هل الطير راكد علي التكايه : 70 بالميه

[اللماع]

السلام عليكم و رحمه الله و بركاته
صبحكم الله بالخير جميع

يا إخواني لاحظت في ألاونه الأخيرة الإجابة علي هذا السؤال في بيع و الشراء
هل الطير راكد علي التكايه : 70 بالميه ولا 40 ولا 60
يا اخوان الإجابات هذي مؤ واضحه و يا ليت ما تكون إلاجابات مبهمة
أما الطير راكد علي التكايه أو لا يعني الإجابة تكون
نعم
لا
هذي وجهه نظري

[حامد الحنيني]

وعليكم السلام

اخوي الطيور تختلف به طير يركد ساعه ويكفخ وبه ربع ساعه وبه نص ساعه

وبه الى الظهر ويكفخ وبعض الطيور نوب راكد ونوب والله انه

وبه طير من تبلج عنه يكسر عمره بالمكافخ

هل جواب
راكدة الطير؟؟؟ لا

انا اعتقد النسبه تخدم البعض والبعض يعتبرها غير راكد و كلن ابخص بحلاله

[ابوحزااااااام]

وش رايكم في جير وكري طلعت به من الرمله وهو على التكايه مفرع ولا انتبهت انه مفرع الا بوسط الخرج


صورته اللي في التوقيع

[اللماع]

حامد الحنيني اشكر مرورك
لكن يا أخوي دامه يكفخ ولو شئ بسيط يعني مؤ راكد
أبو حزام
شاكر لك مرورك و الله يقنعك بركه طيرك ولا يريك فيه مكروه

[قلب ذيب]

ياكم الله .
انا اشوف ان تلك النسب كلام جديد لايعطي مفهوم الطلع حقه ؟ ولاتعطي شرط ركادة الطير معناها!
الطير الراد على التكايه المقصود به الطير اللي من تحذف برقعه مايتحرك ولا يخفق الا على صيده .
هناك بعض الطيور الراكده في الطلع تتضايق وتخاف من قصر تكاية الطير او من كثر العرب في غمارة السياره او من عدم الرؤيا الواضحه كأن يكون جام السياره مخفي او يكون هناك بعض الاشياء مثبته على الطابلون او معلقه في المرايه , كل ذلك يضايق الطير ويخليه يخفق , ايضا بعض الطيور تضايق من التدخين وكثرة السجاير في السابره خاصه اذا كان المكيف شغال والشبابيك مغلقه .
. . . بمعنى نسبة كذا وكذا ماهي دلاله صحيحه والطير يا اما ان يكون طير طلع تكايه او لا . والله اعلم .

[اللماع]

قلب ذيب
اشكر مرورك و انا أوافقك الرأي تماماً

[اللماع]

قلب ذيب
اشكر مرورك و انا أوافقك الرأي تماماً

[mr.silver]

لا تعليق ..

[خالدد العطاوي]

السلام عليكم

حبيت اشارك




بالنسبه. للنسب اللي يحطونها انا معهم فيها


ليش؟
لان بعض الطيور يصير مفرع من الصبح للعصر ماعنده خلاف
واذا جاء حزة عشاه قام يكفخ


وبعظها للظهر وبعظها للعصر وهكذا




فصاحب الطير مايقدر يقول راكد ويظلم نفسه ويظلم الطير
ولا يقدر يقول ماهو راكد وبعد يظلمة


اشوف النسبه حلوة. عاد يجي دور الشراي يسأل راعي الطير وياخذ علومة




وسلامتكم
ارجوا وصلت المعلومة

[صقار الأسياح]

بالعكس اخوي النسبه مهمه لازم يوضح لايضلم نفسه ولايضلم الطير

[دوم سرهيد]

السلام عليكم

حبيت اشارك




بالنسبه. للنسب اللي يحطونها انا معهم فيها


ليش؟
لان بعض الطيور يصير مفرع من الصبح للعصر ماعنده خلاف
واذا جاء حزة عشاه قام يكفخ


وبعظها للظهر وبعظها للعصر وهكذا




فصاحب الطير مايقدر يقول راكد ويظلم نفسه ويظلم الطير
ولا يقدر يقول ماهو راكد وبعد يظلمة


اشوف النسبه حلوة. عاد يجي دور الشراي يسأل راعي الطير وياخذ علومة




وسلامتكم
ارجوا وصلت المعلومة

السلام عليكم
اعتقد ان هالموضوع في غاية الاهمية و اتفق تماما معك يالعطاوي خاصة وان الشراي يستطيع ان يسأل راعي الطير عن علومه

[اللماع]

مستر سلفر
اشكر مرورك و تعليقك ههههه
صقار الاسياح
لك وجهه نظر ممكن تكون صحيح و ممكن خاطئه و احترم وجهه نظرك
خالد العطاوي
كلام في نوع من الصحه بس المشكله لا قالك ٤٠ بالميه يعني مو راكد مدري شلون طربقتهم ممكن انا اكون علي خطا او العكس احترم وجهه نظرك و شرفني مرورك
دوم سرهيد
حياك الله و نورت الصفحه