سؤال لاهل الخبره

[فايل]

السلام عليكم

اخواني عندي جير وفيه مشكله

المشكله الله يكرمك بمرش الطير فيه لون اخظر وفحصت المرش بالمستشفى وقالوا مافيه شيء واللي اعرفه ان الطير اذا مرشه فيه لون خظار اكيد فيه مشكله

وللمعلوميه العلف منوع جاربيع وافخاذ دجاج وفري وجراذي وفروخ حمام يعني بالعربي مدلل :D

ابي من اهل الخبره يفيدوني وجزاهم الله خير

[ابو وافي00]

السلام عليكم ورحمة الله وبركاته
تنوع العلف يكون له سبب في تغير مرش الطير
مدام فحصته وطلع سليم مافيه الا العافيه
ان شاء الله


تحياتي:
أبو وافي..

[فايل]

اخوي ابو وافي اسم على مسى

شاكر لك مرورك يالغالي ويمكن فعلا من تنويع العلف

والعتب على اللي يخش ولا يكتب حرف

[جلاد الحباري]

هلا ومرحبا

اذا الطير وجهه حي ولا يغور عيونه حار على العلف ويتنقل من شبه الى شبه ويقط روباجته في حلها وعدته ممتازه فأعتقد يكون سليم بأذن الله وتنويع العلف احتمال يغير لون مرش الطير هذا بحد علمي والله يوفقك

[a-a-r-a-a]

السلام عليكم ورحمة الله وبركاته
السبب في تنوع العلف
اذا كنت تعطيه علف طازج مثل حمام او فري حي يكون مرش الطير وانت بكرامه مايل للاحمرار (بني):D
اما اذا كنت تعطيه علف مجمد او مغسول زين من الدم يكون مرشه فيه خظوره .
والله اعلم

[فايل]

السلام عليكم

شاكر للاخوان المرور الكريم والله يالربع انا ماقد عطيتهم علف نوع واحد لمدة 4 ايام كل يوم اعطيهم نوع وهذا يمكن هو السبب ؟

وشاكر لكم مروركم العطر

[قلب ذيب]

لون مرش الطير الاخضر دلاله على حالتين .
1 - ككسيديا .
2 - ملوع .
وعليك بأخذ مرش الطير في حافظه وفحصه لدى البيطري .

[فايل]

لون مرش الطير الاخضر دلاله على حالتين .
1 - ككسيديا .
2 - ملوع .
وعليك بأخذ مرش الطير في حافظه وفحصه لدى البيطري .



ياقلب الذيب
صباح الخير

ياقلب الذيب

انا عندي ثلاث طيور وكلهم نفس المرش وخذيت مرشهم ووديته للبيطري وفحصهم الشيهانه قال فيها دود كبد وعطاها كورس لكن الطيور الباقيه قال مافيهم شي مع ان مرشهم اخظر

[ابرق الحرار]

ياقلب الذيب
صباح الخير

ياقلب الذيب

انا عندي ثلاث طيور وكلهم نفس المرش وخذيت مرشهم ووديته للبيطري وفحصهم الشيهانه قال فيها دود كبد وعطاها كورس لكن الطيور الباقيه قال مافيهم شي مع ان مرشهم اخظر



بسيطة جدا عطها من نفس العلاج الخاص بالشيهانه وتوكل على الله

[فايل]

بسيطة جدا عطها من نفس العلاج الخاص بالشيهانه وتوكل على الله

السلام عليكم

اخوي ابرق الحرار شاكر لك مرورك العطر يالغالي
المشكله يالغالي الدكتور يقول مافيهم شي ؟