مابقئ الاعشرين ليل

[ابو وافي00]

السلام عليكم ورحمة الله وبركاته
كيف حالكم جميعاً
والله يتقبل منا ومنكم صالح الاعمال
هذا حنا نودع. شهر الخير والرحمه والغفران والعتق من النار
أسئل الله لي ولكم المغفره والعتق من النار في هذا الشهر الفضيل
مابقئ علئ سهيل غير عشرين ليل الله يلحقنا وياكم علئ خير وعافيه
وأكيد كل صقار ينتظر هذا النجم بفارغ الصبر
وهذا الموضوع طرح للمشاركه
وياليت كل صقار يعلمنا وش باقي من الريش في طيوره
وش سن طيره السنه هذي


واللي شراء له طيره يعلمنا وش شراء


محدثكم
مستعجل وأخذله فرخ جبليه ماعنده غيرها حالياً
ويدهل فيها ويهدها علئ الحمام وناويبها للكروان
لين يجي اكتوبر وناخذ فرخ الشياهين


تحياتي:
أبو وافي..

[غصن الكرز]

كل صقار مشتاق لي الطير وهدتة

[ابو عييد]

انا معي حر ثنو مغتر

[خالد العطااوي]

والله يتقبل منا ومنكم صالح الاعمال
وابد انا طيري الأول ماشريت شي ..
والله يرزقكم ويرزقنا ..

[قنا النفود]

الحمدﻷهحروافي وباقيعليه سشوي

[@قرناص@]

وعليكم السلام ورحمة الله وبركاته

اللهم امين، الله يلحقنا خير عندي حر باقي فيه الموس ،ينقل ثالث .

[راعي عزاام]

وعليكم السلام ورحمة الله وبركاته معي شيهانه فرخه وجرودي ينقل ٤ وشمالي ينقل ثنو

[سيف العلا]

السلام عليكم اما انا السنه زي 4 طيور 3جبليات وحر وحد من الجبليات باقي الموس والباقيات والحر ثنتين ثنتين والله كومة الطيور من قهر العام طيوري عية عن الكروين وحلفة لبرد قلبي السنه زي

[قلب ذيب]

هلا ابووافي .
الله يوفقك . . . ونقلة الطير قربت باقي شهر , والله يفرح الجميع بطيورهم .
بالنسبه لي طيوري صار لهن 5 شهور ما شفتهن , ولانيب ناقلهن الابعد شهرين .

[برجس ال سعد]

انا توي شاري شيهنة جبلي وحش

[بوسيف دبي]

حر جرودي ينقل رابع يسوق الموس ..
وجير شاهين اسباني يصفر ثنو وموسه فوق النص ..

الله يرزقنا واياكم الخير ان شاء الله

[mr.silver]

الحمدالله على كل شي
1. شلفا امواسها تعدن النص و باقيلها كم يوم و تجهز .
2. جير شاهين قرناس سادس تو صكن امواسه .
3.بريرا قرناس 11 سنه امواسها الربع .
4.تبع جير قرناس ثنو باقي الموس .
5.بيور سيبيري ينقل بكر توه ميبس .

[السومر]

الله يجعله يقدم بالخير

[mr.silver]

الله يجعله يقدم بالخير

امين ..........

[اخو الشايب]

انا معي شبوط شريته اليوم من حراج الطيور بميه ريال

[mr.silver]

المشكله الشبوط ماينفع اخوي ..
شفلك جبليه ولا وكري ..

[أبومحمد عنيزة]

معي جبليه تنقل بكر باقي ٢/٢

[Hunter511]

الصراحه زينه والقناعه كنز لايفنى

والله مالي خبره في الطيور ماشي حالها لكن الله يرزقكم الصيد والهدد والوناسه

انا ناوي الحباري السسنه هذي لكن ماعندي طيور واخبرلي مكان منزال لها رسسمي وكل سنه يذبحون فيه ناس اعرفهم والعام لقينا جرتها وكانت الارض مليانه سيارات وطيور وحنا مامعنا الا الشوزل

وطلعنا من الديره قلنا نبي هل الطيور يلقونها ويهدون ويستانسون والسنه هذي ناويها ان شاء الله ولو اعرف احد عنده طير اخذته معي وخليته يهد ونستانس وننبسط


تحياتي ياراع الموضوع
محدثك من خيمه الصيد البري

[جلاد الحباري]

بارك الله لك فيما تملك اخوي ابو وافي رجل طيب وردودك في هذا المنتدى مميزه
وبالنسبه لي عندي قرناس حر باقي فيه الامواس ولا ني حريص على غير الحبارى هي النقطة الارتكازيه لي في المقناص

[جلاد الحباري]

الحمدﻷهحروافي وباقيعليه سشوي


الحمد لله حر وافي باقي عليه شوي

هل هذا معنى ردك اتمنى انك تنتبه لمشاركاتك فأغلبها بهذه الصورة مما يجعل الجميع يتجه الى ردك ويترك الموضوع منهم من يعلق ومنهم من ينصح وانا واحد ناصح لك واتمنى منك الانتباه مره اخرى ودمت بود

[عضيد]

الله يسهل الامر

[ابو وافي00]

الصراحه زينه والقناعه كنز لايفنى

والله مالي خبره في الطيور ماشي حالها لكن الله يرزقكم الصيد والهدد والوناسه

انا ناوي الحباري السسنه هذي لكن ماعندي طيور واخبرلي مكان منزال لها رسسمي وكل سنه يذبحون فيه ناس اعرفهم والعام لقينا جرتها وكانت الارض مليانه سيارات وطيور وحنا مامعنا الا الشوزل

وطلعنا من الديره قلنا نبي هل الطيور يلقونها ويهدون ويستانسون والسنه هذي ناويها ان شاء الله ولو اعرف احد عنده طير اخذته معي وخليته يهد ونستانس وننبسط


تحياتي ياراع الموضوع
محدثك من خيمه الصيد البري

السلام عليكم ورحمة الله وبركاته
حياك الله أخوي
الصيد البري والصيد بالصقور
كل شخص وله هوايه وكلها وهوايات طيبه ومرجله وعلوم غانمه
وعلمك غانم يومكك تركت الحباري لاهل الطيور الله يرزقك من فضله
وإذا أنت ناوي للحباري الله يرزقكك بالطير الطيب
وطيري تحت أمرك امر ويجيك برسم الخدمه حلال عليك


أسعدني مرورك


تحياتي:
أبو وافي..

[ابو وافي00]

الحمد لله حر وافي باقي عليه شوي

هل هذا معنى ردك اتمنى انك تنتبه لمشاركاتك فأغلبها بهذه الصورة مما يجعل الجميع يتجه الى ردك ويترك الموضوع منهم من يعلق ومنهم من ينصح وانا واحد ناصح لك واتمنى منك الانتباه مره اخرى ودمت بود

السلام عليكم ورحمة الله وبركاته
أخوي/قنا النفود
أسعدني مروركك


أخوي /جلاد الحباري


أسعدني مرورك
وشكراً لك علئ نصحكك لاخيك المسلم وهذا من شيم الرجال
من غير قصور في باقي الرجال


تحياتي:
أبو وافي..

[ابو وافي00]

السلام عليكم ورحمة الله وبركاته
أسعدني مروركم أخواني جميعاً
وكل عام وأنتم بخير


تحياتي:
أبو وافي..