المساعد الشخصي الرقمي

مشاهدة النسخة كاملة : سحاااب - ياشين عيدي عقبكم ياهل البيت


سحاب نجد راعي شقراء
06/08/2013, 09:44 AM
السلام عليكم ورحمه الله وبركاته

حي الله الغالين كلن بسمه وعيدكم مبارك قبل الزحمه وكل عام ونتم بخير ان شاء الله تعالى



ياشين عـيـدي عقبكـم ياهل البيت

وعـيـدن بلـيا احـباب وش ينبغابه

طرياالسفراثـقـل عليـه من كميـت

طرياالسفر يـدمي خفـوقـن لجابـه

راحـوعساهـم بالسعد ثـــم عليـت

كـفـوفــي لمنهـومايخيب الرجابه

شايب ولاكـن ماتحـملـت وزريت

شايب وضاقـت من همومه ثيابـه

الـدارظلمى كـل مارحت ونجـيت

ويضيـق صدري كــل ماهـج بابـه

وراك تبطي ياغلا الروح موحيت

الحـق على الي زايـد الهـــم جابه

ياليـت وش تـنـفـع الا قـلت ياليـت

ياليـت ماتـشـفي صويـبـن صوابـه

مليـت من دنياالحــزن حيل مليـت

وعـيـدن بليااحـباب مـرن شرابــه

والدمع من عيني على الخـدهليـت

وش حيلتـي غيـرالصبـروحتسابـه

يالله طلبتـك والتجـي بـك وصليت

يالله رجـيـتـك تحفظـه في شبابــه

يالله طلبـتــك ياعـظـيـمـن تعليــت

يالله دخـيــلك تحفظـه فـي غيابــه

انت الوحيد الي رجيته وماخفيت

مني الدعاء وعند الكريم الاجابـه

سحاااب نجد
سحاب نجد راعي شقراء
07/08/2013, 12:14 AM
لا بالله شكلها ماجازت لكم ههههههههههههه
GMC 111
07/08/2013, 02:50 AM
ياليـت وش تـنـفـع الا قـلت ياليـت

ياليـت ماتـشـفي صويـبـن صوابـه

مليـت من دنياالحــزن حيل مليـت

وعـيـدن بليااحـباب مـرن شرابــه


لاوالله جازت لي وصح لسانك يانجد

لاكن للاسف مافيه تفاعل ف الخيمه
ذيب ذهلان
07/08/2013, 03:14 AM
صح لسانك هذي القصيده
سحاب نجد راعي شقراء
07/08/2013, 05:40 AM
ياليـت وش تـنـفـع الا قـلت ياليـت

ياليـت ماتـشـفي صويـبـن صوابـه

مليـت من دنياالحــزن حيل مليـت

وعـيـدن بليااحـباب مـرن شرابــه


لاوالله جازت لي وصح لسانك يانجد

لاكن للاسف مافيه تفاعل ف الخيمه





ياهلا ومرحبا ومسهلا

يالله تحيي راعي حريملا

تصدق عاد اني قد انعزمت تحت الشلالات الي في توقيعك ههههههههههه ورحت مع الي عازمني وهو من اهل حريملاء شايب وش كبره
وبعدها ب 20 سنه جيت ابا اروح ولاكن للاسف ضيعت ولا دليت لاني لفيت يمين ثمن لفيت يسار ونا على الزفلت ثمن يصير الدرب ترابي ونا امشي شمال غرب بس اخخخ مادليت هههههههه شفتا اني صادق ههههههههههه

شرفتني يالغالي
سحاب نجد راعي شقراء
07/08/2013, 05:43 AM
صح لسانك هذي القصيده


صح بدنك يالغالي

شرفتني
ابوالترهيم
07/08/2013, 05:48 AM
انت الوحيد الي رجيته وماخفيت

مني الدعاء وعند الكريم الاجابـه


صح لسانك وعيدك سعد وافراح
سحاب نجد راعي شقراء
07/08/2013, 05:56 AM
انت الوحيد الي رجيته وماخفيت

مني الدعاء وعند الكريم الاجابـه


صح لسانك وعيدك سعد وافراح




ياهلا ومرحبا ومسهلا

صح بدنك يالغالي شرفتني
علي الثاني
07/08/2013, 06:03 AM
وعليكم السلام ورحمة الله وبركاته.
وتقبل الله منا ومنكم الصيام والقيام وصالح
الأعمال وكل عام الجميع بالف خير
....................... ..... ........
كم واحدن مثلك شكى وحشة البيت
في غيبة اهلة تقل ساكن خرابة.
وانا بعد مثلك من الامر عانيت
نفس الضروف وﻻ بذالك غرابة.
ارجوك ﻻتسكب على نارنا الزيت
انتة وانا اللي نحترق بالتهابة.
ترى الزمان اليوم كلة طواغيت
حتى الكبير اليوم مالة مهابة.
المستعان الله على كل ما اطريت
والصبر لو هو مر حلوا ثوابة.
علي الثاني
سحاب نجد راعي شقراء
08/08/2013, 12:43 AM
وعليكم السلام ورحمة الله وبركاته.
وتقبل الله منا ومنكم الصيام والقيام وصالح
الأعمال وكل عام الجميع بالف خير
....................... ..... ........
كم واحدن مثلك شكى وحشة البيت
في غيبة اهلة تقل ساكن خرابة.
وانا بعد مثلك من الامر عانيت
نفس الضروف وﻻ بذالك غرابة.
ارجوك ﻻتسكب على نارنا الزيت
انتة وانا اللي نحترق بالتهابة.
ترى الزمان اليوم كلة طواغيت
حتى الكبير اليوم مالة مهابة.
المستعان الله على كل ما اطريت
والصبر لو هو مر حلوا ثوابة.
علي الثاني


تسلم يالغالي

ههههههههههه اثر الحال مثل بعض هههههههههه اجل هيظتك الله لا يفرق شملكم

شرفتني بحظورك يالغالي