بغيت اسوي بيت شعر بالحوش ابي رايكم

[فلقه]

السلام عليكم اخواني نويت احط بيت شعر صورت الموقع عشان تعطوني رايكم طبعن ابيه 4*5 او سته لكن مادري وش الانواع وش افضل شي كم اتكلفه
http://store2.up-00.com/Apr13/6zn07227.jpg http://store2.up-00.com/Apr13/3xy07227.jpg عندي ملحق بس قررت اسوي بيت شعر افضل وانسب وابي رايكم

[ابوالترهيم]

مرحب
انا شفت بيوت شعر كثير وكانت في احواش ومساحات فضاء وهي حل سريع وخفيف يوفر من تكلفة البناء والطوبوشغل الاسمنت لكن انت عندك ثلاث جدران ما بقي الا الجدار الاخير وفيه تركب باب والسقف شغل حداد
مع عازل وان كان ودك الحصول على شكل بين الشعر الجدار اللي راح تبنيه في الواجهه ادهنه اسود مطفي مع
خطين ابيض اما من الداخل تلبس الجدران والسقف بقماش بيوت الشعر الداخلي المزخرف وتبني المشب وكمالياته بالطوب الاحمرفي الجدار اللي في الصدر يسار النوافذ اما الجدارالمقابل للنوافذ ممكن تجيب رسام يرسم عليه منظر طبيعي بري بالوان نص لمعة بس الشبابيك مطلة على داخل بيت الشعر اما تعزلها او تتركها عادي هذا اقتراح ونشوف اصحاب التجارب واللي عندهم بيوت شعر يمكن يفيدونك اكثر وبالتوفيق

[اسدهم]

نصيحة. اشتغل بلك ابرك من بيت الشعر مشكلته حار في صيف. والمشكلة وقم 2 اذا شغل التلفزيون يسمعونة جيرانك انت وسواليفك اعتقد وضحت صورة ونشد حقين بيوت الشعر وهم ابخص مني. انا من واقع تجربة في بيت شعر

[جاهز نجد]

بالنسبه وانا اخوك اذا بيت ملك ابنه بلك وصب سطحه واعزله وكم خط اسود وابيض زي ماقال ابو الترهيم ولبسه من داخل سدو وحط مشب الجاهز حق الدوادمي مايكلف كثيرخصوصا عندك ثلاث جدران قايمه ونصايح الاخوان صحيحه من ناحيه الصوت وغيرها لا يخر بيت الشعرلاخرب من الشمس يره مره ثانيه انا مجرب الشغله والله يوفق

[Anwar abdulla]

ماقصرو الشباب

اذا البيت ملك خلك على البلك وريح دماغك

وش لك بالغبار والحر والبرد

وبيوت الشعر اللي عليها الكلام تكلفك اكثر من البلك بواجد

[مكتشف الهوات]

بيت الشعر له جو خاص ما يحسبه الا جربها