


وعطاني واحد من الاصدقاء رقم مبارك المبارك يصلح عند بيتهم وخبير بكل شي


ما شا الله عليه وكلمته لاكن مزحوم وعطاني رقم ابو حمد وقالي هو بيسنعك


وهذا رقم ابو حمد في الدريهمية


وكلمته ورحت له وما قصر


ما خذت وقت كلها ساعه ونص تقريباً


وهذي الصور وكل شي واضح فيها


فك الثلاجه
http://im42.gulfup.com/IQQ3X.jpg (http://www.gulfup.com/?ejiUG2)


المكينه بعد ما فك الثلاجه
http://im42.gulfup.com/xUfM1.jpg (http://www.gulfup.com/?Jbj3xK)


يفك اللهات
http://im42.gulfup.com/hrmvg.jpg (http://www.gulfup.com/?jB7yUj)


طريقة الفك
http://im42.gulfup.com/w0IId.jpg (http://www.gulfup.com/?zmFPrO)


http://im42.gulfup.com/zwYSN.jpg (http://www.gulfup.com/?0ssAWi)


حجمها عند المفتاح
http://im42.gulfup.com/phRJa.jpg (http://www.gulfup.com/?MQ0niF)


يفك المسامير مع اللهات مع ظهور اخرى قد فكها
http://im42.gulfup.com/GF9V5.jpg (http://www.gulfup.com/?yejBsT)


وفكها كامله مع وحده قد فكها قبل
http://im42.gulfup.com/1SLop.jpg (http://www.gulfup.com/?YlPsCN)


ولان يسكر فتحة العامود بالغرا
http://im42.gulfup.com/cJGfc.jpg (http://www.gulfup.com/?Qsq7n4)


وغرا في مكان القطعه
http://im42.gulfup.com/GqSLJ.jpg (http://www.gulfup.com/?CTOxsh)



وهذا بعد ما رجعها في مكانها


http://im38.gulfup.com/xLe7m.jpg (http://www.gulfup.com/?Tpmeaa)


وكل شي رجع وكاله :good2:
وارجو ان ينال اعجابكم وتستفيدون منه ;)
وما اوريد الا الدعاء :D

[صدى الاطلال]

بيض الله وجهك على المعلومات الطيبة
وكذلك اذكر هناك موضوع للعضو الاخ مزدهر حول هذا
بودي لو اخبرتنا وفقك الله هل هناك اختلاف قبل وبعد التغيير من حيث صرف البنزين اوعزم السيارة او اي شئ تلاحظه؟
ثم ماهي سيارتك ؟ وكم موديلها ؟ لاني سمعت ان موديلات 2013 الدفعة الثانية للشاصات والربوع تلافوا هذا العيب
موفق

[ابوصالح .]

بعض الناس يقول مايأثر ماادري ويش رايك

[صدى الاطلال]

مكرر!!!!!!!!!!

[صديق كلم رفيق]

الله يعطيك العافيه ...

لكن كم موديل موترك ؟؟ وكم ماشي ؟؟ وهل يوم فك اللهات كانت المسامير منحله والا كانت ثابته ؟؟

[طير آلفلآء]

موتري لاندكروز 2010 جي
طبعن 6سلندر وماشي 150الف
ولا كانت زينه وثابته المسامير لاكن الاحتياط واجب
وطبعن في كل سيارات تويوتا ال6سلندر هذا العيب
في الفورشنر والبرادو والشاص والربع واللاف جي والاندكروز
والموتر هو نفسه ما يفرق شي ابد

تفكه عشان ما يخرب بس حتى الي فكيته عنده
قال ما تفرق ولا كنك سويت شي

وفيه ناس تطلع من الوكاله وتروح تفكه عادي ماله دخل الممشى
ومثل ما قال خوينا

مديل 2013 الدفعه الثانيه ما فيها هذا العيب ضبطوها

[ساهر حايل]

استغرب عدم التاكد من هالمشكله ؟؟؟ ناس تقول صدق وناس تقول مو صحيح

انا كديت فورتشنر 6 سنوات مالاحظت اي شي , بس هل فعلآ تعرفون أحد شخصيآ خبطت معه المكينه بسبب هالمشكله

[أبوصالح9]

استغرب عدم التاكد من هالمشكله ؟؟؟ ناس تقول صدق وناس تقول مو صحيح

انا كديت فورتشنر 6 سنوات مالاحظت اي شي , بس هل فعلآ تعرفون أحد شخصيآ خبطت معه المكينه بسبب هالمشكله


شف هالرابط

http://www.toyota4arab.com/forum/t246786.html

[طير آلفلآء]

انا اعرف واحد معه لاندكروز 2008 وخبط منها

والي فكيت عنده يقول قد جاني فوشنر مخبط منها

[احمدبن صالح]

كم شخص يستطيع يشهد بهذا العطل ويقيمون دعوه ضد موردين الشركات هذي الانواع من السيارات هذا نصب واحتيال وابتزاز وتسخيف لعقول مستخدمين السيارة

[بياله شاي]

أنت تقول السته اسرندل - طيب والثامنيه اسرندل هل فيه هذه المشكل

افيدنا حفظك الله

[كايد]

الله يجزيك خير الجزاء
عزالله انك سويت خير للعالم اللي خبطت مواترهم من هالمسامير

[بومالك]

يقولون ان المكينه المطوره 400 الثانيه حقت البرادو الي سيفون المكينه تحت وكذلك الافجي العشره

والاند 2012 لاتجود بها المسامير . صحيح ياجماعه الكلام هذا

[طير آلفلآء]

الله يعافيكم
المشكله هذي في ال6 سلندر فقط فقط فقط

وبالنسبه 2012 اتوقع ما فيه

واذا تبي تتاكد شف اذا صار السيفون فوق مثل موتري فاعرف ان فيه المشكله ذي

واذا السيفون تحت فان المور طيبه ولا فيه شي

[R I V A L]

بصراحة اسمع اعطال اول مرة في حياتي عندكم فالسعودية

اولا عندي سؤال

ما حكمة الوكالة في وضع هذا المسمار !!!!!

والوكالة ما بتحط شي عبث
الا وله فايدة وله عمل
واعتقد الغاءه قد يسبب مشاكل على المدى البعيد

الامر بالنسبة لي عجيب غريب
عمري ما سمعت حد فالامارات خبطت عليه مكينته اللي نفس الموديلات اللي ذكرتوها بهذا السبب او بغيره


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بايكال]

بصراحة اسمع اعطال اول مرة في حياتي عندكم فالسعودية

اولا عندي سؤال

ما حكمة الوكالة في وضع هذا المسمار !!!!!

والوكالة ما بتحط شي عبث
الا وله فايدة وله عمل
واعتقد الغاءه قد يسبب مشاكل على المدى البعيد

الامر بالنسبة لي عجيب غريب
عمري ما سمعت حد فالامارات خبطت عليه مكينته اللي نفس الموديلات اللي ذكرتوها بهذا السبب او بغيره


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلامك سليم 100%

انا معي ربع تايوتا 2013 وبحثت في كل المنتديات عن المشكله اللي يقولون الشباب عنه فقط عندنا بالسعوديه..

وانا الصراحة محتار..

ولا ودي افك مسمار من المحرك حتى اتأكد ان المواتر اللي خبطت هو من نفس المسمار حق الثلاجة..

اتوقع ان الناس خلطت مشكلة مسامير الفتك بمسامير محرك التايوتا 4000سته سلندر

نبي العلم اليقين.

[راعي الرود]

انا كنت اسمع عن هالعيب في النيسان باترول و باثفندر و ولد عمي كان معه باث 5 و خبط بسبب المسمار سقط في البستم لكن الآن نيسان تلافت هالعيب .. و العجيب ان تويوتا الآن تقع في نفس خطأ شقيقتها نيسان

هم من اكبر صانعي السيارات اليابانيين مفروض كل شركه تبحث عن العيوب والاخطاء عند منافسيها عشان تتلافاها و تقرأ و تسأل عن ردود فعل العملاء

و يمكن لبعض الشركات مقصد معين في هالحركه او تكون مقصوده عشان يستفيدون اكبر قدر ممكن من الفلوس لأنك بتوضب و بيشفطون دراهمك هم المستفيدين

و الله أعلم

ولا هنت على الفائده ياراعي الموضوع و الله يبارك لك في حلالك و مالك و الله يطعمك من خيره و يكفيك شره

[طير آلفلآء]

يايا هلا يا راعي الرود ما سوينا شي

وجزاك الله خير

يا راعي الربع السيفون حق موترك تحت اتوقع
اذا تحت خلاص ما فيه مشاكل

[حرقوصي]

الاف جي والبرادو من موديل 2010 وطالع ما فيهم هالمسمار
وكذلك اللاند كروزر 2012 وطالع 6 سلندر ما فيه هالمسمار
باقي جيوب تويوتا موجود فيهم هالمسمار

[طير آلفلآء]

صادق اخوي
..............