المساعد الشخصي الرقمي

مشاهدة النسخة كاملة : مشكله بالفتك vtc 2006 ارجو الحل


عسااااف
05/08/2013, 03:24 AM
بسم الله الرحمن الرحيم
السلام عليكم ورحمة الله وبركاته أسأل الله أن يبارك لنا ولكم في ما تبقى من

الشهر الفضيل وأن يوفقنا وإياكم لما فيه الخير

اللهم تقبل صيامنا وقيامنا وإجعلنا من عتقائه من النار وجميع المسلمين
يا جماعة الخير عندي مشكله بالجيب سوبر سفاري الا وهي دعسة البانزين ضعيفه وعداد الضغط بين الصفر والواحد ولمبة التشييك مولعه وللعلم غيرت طرمبة البنزين والصفايه ومنظم الهواء والكتاوت ولا تغير شيء وبعده فحصته كمبيوتر وطلع المنظم الداخلي فيه وسخ وتم تنظيفه وضبط الموتر بس فيه عداد الضغط فوق الواحد بشي بسيط ,, والان بعد ماضبط رجعت علته الاولى اللي هي الدعسه ضعيفه واللمبه مولعه

أفيدوني الله يجزاكم الجنه
طحنون
05/08/2013, 04:17 AM
تقبل الله منا ومنكم صالح اﻻعمال
مشكله الباترول ليس بتعطله مشكلته مين يطيح على العطل بالذات اذا كان كهربائي او ميكانيكي
ومن الصعب تحديدها حتى كميوتر الوكاله ﻻنهم ﻻ يعرفون يستخدمونه
عموما
اول شي افصل اﻻصبع البطاريه وياليت السالب والموجب
ثانيا فك حساس الهوا اللي راكب بالقربه انفخه بالهواء بضغط خفيف حتى
ينظف من الغبار
ثالثا فيه بخاخ خاص ينظف اﻻكترونيات ويباع فيه محلات صيانه الكنبيوترات
علبه صغيره
ﻻ تشتريه من محلات بيع قطع الغيار ﻻنه يوجد فيه نسبه زيت ماتنفع له
رابعا رجع كل شي مكانه
خامسه خذلك نظره دقيقه جدا على كل اﻻسلاك والفيوزات
سواء الخاصه بالبخاخات او توصيلات اﻻحواز الصغيره الخارجه والداخله من القربه
الى الثلاجه والخانق
بعد ذلك افحص نفس الهوز الكبير اللي راكب فيه الحساس
احتمال انه منشعر من اﻻسفل ويضيع هواء ويسبب عدم انتظام الهواء
الداخل للمحرك ويسبب لك ربكه او رجفه بالموتر مع صرفيه البنزين
طبق اللي قلتلك
وان شاءالله تنحل المشكله
والمعذره على عدم الرد على رسالتك ﻻني كنت مشغول في هادنيا الله يكفينا شرها
واعتذر منك
والباقي على اﻻخوان اللي عنده اضافه مانستغني نستفيد
5200
05/08/2013, 04:57 AM
اخوي شيك على نفس دعسه البنزين وحديدتها وسبرنقها من جوه تحت الطبلون شف حديده الدعسه هي بمكانها ومثبته صح بمكانها ولا مرتخي احد المسامير اللي مثبتها ولا منكسر شي منها ومخلي الدعسه ضعيفه شيك عليها انت ماتبي شي واذا ما لاحظت شي ودها لميكانيكي وخله يشيك على الدعسه وحديدتها والسبرنق اللي بالحديده وانشاء الله انه يكون منها ولا تنسي سلك الدعسه بالتوفيق
sgl2002
05/08/2013, 05:17 AM
مادام ولعت لمبة المكينة فالمشكلة حساسات
hassan-55
05/08/2013, 06:46 AM
اتوقع والله اعلم ما نظفت الثروتل زين
ارجع نظفه
وبالنسبه للمبة التشييك من حساس الهواء

افصل السلك حق الحساس و فك المسمارين ونظفه زين ببخاخ اكترونيات يفضل رقم 90 لانه لا يحتوي على زيت
مثل هذا سعره تقريباً15 ريال

http://store2.up-00.com/Apr13/eEo10456.jpg


هذي صورة الحساس معلم بالدائره بعد رشه بالبخاخ حاول تنظفه بمنديل وانتبه لاينكسر

http://store2.up-00.com/Apr13/1v575401.jpg

ان شاء الله تطفى اللمبه وتزين امورك بإذن الله

والحساسات اللي راكبه بالثروتل لها علاقه بالدعسه
حاول تفكها وتنظفها بنفس البخاخ بإذن الله تستفيد
"مثل هذي صوره مأخوذه من النت للتوضيح"

http://www.mekshat.com/pix/upload04/images162/mk53291_t879789876.jpg (http://www.google.com.sa/url?sa=i&source=images&cd=&cad=rja&docid=lxwZMP1uM5pB2M&tbnid=jzBoMq-72EWR_M:&ved=0CAgQjRwwAA&url=http%3A%2F%2Fwww.mekshat.com%2Fvb%2Fshowthread .php%3Ft%3D480865&ei=NyP_Ue-eJsXChAfT0YFY&psig=AFQjCNEbP9mCw9MO-dInsCy7ezKkdnVMnw&ust=1375761591669723)


الله ييسر امرنا وامرك وامر كل مسلم..
awad1399
06/08/2013, 01:04 AM
يالغالي ان مره نظفت بالثروتل وكنت مني فاصل البطارية وحصل معي ان الدعسه علقت فوق الواحد ونص ومافيه محل ماجيته الا واحد اسمه ابوصالح التركي بصناعية الرياض ولاخذت معه الشغله خمس دقايق ركب كمبيوتر ع السياره وخفظ الدعسه ورجعه لوضع الوكاله ....
عسااااف
06/08/2013, 05:30 PM
الله يعطيكم العافيه ,طحنون ,5200, sgl2002, hassan-55 awad1399

مشكورين ما قصرتو, فصلت اصبع البطاريه السالب لمدة تقريبا نصف ساعه بعدها ضبط الموتر ,أشكركم جميعا وبيض الله وجيهكم وتقبل الله صيامكم وقيامكم