تسجيل الدخول

مشاهدة النسخة كاملة : قنصتن من حلاها تونس الهم زال


الذعذاع الحربي
07/10/2006, 09:06 PM
بسم الله الرحمن الرحيم

السلام عليكم ورحمة الله وبركاته
مساكم الله بالخير جميع

هذي قصيده اعزائي الكرام كنت مسجلها من بادية الكويت والتسجيل ماهو صافي
مير اني كتبت منها ابيات ارجو ان تنال استحسانكم
كما ارجو من الذين يعرفون قائلها ان لا يبخلوا علينا باسم الشاعر وتكملت الابيات اذا امكن
الشاعر يتكلم عن جيبه او سيارته لكن مطلعها ماقضبته ولا تواخذوني لاني بحط فراغ في اول القصيده

يقول الشاعر

................شيل حملك بالعدال ****ذاخرك للدروب اللي وراها مرادي
عقب قيض طويل فوق كل احتمال ****كني اللي مقيد فك عنه القيادي
ودي اطوي السهال وودي ارقا تلال ***وتمثنى شغيه وتحدر بوادي
ودي اشب نار من فروع جزال **** نار واهج سناها جاذب كل غادي
جمرها لحتضن وبصمت صفر الدلال *** كنها الغشمريه لااحتضنها فوادي
ودي الصبح لامن صفر مريح بال **** لاجفينا الدفا مع حس صوت المنادي
ركعتين مع التسبيح ويطيب فال **** باذلين مع الله بادي الصبح بادي
قنصتن من طلوع الشمس لين الزوال ****ياحلو بالمغدى لجتن للعنادي
امس كله مطر واليوم بين هلال **** استصحت ونجم سهيل كنه ينادي
قنصتن من حلاها تونس الهم زال *** بين خوة نشاما يذهبون النكادي
والله انك بهذي ماتعد الليال **** لاتخالط بياض الجلد ويا السوادي
والله اني عليها كم جفيت العيال *** لو يطول البطى مادام به صيد عادي
من يلوم المولع لو يسوق الريال *** لذت العمر طرباته وبدفع مرادي


وسلامتكم
أبو الليل
08/10/2006, 12:05 AM
صح لسانك ولسان الشاعر وللأسف لا نعرف من قال هذه القصيدة وسوف نسأل إن شاء الله عن قائلها وأي تطور سوف نوافيك والمشاركين بذلك ,, وما قصرت ونتمنى المزيد من هذا الشعر الرائع.....
ولك خالص تحياتي وتقديري ياالمهلي مايولي ...
الذعذاع الحربي
08/10/2006, 07:33 PM
صح بدنك اخوي ( ابو الليل ) والله لا يهينك

مشكور على المرور وانا ماقلتها الا ودي اوسع صدوركم انت وشرواك يالغالي


اخوك المهلي مايولي
أبو شعلان
09/10/2006, 09:56 AM
بسم الله الرحمن الرحيم

ماشالله تبارك الله أخوي المهلي على هالذوق الرائع :good: ... الصراحة قصيدة بقمة الروعة :good: ... وإختيارك لها يدّل على ذوقك الرفيع :good: ...

ونتمنى من يعرف صاحبها أن لايبخل علينا بإسمة

عموماً لاتقطعنا من هالقصائد الرائعه ... وننتظر المزيد من الجديد ...

ومشكور وماقصّرت

,,,,,,,,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,,,,,,,,,
:j
الذعذاع الحربي
09/10/2006, 09:44 PM
مشكور اخوي العزيز (ابو شعلان ) على الاطراء وهذا من ذوقك طال عمرك

اخوك المهلي مايولي
ريف النشاما
10/10/2006, 07:31 AM
مشكور وماقصرت يالغالي

على هذا النقل

ياليت تحاول تجيب المقطوع .............


وهذا صادق مافيه زي المقانيص بالربيع هي الطربه
عاشق البران99
10/10/2006, 07:44 AM
وعليكم السلام ورحمة الله وبركاته

مشكور اخوي المهلي ما يولي :


القصيدة للشاعر / حمد السعيد ...

وهذي كاملة :

يوم شفت البروق الي تكاشف شمال=قلت يالجيب مالك بالمدينه قعادي

فرويلك وانا ابي ادرجك بالعدال =شيل هم الحراره دام جوك برادي

لك ليالي وانا الي حافظك بالظلال=ذاخرك للدروب الي وراها مرادي

عقب قيض طويل عقب فوق كل احتمال=كني الي مقيد فك عني القيادي

ودي اضرب فياض ودي ارقاء تلال=واتمثنا شقيه واتحدر بوادي

ودي اشب نار من فروع جزال =نار واهج سناها جاذب كل غادي

جمرها لا احتظن بصمت صفر الدلال= كنها الغشمريه الي احتظنها قؤادي

امس كله مطر واليوم بين هلال= وصحت ونجم سهيل كنه منادي

والهواى ساكنه ما غير هقوت شمال=نسمة من جداها ما يطري الرمادي

كن ريح المطر في خايعات الرمال=ريحت الطاري الي يحترمني رقادي

ودي الصبح لا من صفر مريح بال=لا جفينا الدفاء مع حس صوت المنادي

ركعيتين مع التسبيح ويطيب فال= صايدين مع الله باذل الجهد بادي

قنصتن من طلوع الشمس الين الزوال=يا حلو بالمغدا لجتن للعنادي

ذاك ما هد طيره يم راي الجدال= صايدن والمواري فوق ريش الثنادي

وذاك جاب الكسيره مثل سلم الرجال= عزله للفروخ الي بتفعل وكادي

وذاك باشر دلاله والحطب له يشال= زين ريحة شبوب الرمث والجو هادي

والعصر مثلها يازين قولت تعالى= شوفها درج للي ما حصله هدادي

قنصتن من حلاها تونس الهم زال=بين ربع نشامى يذهبون النكادي

والله انك بهذي ما تعد الليال=لا تخاط بياض الجلد ويا السوادي

والله اني على هذي جفيت ام العيال= لو يطول البطى ما دام به صيد عادي

من يلوم المولع لو يسوق الريال =لذت العمر طرباته وابي اسبق مرادي
أبو الليل
10/10/2006, 10:02 AM
مشكور أخوي عاشق البران وماقصرت على توضيح أسم صاحب القصيدة وبيض الله وجهك وكثر خيرك وأتمنى لك التوفيق ولك خالص شكري وتقديري ولا أنسى في ذلك أيضا أخوي المهلي مايولي.
الذعذاع الحربي
10/10/2006, 07:05 PM
الاخ العزيز والمشرف المميز (ريف النشاما ) مشكور على مرورك طال عمرك


الله يبيض وجهك ويرحم والديك اخوي العزيز (عاشق البران ) والله اني فرحت بالحيل يوم شفت القصيده كامله الله انه يجزاك خير ومشكور على اسم الشاعر ولك تحياتي طال عمرك من غير قصور باخواني الاعزاء


اخوكم المهلي مايولي
مقدور
12/10/2006, 01:41 AM
اختيار رائع اخوي المهلي

سلمة يالغالي
نعمان الفهمان
12/10/2006, 01:46 AM
من يلوم المولع لو يسوق الريال =لذت العمر طرباته وابي اسبق مرادي

شكرا للناقل ولا الشاعر ماجاب خبرنا
الذعذاع الحربي
13/10/2006, 04:17 AM
اخوي (مقدور ) سلم غاليك وهذا من ذوقك وعساك سالم


اخوي (نعمان الفهمان ) مشكور على المرور


اخوكم المهلي مايولي