استفسار الله يحفظكم عن كاتم تيربو الألماني

[escape_man]

سلام عليكم ورحمة الله


عندي استفسار الله يرضى عليكم عن كاتم تيربو 4 لتر .. لقيته اليوم باسواق طيبة على 600 ريال

عند محل بن شيهون .. كاتب سعره 720 لكن لكن يوم علمته سعره عطانياه بـ 600

القدر عليه لزقة حمراء انه صاعة المانية واليدين المانية

لكن الي اعرفه انه وارد باخشوين وتجي عليه ختم او لزقة تحذيرية من التقليد

هذا لا القدر ولا الكرتون عليه اي شي يمت بصلة لباخشوين

هو يجي منه مقلد ولا ان شاء الله سنعي زين ؟!

كان الموضوع مخالف يامشرفنا فانتفه :j

[فواز الشيباني]

الوكالة انتقلت الى باشماخ
وهو الوكيل الرسمي
وترى شارع السبالة
ارخص اخذنا ٦ لتر
ب ٦٢٥

[سواح الحجاز]

غااااااااااالي جدا

[escape_man]

السعر خلصنا منه ..

الهرجة هو يجي منه تقليد ولا لا؟

لازم يجي عليه استكر مثل هذا او مو شرط

http://www.mekshat.com/pix/upload05/images225/mk213679_mk17809_turbo2.jpg


بالنسبة للاسعار بالسوق فهي كالتالي وياليت الي يلاقي اقل يقول بكم و وين :

قدر ضغط تيربو الماني 4 ونص لتر بدون ساعة بـ 600

قدر ضغط تيربو الماني 4 ونص لتر بساعه بـ 620

قدر ضغط تيربو الماني سعة 6 لتر بدون ساعه بـ 680

قدر ضغط تيربو الماني سعة 6 لتر بساعه بـ 695

قدر ضغط تيربو الماني سعة 9 لتر بساعه بـ 820

قدر ضغط تيربو الماني سعة 12 لتر بدون ساعه بـ 830

در ضغط تيربو الماني سعة 12 لتر بساعه بـ 850

[الخلاوي 090]

اقولك اهم شي لاتأخذ بو ساعه خذ العايدي

[البريق السحري]

السلام عليكم
اللي شريته طيب
بس مو في كفائة قدر باخشوين
اذا يمديك ترجعه احسن لك
وخل احد الشباب اللي بالدمام يمر محل باخشوين موجود عندهم الاصلي القديم
اليوم انا مارهم وشاري قطع غيار لقدري له الضاهر ٣٠ سنه
وتكلمت مع صاحب المحل قال اللي في السوق جاي من دبي
وهذا والله اعلم

[وطن6001]

فعلا فيه بضاعه تجي من دبي بالذات قدور التيربو
وسعرها رخيص وتقليد مو اصلي
بعض المحلات ضعيف نفس ويبيعه على انه الاصلي
سألت في الرياض والخرج بعض اهل المحلات واجمعو على ان فيه اصلي وتجاري
وكل عام والجميع بخير

[تركي1127]

انا شاري ٩ لتر من مخرج ١٧ المحلات الجديده ب ٧٥٠ الاصلي

[escape_man]

اقولك اهم شي لاتأخذ بو ساعه خذ العايدي


تسلم يالخلاوي .. نصيحتك على العين والراس

واتوقع مقصدك التنسيم



السلام عليكم
اللي شريته طيب
بس مو في كفائة قدر باخشوين
اذا يمديك ترجعه احسن لك
وخل احد الشباب اللي بالدمام يمر محل باخشوين موجود عندهم الاصلي القديم
اليوم انا مارهم وشاري قطع غيار لقدري له الضاهر 30 سنه
وتكلمت مع صاحب المحل قال اللي في السوق جاي من دبي
وهذا والله اعلم


الي عندي راحت فيه لحمة الحاشي وتسحرناها باخر رمضان .. مهوب شين ومافرقته عن التيربو

القديم.. لاهنت ياوخيي ورحم الله والديك


فعلا فيه بضاعه تجي من دبي بالذات قدور التيربو
وسعرها رخيص وتقليد مو اصلي
بعض المحلات ضعيف نفس ويبيعه على انه الاصلي
سألت في الرياض والخرج بعض اهل المحلات واجمعو على ان فيه اصلي وتجاري
وكل عام والجميع بخير


كرتونه مكتوب عليه صنع في المانيا والكرتون قديم شوي واليدين كذلك عليها الصناعة والغطاء

لكن الهرجة باستكر باخشوين .. اذا مهوب عليه فربما انه وراد دبي ..

[escape_man]

انا شاري 9 لتر من مخرج 17 المحلات الجديده ب 750 الاصلي



حياك ياتركي ..

عليه دمغة باخشوين ولا لا؟

[الرحال2222]

اخذت الستة لتر منة مختوم بباخشوين ما ارتحت لة ينسم في اول طبختين وديتة لهم وقلبو الجلدة
طلع تحبيب داخل القدر من اسفل باين تاكل الرصاص مع الاكل
الخلاصة سيبك من الالمنيوم وخلك على الاستيل ذا تحسة مو زي القديم