في كل عام مرة تقل سنّة ؟؟..........حبة العيد.........حله:ابوماجد2

[أبو صالح الخلاوي]

السلام عليكم

لغز ماقبل العيد ، أعاده الله علينا وعلى الأمة الإسلامية بالرخاء والأمن والأمان

وكل عام وأنتم بخير وسلام وصحة وعافية



ياويش بنت تنتسب يم رجال = يحوفها السِّراق من دون منّة
غاراتهم صبح ولافيهم ارجال =في كل عام مرة تقل سنّة
واللي خطفها كلمته دوم تنقال = تجوز للمسروق ولو هو يكنّه



وسلامتكم

[ابو ماجد 2]

ماشاء الله تبارك الله
صح لسانك يابو صالح
لغز كايف
كيف الله ايامك ولياليك على الطاعه
حنا يالشيبان شرحك مازالت بقايا الامس متشبثه بالذاكره
رمعتي
حبة العيد مابه منه

[ناصر العلي]

وعليكم السلام ورحمة الله وبركاته
تقبل الله طاعتكم وختم بالصالحات أعمالكم
وكل عام وأنتم بخير
سلمت ياأبوصالح
وصح لسانك على هاللغز
محاولة ولو إن شكلكم ياراعين الكنّود تستعيدون الذكريات
العيّدية
وتنسب للعيد
وتعطى للصغار دون الكبار

[النبهاني]

عليكم السلام ورحمة الله وبركاته
صح لسانك يابو صالح
عزا الله لغز متكتك
ما شاء الله تبارك الله
والله ماني واياه لكن رمعة الزعيم خطيره
حبة العيد مابه منه جازت للمسروق لو يكنه
تقبل الله منا ومنكم صالح الاعمال
وكل عام وانتم بخير

[أبو صالح الخلاوي]

ماشاء الله تبارك الله

صح لسانك يابو صالح
لغز كايف
كيف الله ايامك ولياليك على الطاعه
حنا يالشيبان شرحك مازالت بقايا الامس متشبثه بالذاكره
رمعتي
حبة العيد مابه منه



اي والله يابو ماجد , في كل عيد نتشوق أكثر لبساطتنا

وهااللغز جبته قبل العيد لأجدد جروح الشيبان

واخليهم يتحسرون على ( الحبات ) اللي ماحصلوهن ههههه

نعم نعم يابو ماجد

كفووووو كفووو ثم كفووووو

تسلم يابو ماجد

وصح لسانك مليوووون

نعم الحل :( حبة العيد , مابه منه )

صبحية عيد رمضان , كان العيال يلاحقون البنيات ويخطفون منهن حبة
ويسمونها حبة العيد , ويصوتون ( حبة العيد مابه منه )
والبنيات مايزعلن , وربما سعيدات لإعجاب الشباب بهن .

وكل عام والجميع بخير

[أبو صالح الخلاوي]

وعليكم السلام ورحمة الله وبركاته

تقبل الله طاعتكم وختم بالصالحات أعمالكم
وكل عام وأنتم بخير
سلمت ياأبوصالح
وصح لسانك على هاللغز
محاولة ولو إن شكلكم ياراعين الكنّود تستعيدون الذكريات
العيّدية
وتنسب للعيد

وتعطى للصغار دون الكبار



هلا بك يابو علي

ايه هذا من موروثات الكنود

ولو إننا في ذاك الوقت مانعرف حتى الكهرباء

ولكنه جميل ببساطته وغفلتنا

لك أجمل عيدية , تقبل الله منا ومنكم صالح الأعمال

[أبو صالح الخلاوي]

عليكم السلام ورحمة الله وبركاته




صح لسانك يابو صالح
عزا الله لغز متكتك
ما شاء الله تبارك الله
والله ماني واياه لكن رمعة الزعيم خطيره
حبة العيد مابه منه جازت للمسروق لو يكنه
تقبل الله منا ومنكم صالح الاعمال


وكل عام وانتم بخير



تركيزك ياالنبهاني على نقطة جازت ولو هو يكنة


تدل على أنك قد خطفت لك كم حبة بالعيد ,,,بس مدري


والزعيم شكله باقي له وحده , حله على طول


وعيدية جميلة أبعثها لك ياالنبهاني , وكل عام وأنت بخير وسعادة