صور من إفطار جماعة مسجدنا

[ابو شكاع]

بسم الله الرحمن الرحيم والحمد لله رب العالمين ...
* المشاركة إهداء مني لكل من .. الغالين ثعل البرد و الضاري وجمران ولكل عزيز على القلب من أعضاء مكشات
هالمشاركة ستكون بسيطة دون تكلف وفيها الكثير من الدعابة وأرجو أن ينال استحسانكم
مسجدنا الجميل ومسجد حارتنا الجميلة كعادته السنوية كل أبودايم أقام هذا العام الإفطار الجماعي لجماعة الحي للعام الخامس بس مهوب على التوالي ..عام 1433 الظاهر ما أحد أفطر به جماعيا ... الواحد ماوده يقول انه كانت سنة حزينة علينا .. هوشات ومضاربات الله لايعيده .. ماتقولون ان صخر الفلاح فلق صالح الخليفة وقام أبوصالح الخليفة من القهر ومسك صخر وعلقه بمنارة المسجد بعد صلاة الظهر وكان أبوسليمان أنت يا أبو صخر بالدوام ..ويوم جا الساعة 1 ونصف وإلا ياحول صخر معلق فوق ويصيح وسعابيله تنقط على الأرض ...ومير أبوسليمان العمدة يفتن ويعصب
عاد أبوسليمان إذا عصب عادي يهدا بعده على طول ..خدعتكم تحسبونن أبقول مايوقف بوجهه أحد
نزل صخر من المنارة واتجه للشرطة ويوم وصلهم قالوا الشرطة ناقلتن للمبنى الجديد قال لهم إيه بس للحين ما خلص مبناكم الجديد وهذاكم هنا ..؟؟
قالوا له الموضوع هذا متى يبي ينزل ؟
قال بإفطار عام 1434 هـ
قالوا له يعني برمضان عام 1434 ؟
قال نعم
قالوا له أجل بهكالوقت نكون ناقلين .. أقنعوه ورجع البيت وصخر ياحول طول الطريق مغير يصيح .. ياوليدي خلاص أنا أباخذ بثارك منهم .. وبس يصيح .. ياوليدي أبحط لسياراتهم سم بس إسكت خلاص تراك لجيتن وبعز هالحر .. وماش مازال صخر يرغي رغيان آخر شي أبوسليمان مر بقالة القادسية وشرى له فشفاش حق بطاطس وعصير وقال ان ما خليتهم يندمون ما أكون أبو سليمان ...عاد أبوسليمان مسك أبو صالح عقب صلاة العصر والجماعة هدوهم وصارت لجة الله لايوريكم ...عقبه صار أبوسليمان يجي للمسجد للصلاة وهو متلطم عشان ما أحد يعرفه ..السالفة طويلة ماقلته لكم كله
والواحد ماوده يقول شي يخاف الجماعة يزعلون وتخبرون يعني
المهم مالكم بالطويلة نخش على إفطارنا المبارك ...
قبل نخش لابد ماتاخذون نبذة عن حارتنا ...النبذة تلقونه بأحد تقارير السنوات الماضية مشتمل على معلومات عن موقع الحارة وحدودها ومعلومات إقتصادية وجغرافية وأهم الصادرات والواردات وغيره كثير
مالكم بالطويلة ... هالسنة وحسب تقييم الخبراء يعتبر الإفطار ناجحا لعدة أسباب
أولا عدم حضور أبوهاني الفريدي ... أمزح طبعا العكس تماما ... نقول أسباب نجاح إفطار هالعام يتلخص بما يلي
أولا التنظيم الدقيق والطحين الجيد
ثانيا الإلتزام والتنفيذ
رابعا الشغف ... لاتقولون الشغف وش سنعه سمعته بدعاية
سابعا القلوب الطيبة المتحابة والجيرة الحسنة الحمد لله ...والله اني أبفقد هالحارة إذا نقلت منه ... يقولون هذي سنة الحياة ... لكن وش أسوي .. وراي عمارة ..وتخبرون اللي يعمر يفلس ..وناوي أستاجر استراحة من أمهات 8 تالاف وحوله
ويعني كان تبي تعاونونن على العمار مالكم إلا الأجر واللي مستحي أو يبي يكون أجره أكبر يطلع شريحة بدون اسم ويرسل رسالة على جوالي عشان أكز له رقم الحساب .. وياليت ما أحد يحول أقل من 10 آلاف ريال .. ترانا محناب نشحذ
ماعلينا عجزت أبدأ اللهم عافنا
بسم الله نبدأ
هذا العام افتقد لوجود أبوهاني الفريدي حبيب الكل وصاحب الابتسامة الجميلة....ولكن العذر له فقد كان لديهم ظرف صحي يستدعي سفره ذالك اليوم .. تحية وتقديري لك يا أخي الكبير فلك مني كل تقدير وإن شاء الله رمضان القادم تتقدم الجمع والجميع بصحة وعافية

http://www.alrassxp.com/uploaded2/820/81253071120.jpg


وفي الليلة الظلماء يفتقد البدر...صورة لأبي هاني ومعه أبا سليمان يداعبه في إفطار سابق
أيضا لسنوات ونحن نفتقد لأبوناصر عبدالله الزيادي لوجوده في مكة المكرمة كعادته السنوية جزاه الله خير
ولاننسى الجار العزيز أبوناصر المطيري فهو هذا العام لم يحضر من الكويت الشقيقة ..تمنيت وجوده عشان ناكل بلاليط
ونخي ورهش ... يمكن البعض يحسب هذي أسامي فراعنة .. لا ترى البلاليط هذي المكرونة ..والنخي والرهش مثل الطحنية عندنا .. طبعا عند أهل الكويت الكرام هالتسميات
هذا العام أيضا تميز بتشريف ثلاثة من الجيران الجدد فأهلا سهلا بهم
هذا الموجز وإليكم الإفطار بالتفصيل

[ابو شكاع]

لايخفى على ذي لب بأن التعليق سيكون تحت الصور وليس فوقها .. إلا هم وراهم سموه لب ؟

http://www.alrassxp.com/uploaded35/820/01375503095.jpg



العمدة دائما هو السباق للعمل والإيثار .. من العصر باكرا يقوم بتجهيز المكان حتى ما إن يحضر الجميع إلا وقد أصبح جاهزا مجهزا ما مثلهو

http://www.alrassxp.com/uploaded35/820/11375503095.jpg



غسل المكان أولا ومن ثم .. الخطوة التالية .. والإفطار طبعا في مضمار حديقة حارتنا ..هذه الحديقة التي أضافت للحارة الكثير من الزخم والحركة فصار فيها حركة ونشاط بعد خمول .. ولكل شي سلبيات

http://www.alrassxp.com/uploaded35/820/21375503095.jpg



أبوسليمان وصخر ..وشوفوا صخر باين عليه انه كان العام يتدودل من المنارة ..ومعهم لعامل الله يعافيهم يقومون بالمهمة كما يجب وأكثر

http://www.alrassxp.com/uploaded35/820/31375503095.jpg



وحضر أبوخليفة ليتابع عن قرب مجريات الاستعدادات مطلقا ضحكة مدوية وبعدها قال والله يانتم مكلوفين ...

http://www.alrassxp.com/uploaded35/820/41375503095.jpg



يداعي تدعكان وتدعكان كل هذه الصحون

http://www.alrassxp.com/uploaded35/820/51375503095.jpg



مادرينا إلا يوم وقف راعي كرسيدا فوقها سلة ورابط به سلم وحاط على المراية عنقود عنب بلاستيك والتمثال بنت البكار ونزل وقال انتوا بتعملوا إيه
قلنا له فيه افطار جماعي لجماعة المسجد ونجهز للمكان ..
قال مش من المرقلة اني ما أساعدكومش ... قلنا حياك الله وافطر معنا تراها ساعتن مباركة قال أمال أنا حساعدكو عشان سواد عيونكو ؟ عشان الفطار ولبس طاقيته ونزل يساعد

http://www.alrassxp.com/uploaded35/820/61375503095.jpg



وقام يشيل شيلات ...يقول
ياركبن من عندنا فوق ثنتين .... وحدتن استبنتها تحت ووحدتن استبنتها بالشنطة ... احقوا وشو ؟
احقوا = احجوا ...
قلنا له ترى مهوب وقته ... شتغل وأنت ساكت

http://www.alrassxp.com/uploaded35/820/71375503095.jpg



وتستمر التجهيزات على قدم وساق

http://www.alrassxp.com/uploaded35/820/81375503095.jpg



سليمان القعيد يمشي متقدما للمساعدة بارك الله فيه .. حي الله سلوم

http://www.alrassxp.com/uploaded35/820/91375503095.jpg



وفجأة حضر أبو محمد الحوشاني وقال لي عساك هالسنة تبي تصور زين ؟ ترى العام مصور حذياننا أكثر مننا حنا ... عاد أنا أبدا ما تفشلت ولا انقطع وجهي .. أصلا عادي
__________________
http://www.alrassxp.com/uploaded35/820/01375504620.jpg

عزام وهو بالمناسبة حفيد العمدة ..حضر ولسان حاله يقول
ومانحن إلا قوم ..عندما تقام المناسباتو نفزعوا
عز الله انك شاعر يالذيب وصح لسانك

http://www.alrassxp.com/uploaded35/820/11375504620.jpg


من اليمين أبوصالح الخليفة الذي قد تهاوش مع العمدة ..والعقيد عبدالله المطيري أبويزيد مدير شرطة النبهانية والجار الجديد أبوعبدالرحمن المطيري ياهلابه ..ويظهر بالخلف الشيخ أبوسليمان القعيد

http://www.alrassxp.com/uploaded35/820/21375504620.jpg


صورة تغني عن التعليق ... تكاتف وعمل دؤوب وجو أخوي بمحبة وإخاء << هماه تغني عن التعليق ؟

http://www.alrassxp.com/uploaded35/820/31375504620.jpg


صورة إبني وصورة واحد خلفه يشبه له ...أكيد يشبه له ..واحد مايقرب له طبيعي يشبه له

http://www.alrassxp.com/uploaded35/820/41375504620.jpg


يبي يأذن وأنتم الله يجزاكم خير تجهزون ..تسمعون بالعمل لجماعي

http://www.alrassxp.com/uploaded35/820/51375504620.jpg


أبو أسامة الخليفة ومعه الأشبال حفظهم الله

http://www.alrassxp.com/uploaded35/820/61375504620.jpg


سليمان الفلاح ولد العمدة ..وهذا الشخص ماشاء الله عليه دوامه على كيفه ..مرة يروح يداوم بالرياض مرة بالرس .. على حسب التصنيفة
الصراحة ما قصر أبوفلاح عافاه ربي

http://www.alrassxp.com/uploaded35/820/71375504620.jpg


أحمد القبلان

http://www.alrassxp.com/uploaded35/820/81375504620.jpg


طلعت عليهم الشمس الصبح وهم يرتبون

http://www.alrassxp.com/uploaded35/820/91375504620.jpg


طبعا العمدة موزع المهام على الجميع أحد يجيب قهوة أحد شاي أحد فطاير أحد سمبوسة وهكذا ..وهو هنا هو ومحمد يدققون على الطلبات
أحس ان محمد يقول شف هذا قايلين له جب سمبوسة لحم وجايب دجاج السنة الجاية لاتقولون له يجي

[ابو شكاع]

http://www.alrassxp.com/uploaded35/820/01375538994.jpg

أسامة الخليفة وبسام الخليفة وقد أحضورا معهم ما خف وزنه ولذ طعمه يامال العافية


http://www.alrassxp.com/uploaded35/820/11375538994.jpg


يبدو لي انه مر العصر التالي وحنا نجهز ..


http://www.alrassxp.com/uploaded35/820/21375538994.jpg


ويبدو في الصورة الجار الجديد أبونمر المطيري فحي هلابه


http://www.alrassxp.com/uploaded35/820/31375538994.jpg


وهنا في منتصف الصورة يظهر أيضا الجار الجديد بدر البدراني


http://www.alrassxp.com/uploaded35/820/41375538994.jpg


وشاركتنا عدة جاليات من 33 دولة


http://www.alrassxp.com/uploaded35/820/51375538994.jpg


أما هذه الشعيرية بالبيض البلدي فهي من بيت أبوعبدالله الشبانات .. لذيذة ماشاء الله .. أنا مستحي ما أكلت منه إلا 9 صحون وإلا كان ودي آكل أكثر يامال العافية والله ...وودي أقول لأبوعبدالله ترى عادي لو تكزون لنا منه لكم يوم


http://www.alrassxp.com/uploaded35/820/61375538994.jpg


الحبيب متعب فلاح العبدالله الفلاح مرحبا بك ياولد جيراننا ..ويظهر خلفه أخوه عبدالله يتابع أخبار فريقه المفضل ..وفريقه هو أبوجلمبو البوليفي


http://www.alrassxp.com/uploaded35/820/71375538994.jpg


صورة احترافية جميلة قبيل الغروب لفيصل وعبدالله القبلان ...


http://www.alrassxp.com/uploaded35/820/81375538994.jpg


على وشك الإفطار اللهم أدم علينا نعمك ظاهرة وباطنة


http://www.alrassxp.com/uploaded35/820/91375538994.jpg


الغالي عبدالمجيد الخالد البطي ونظرة تأمل جهة غروب الشمس بمعية خالد الحوشاني

http://www.alrassxp.com/uploaded35/820/01375540251.jpg

عبدالرحمن الخليفة نجل أبوريان رئيس البلدية ..وأحس انه يتوعدن بهالصورة


http://www.alrassxp.com/uploaded35/820/11375540251.jpg


وهنا لحظات وصول الغالي أبو وليد البطي .. الأستاذ خالد البطي صاحب مكتب القادسية للعقار ..


http://www.alrassxp.com/uploaded35/820/31375540251.jpg


تعبت من رفع الصور وهو للحين ما أذن


http://www.alrassxp.com/uploaded35/820/41375540251.jpg


هانت ...الجماعة جلسوا استعدادا للفطور


http://www.alrassxp.com/uploaded35/820/51375540251.jpg


أذن والجماعة بدأو الفطور .. أما أنا فأخذت تمرة وجلست أكمل التصوير مسوي روحي ماهمن ولا شي ..


http://www.alrassxp.com/uploaded35/820/61375540251.jpg


ياحظك ياصديق أنتا فيه فطور وأنا ما فيه فطور .. لازم أنتا بعدين معلوم صور صور تشك تشك


http://www.alrassxp.com/uploaded35/820/71375540251.jpg


العربية الظاهرة بالصورة عليها سحب آخر أيام رمضان .. فل كامل


http://www.alrassxp.com/uploaded35/820/81375540251.jpg


بالعافية ياعيال حارتنا الحليلين ...تقبل الله منا ومنكم الطاعات


http://www.alrassxp.com/uploaded35/820/91375540251.jpg


ويظهر يسار الصورة الغالي مهند الخالد البطي ومحمد الفلاح ولد العمدة والعقيل وسليمان القعيد

[ابو شكاع]

http://www.alrassxp.com/uploaded35/820/01375541076.jpg

من اليمين مهند البطي وياسر العقيل ويوسف القبلان وعبدالعزيز العقيل


http://www.alrassxp.com/uploaded35/820/11375541076.jpg


عبددالعزيز العقيل والشيخ أبوسليمان القعيد وأبوعبدالعزيز العقيل


http://www.alrassxp.com/uploaded35/820/21375541076.jpg


الأشبال حفظهم الله


http://www.alrassxp.com/uploaded35/820/31375541076.jpg


بالعافية


http://www.alrassxp.com/uploaded35/820/41375541076.jpg


يبدو أن سليمان الفلاح لاحظ علي اني جالس أصور وأتلمض ..غمس لي تمرة بالقشطة وعطان إياه .. يامال العافية


http://www.alrassxp.com/uploaded35/820/61375541076.jpg


جارنا الهوسة ..وأبوأسامة الخليفة وخالد القبلان ..جارنا الهوسة لو رايح ومفطر بفندق أتلانتس بدبي كان مع التذاكر والإقامة أرخص له ... طالبين منه 20 قشطة و 50 زبادي ... تسيف تجيبهن الله يصلحك .. يبي لط تدين ددسن


http://www.alrassxp.com/uploaded35/820/71375541076.jpg


خالد القبلان وأبوعبدالله الشبانات وأبووليد البطي


http://www.alrassxp.com/uploaded35/820/81375541076.jpg


جارنا بدر البدراني من جديد وبصورة الظاهر يسمونه بورتوريه


http://www.alrassxp.com/uploaded35/820/91375541076.jpg


جارنا أبوعبدالرحمن المطيري

http://www.alrassxp.com/uploaded35/820/01375542186.jpg

أبوخليفة الملاح بعد أن أطلق عليهم الضحكات العصر راح تنكر ولبس شماغ وفسخ النظارات وجا يفطر ...


http://www.alrassxp.com/uploaded35/820/11375542186.jpg


رئيس البلدية المتقاعد المهندس سليمان الخليفة وبجانبه رئيس قسم الأراضي ببلدية الرس الأستاذ علي القبلان والعقيد أبويزيد
واللي جنب أبويزيد ما أدري منهو ما بان بس واضح انه ماشاء الله شبع ... من الجلسة


http://www.alrassxp.com/uploaded35/820/21375542186.jpg


أحتري واحد منكم يعطين سمبوسة أو تاوة أو بيتزا ما أحد عبرن ...ألمح لكم وأقول كم هو التصوير متعب .. تقولون متعب وإلا سلمان ..أكرهكوا


http://www.alrassxp.com/uploaded35/820/31375542186.jpg


من اليمين الغاليان وليد خالد البطي ويسارا يزيد شقيقه ..ووليد ولله الحمد هذا العام صام رمضان في الرس قادما من كندا ..وبعد رمضان سيعود إلى كندا كان الله في عونه


http://www.alrassxp.com/uploaded35/820/41375542186.jpg


حياكم الله ياصديق ... يوم قلت له حياكم الله قال
حنا بني بنغال لاصار جنجال
نارد حياض الموت مافيه مشكل
قلت صح لسانك يابن زدلان


http://www.alrassxp.com/uploaded35/820/51375542186.jpg


أبوخليفة ..وصورة شخصية مع أحد الوافدين


http://www.alrassxp.com/uploaded35/820/61375542186.jpg


يامرحبا ترحيبة كنها السيل ... متحدرن من وادي الفرعيني


http://www.alrassxp.com/uploaded35/820/71375542186.jpg


العمدة مع أشبال الحارة


http://www.alrassxp.com/uploaded35/820/81375542186.jpg


صورة لشباب الحارة .. جميلة بحق هي حارتنا .. بس خسارة ييخسرونن بعدين

[ابو شكاع]

http://www.alrassxp.com/uploaded35/820/01375561525.jpg

وبعد صلاة المغرب عدنا من أجل أكل ماتبقى من خيرات ربي .. فجزى الله كل من شمرت عن ساعديها وعملت لنا مما لذ وطاب وأطال الله في أعمارهن وجزاهن الجنة


http://www.alrassxp.com/uploaded35/820/11375561525.jpg


ماشاء الله .. شوربة ..وصينية مكرونة .. مرقوق .. مدري قرصان ..والله البلشة بالله هذا مرقوق أو قرصان بحلت ؟
والأهم شعيرية أبوعبدالله الشبانات جعله بالجنة ووالديه


http://www.alrassxp.com/uploaded35/820/21375561525.jpg


العمدة ينتسب لنا مما لذ وطاب عافاه ربي ماقصر ...ولاحظوا بالخلف وسام مستلم الشباب هلس يقول ترى كاميرتنا أحسن من كاميرة هزيم الرعد وأنه تصور بدون بطارية وممكن تعبيه بنزين بدال شحن الكهرب وهرج واجد ما يدخل المخ


http://www.alrassxp.com/uploaded35/820/31375561525.jpg


بالعافية يا حارتنا العزيزة


http://www.alrassxp.com/uploaded35/820/41375561525.jpg


ياحارتنا العزيزة بالعافية


http://www.alrassxp.com/uploaded35/820/51375561525.jpg


شباب الحارة


http://www.alrassxp.com/uploaded35/820/61375561525.jpg


صورة جماعية


http://www.alrassxp.com/uploaded35/820/71375561525.jpg


هنا ضحك الجميع


http://www.alrassxp.com/uploaded35/820/81375561525.jpg


المصور وسام صورناه


http://www.alrassxp.com/uploaded35/820/91375561525.jpg


مايعودها ياشيخ سامحه سامحه
__________________
http://www.alrassxp.com/uploaded35/820/01375563583.jpg

مشاري الشبانات " ميشو " وبدر الملاح " بيدو "

http://www.alrassxp.com/uploaded35/820/11375563583.jpg


مرة كان موتري بالصناعية وأبي أحد يودين ..وأوقف عند الشباب حقين حارتنا وكلي ثقة انهم كلهم يينقزون يوصلونن .. قلت سلام ياشباب ياحلوين قالوا هلا أبو رعد .. قلت موتري بالصناعية واحد يودين .. بكل ثقة .. أشوف تغيرت نظراتهم ..اللي يناظر ساعته ويقول أوووه تأخرت أبروح عندي شغل ..والله يقول موتري بالصناعية يخلص باتسر ..مع انه واقف جنبه .. واللي يغير السالفة ينشد عن نتيجة مباراة ريال مدريد والضلفعة
لمين نط ذيبان .. عبدالرحمن فلاح الفلاح ياحبي لوه وقال أنا أودي يابوصالح ..كفو يالذيب ماقصرت ..وأما الباقين فأنا بكرهكو

http://www.alrassxp.com/uploaded35/820/21375563583.jpg


فرحة فرحة

http://www.alrassxp.com/uploaded35/820/31375563583.jpg


حي الله الضيوف ...نحن الضيوف وأنتم أهل المنزلي

http://www.alrassxp.com/uploaded35/820/41375563583.jpg


أبوصالح ناوي " يرطق " واحد .. بس منهو ما أدري

http://www.alrassxp.com/uploaded35/820/51375563583.jpg


ساعة نبي نسوي هالحركة ولا ضبطت ..أجل لو نبي نفتتح بالرس أولومبياد وش ننسوي ؟

* تنبيه ... الصور التالية عجيبة وغريبة ولا نعم سبب ماحصل لشباب الحارة وهناك بعض الأقوال تقول بأن الفيمتو كان مغشوش ...ولازالت التحقيقات جارية ...
* تنبيه آخر .. لاننصح بمشاهدة الصور التالية لمن هم أقل من 18 ومن لديهم مشاكل بالقلب أو ضغط أو سكر أو أملاح أو عليهم قرض من البنك أو معهم سيارة تأحير منتهية بالتمليك أو يعمرون لما تحتويه من مدري وشو

http://www.alrassxp.com/uploaded35/820/61375563583.jpg


يالله انك تركدهم يالله

http://www.alrassxp.com/uploaded35/820/71375563583.jpg


يالله انك تصلحهم يالله

http://www.alrassxp.com/uploaded35/820/81375563583.jpg


مطامر ..وتم حجب أحد المخلوقات لما تستدعيه المصلحة العامة

http://www.alrassxp.com/uploaded35/820/91375563583.jpg


وش هالفرحة ..؟؟ هو نجح المنتخب ؟؟

[ابو شكاع]

http://www.alrassxp.com/uploaded35/820/01375564635.jpg

الشباب مفطرين بزحل عند ربعهم وتوهم طابين علينا ماشاء الله


http://www.alrassxp.com/uploaded35/820/11375564635.jpg


هههههههههههه يخسي عبسي ... ماشاء الله


http://www.alrassxp.com/uploaded35/820/21375564635.jpg


بالملاهي


http://www.alrassxp.com/uploaded35/820/01375565482.jpg


بالملاهي برضو


http://www.alrassxp.com/uploaded35/820/11375565482.jpg


ابتسامة دائمة


http://www.alrassxp.com/uploaded35/820/21375565482.jpg


ما أدري ليش تذكرت القذافي يوم شفت وسام بهالشكل... من أنتم ؟؟


http://www.alrassxp.com/uploaded35/820/31375565482.jpg


فريق ريال القادسية


http://www.alrassxp.com/uploaded35/820/41375565482.jpg


ونختم بهالصورة اللي ما أدري وش تبي
.
.
.
.
وهنا ينتهي هالتقرير عن افطار جماعة مسجدنا مسجد صلة بن أشيم بحي القادسية في محافظة الرس مخرج 600 على السريع الرياض المدينة المنورة
وشكرا لكم

[ثعل البرد]

يا هلا بالغالي والمخضرم

أبوشكاع

كل الشكر لك عزيزي على هذا الإهداء الرائع

تقرير ذهبي وخيالي ومضحك حتى النخاع

:D :D

نغبطكم على هذا الاجتماع وعلى هذه الأخوة المميزة

اسأل الله أن يجزل لكم جميعا الأجر

[ابوصالح3]

ماشاء الله تبارك الله ,, وش هالجمعه الطيبه والتعاون على الخير والتكاتف الجميل

الله يجمعكم على طاعته واهنيك على هالجيران الطيبين

[ذيب الفقارة]

ما شاء الله عليكم

تواصل وتكاتف ومحبة وتآلف

تقريرجميل أخي أبو شكاع

تحياتي

[الدوسري2010]

ماشاء الله تبارك الرحمن الله يحفضكم ههههه تعليق وصور وابداع

[ابو شكاع]

يا هلا بالغالي والمخضرم


أبوشكاع


كل الشكر لك عزيزي على هذا الإهداء الرائع


تقرير ذهبي وخيالي ومضحك حتى النخاع


:D :D


نغبطكم على هذا الاجتماع وعلى هذه الأخوة المميزة


اسأل الله أن يجزل لكم جميعا الأجر



ياهلا ومرحبا يابوعبدالرحمن ...
سلمك ربي وعافك وغفر ذنبك ... الحمد لله ان التقرير جاز لك .. غديك تاخذن معك بوقت السيول والأمطار .. لأني تعبت وأنا أقول لك خذن وتسوي روحك ماتسمع :D
شكري وتقديري يالغالي لمرورك

[ابو شكاع]

ماشاء الله تبارك الله ,, وش هالجمعه الطيبه والتعاون على الخير والتكاتف الجميل

الله يجمعكم على طاعته واهنيك على هالجيران الطيبين

ياهلابك يابوصالح
اللهم يسلمك ويبارك فيك على هالدعوة الطيبة
وشكرا لتواجدك في صفحتي

[ابو شكاع]

ما شاء الله عليكم


تواصل وتكاتف ومحبة وتآلف


تقريرجميل أخي أبو شكاع



تحياتي


الحمد لله .. هذا من فضل ربي ..
الجميل حضورك البهي مراقبنا العزيز
شكرا لك

[ابو شكاع]

ماشاء الله تبارك الرحمن الله يحفضكم ههههه تعليق وصور وابداع

هههههه هلابك يالدوسري ومرحبا
وترى لي تقارير واجد مثل تسذا << يمدح روحه :D
ألف شكر وتقدير ياعزيزي