مساعده...............زيت القير التماتيك لجيب لاندكروزر

[هبوب ال شمال]

السلام عليكم ورحمة الله وبركاته


يا اخوان ابي منكم خدمة الله لا يهينكم

عندي موتري GX 99 ومشيت عليه انا حدود 20000كم

والموتر ماشي الان 250000 كم ولا اعلم صاحبه الاول مغير زيت القير او لا

طبعا القير ماشاء الله معي تمام التمام

المهم انا

مريت العضيب شيك على زيت القير قالي انت ماشي عليه كثير

ونصيحة لا تغيره لانه احتمال راح يفلت القير ويخبط وبعدين قالي اذا حاب نغيره

على مسؤليتك نغيره لك ........وبصراحه انا خايف ومتردد ولا ادري وش اسوي

وش رايكم يا أهل الخبره ووش تنصحوني فيه

في بعض الشباب قالو نقص لتر وزود لتر من الزيت الجديد للقديم وبعدين

غيره مره وحده بزيت جديد وبصراحه اول مره اسمع عن هاذي الحركة وهل هي مجربة

ومضمونه وكيف طريقتها يعني اسحب كل يوم لتر وازيد لتر جديدة او كل اسبوع او.....

كيف الطريقة

واذا مليته وخلصت اجلس كم يوم عشان اغيره بزيت جديد كامل.........؟

ارجوا من اهل الخبرة افادتي .

[هبوب ال شمال]

51 مشاهدة ولا واحد فيكم رد

[ابو فهد...]

فيه دروس للاخ اصيل حجازي ابحث عنها ويتستفيد

[سيف وقلم]

http://www.mekshat.com/vb/showthread.php?t=493228

[مسير عليكم]

شف الرابط الي حطه اخوي سيف لانه كاتب نفس الي كنت بقوله لك

بس نصيحه رح الوكاله او موزع تويوتا رسمي وخذ الفلتر والزيت
ولا تاخذه من البنشري لكثره الزيوت المضروبه والمغشوشه ولايهمك لا تفلسف البنشري لان كل همه يبيعك ويمشيك وياكثر فلسفتهم

[رفيع المقام]

السلام عليكم

كل عام وانتم بألف خير


أخوي انت شوف الزيت بنفسك

طلع العيار وافركه في منديل وشوف لون الزيت احمر او اسود ... او


اذا انت خايف اسحب علبه ..

وامش اسبوع

بعدها اسحب علبتين

وامش عليها اسبوع


بعدها ٣ علب وامش اسبوع ..

بعدين غير الزيت كاملاً مع الفلتر ...


ولا تحاول تدوس عليها واجد .


طبعا في كل التغيرات السابقه لاتحاول تشد على الموتر..



بالتوفيق