عندي مشكلة في الدبل شاص 2005

[ابوعزآم]

السلام عليكم ..


عندي مشكلة في الموتر طلعت اليوم

كنت امشي وكان فيه ونه خفيفه وكل مارحت لواحد قال لي صوت الدبل عادي مايحتاج تصليح ..


واليوم فجأه زاد الصوت وبعدها جاني صوت عالي مع رجه وثقل في ممشاه .. بعد ماوقفت ورحت جبت الميكانيكي ومشيت عليه خف الصوت والثقل اللي في الموتر راح صار الزيت فاضي .. وعقب ماعبيته لا زال فيه صوت ونه ..


المكيانيكي يقول لي وده لمحل تخصصه قيور ..

وانا صراحه ماعرف محل تخصص قيور صاحي في الرياض ..

ياليت تفيدوني عن محل قيور صاحي ,, وتشروحون لي مشكلة القير وش هي بالضبط اللي عنده خلفيه

الله يجزاكم بالجنه

[ابو فهد...]

فيه العتيبي بالصناعيه القديمه وصفه وانت جاي من مخرج ١٧ باتجاه الغرب امش سيدا الين يجيك نفق فيه مطلاع للنفق يمين اطلع معه طبعا اذا طلعت تجيك اشاره اجباري يسار رح معها يسار امسك الخدمه يبي يحيك مسجد وقبله شارع سيدين ادخل معه امش الين يجيك تي يبي يجيك العتيبي هو بالشارع الي خلفه طبعا تروح يسار ثمن يمين ثمن يمين تجيك على اليمين

[ابوعزآم]

فيه العتيبي بالصناعيه القديمه وصفه وانت جاي من مخرج ١٧ باتجاه الغرب امش سيدا الين يجيك نفق فيه مطلاع للنفق يمين اطلع معه طبعا اذا طلعت تجيك اشاره اجباري يسار رح معها يسار امسك الخدمه يبي يحيك مسجد وقبله شارع سيدين ادخل معه امش الين يجيك تي يبي يجيك العتيبي هو بالشارع الي خلفه طبعا تروح يسار ثمن يمين ثمن يمين تجيك على اليمين

هلا ابو فهد الله حيه ..

يعطيك العافيه على الوصف ..

العتيبي هذا تخصصه قيور ودبل تويوتا ..

وهل فيه احد مجربه والا يمدحونه ..

مابي اروح لأي واحد ابي واحد شغله نظيف ..

[ابوعزآم]

123 مشاهد .. ومحد فادني غير رد ابو فهد ..


يا اخوان وش بتخسرون اذا عطيتوني علم .. بالعكس بتحصلون الدعاء ..

[ابو فهد...]

العتيبي قيور ودبل انا موظب قيري عنده شغله زين فيه واحد اسمه عماد فاهم بس اقعد فوق راسه واذا فك القير وقالك رح جب قطع غيار خل واحد يقعد عند القير وانت رح جب القطع
وفيه ورشه ثانيه الدبيان موقعه وانت عند اشارة السالم وجهك شمال امش الين يجيك بنك الراجحي ادخل بعده يمين ثمن امش سيدا يجيك تقاطع تعده ثمن تمشي لك ١٠٠ متر تزيد او تنقص تجيك الورشه على اليمين

[ابوعزآم]

العتيبي قيور ودبل انا موظب قيري عنده شغله زين فيه واحد اسمه عماد فاهم بس اقعد فوق راسه واذا فك القير وقالك رح جب قطع غيار خل واحد يقعد عند القير وانت رح جب القطع
وفيه ورشه ثانيه الدبيان موقعه وانت عند اشارة السالم وجهك شمال امش الين يجيك بنك الراجحي ادخل بعده يمين ثمن امش سيدا يجيك تقاطع تعده ثمن تمشي لك ١٠٠ متر تزيد او تنقص تجيك الورشه على اليمين

جعلك تسلم يابو فهد والله يجزاك بالجنه .. ماقصرت ..

واتمنى ان الكل يسوي مثلك .. من يمتلك معلومه تفيد اخاه المسلم يدلي بها وينال الدعاء الصادق ..


ونقول ليه مايجي الربيع والخير والناس تحسد بعضها ..

[س.س.التميمي]

والله ماعندي معلومات افيدك لكن الله يسهل امرك وابوفهد الله يجزاه خير