المساعد الشخصي الرقمي

مشاهدة النسخة كاملة : البوبينق


habibff
05/08/2013, 05:34 AM
السلام عليكم ورحمة الله وبركاته
انا اول مشاركه لي بالمنتدى واشكر اصحاب المنتدى على تجميع اصحاب الخبره فالصيد البحري
بس ابغى اسال سؤال البوبينق مايوجد بالشرقيه دورت عليه مالقيت البوبينق الي
يدلينه وين ينباع بالشرقيه يعطينه خبر
وشكرا لكم الله يتقبل صيامكم واهنيكم بقرب عيد الفطر المبارك :)
ابو طيف 2002
05/08/2013, 06:44 AM
وعليكم السلام
المفضل في الخليج العربي الترولينق اما البوبينق تحتاج الى الشعاب والحروف مثل البحر الاحمر
والله اعلم
طحاطحا
05/08/2013, 10:48 AM
وعليكم السلام
ياريت يكون فيه بالشرقية
لان في شعب مرجانيه مثل الجبيل والعجير
وأيضاً أشوف صيد الشباب في المواضيع السابقة
نفس الأسماك متوفرة ومتشابها في الخليج
مثل الهامور والبركودا والكنعد ويوجد أنواع غيرها
مثل الجش والحمام والربيب
مخلد المحنا
06/08/2013, 02:35 AM
كلام غير دقيق ان الشرقية ما تقدر تسوي فيها بوبينج..

البوبينج هذا تكنيك فعال في اي بحر..

وصحيح انه اكثر فعاليه في الاماكن اللي فيها شعاب مرجانية.. ولكن بحر الشرقية مليانه جزر وشعاب.. وقريبة..

وحتى في البحر المفتوح.. وعلى الشاطيء البوبينج في موسم كثرة الميد والمنجوس جدا ممتع وفعال.. اذا لاحظت ان الميد والمنجوس فجأة ينقز من الماي وكان شي يهاجمه.. هذا وقت البوبينج على اطراف تجمعات الميد والمنجوس.. وتقريبا ???? يضرب معاك شي..

البوبينج تكنيك مثل اي تكنيك لفاح "صيد باللعفه الصناعيه" يحتاج تختار المكان الصح.. وهو ما يسمى Structure او المجسم او المخبئ.. طبعا يجي على اكثر من هيئة.. باخرة غرقانة او بلوك كنكريت او سيارة غرقانه.. هيكل حديد.. اللي يصير.. المهم انه مكان تختبئ فيه الاسماك الصغيرة من المفترسين.. وطالما المكان فيه سمك صغير.. السمك المفترس بيكون موجود..

وهناك ميزة اللفاح بالطعم الصناعي..

وهذي بعض مواضيعي وصيدي في بحر الشرقية اللي كان فيها بوبينج من بين لفاح بميارير مختلفة..

http://www.mekshat.com/vb/showthread.php?t=513978

http://www.mekshat.com/vb/showthread.php?t=505412


تحياتي

مخلد المحنَّا
habibff
06/08/2013, 04:34 AM
شكرا مخلد المحنا على ردك الشرقيه فيها مرجان صحيح بس ودك ماتنزل البحر الامعك البوبينق وغيره من الاسماك الصناعيه ذي بس الشرقيه دورت البوبينق مالقيته وشكرا لمن شارك فهالموضوع
مخلد المحنا
06/08/2013, 04:37 AM
شكرا مخلد المحنا على ردك الشرقيه فيها مرجان صحيح بس ودك ماتنزل البحر الامعك البوبينق وغيره من الاسماك الصناعيه ذي بس الشرقيه دورت البوبينق مالقيته وشكرا لمن شارك فهالموضوع

انا معاك ان المحلات في الشرقية ما توفر عدة البوبينج بشكل كامل..

بس روح عالم البحريات اللي في الدمام عنده تشكيله حلوة..

بالتوفيق
accentkool
06/08/2013, 07:22 AM
شششوف الخريف بالخبر
habibff
07/08/2013, 04:27 AM
انا معاك ان المحلات في الشرقية ما توفر عدة البوبينج بشكل كامل..

بس روح عالم البحريات اللي في الدمام عنده تشكيله حلوة..

بالتوفيق

شكرا اقتباس على توصيفك الله يعطيك العافيه