السياره تنقص

[ابوخالد000]

بسم الله الرحمن الرحيم



عندي السياره تنقص كل الف كيلو علبه

ماشيه حول 300الف

الزيت سوبر جيتي فوكس علبه بلاستك

اذا كنت واقف لمده عشر دقائق ودعست يطلع دخان ابيض مع ازرق


هل توقعون تحتاج توضيب

ارجو ان تفيدوني



وكل عام وانتم بخير::)

[hassan-55]

تحتاج نصف توضيب " شنبر"
والله اعلم
انا مثلك عندي الجيب يصرف زيت وفي دخان

سألت ورحت لعدة ورش كلهم قالو شنبر
وبعضهم قال مانقدر نحكم الا بعد فك المكينه احتمال توضيب كامل
وجيه وشنابر وجلد بلوف وخرط وغيره
ويكلف تقريباً من 3000 الى تقريباً 6000 ريال شامل اجرة المهندس والقطع
او شغل يد تقريباً 900 الى 1200 على حسب الورشه في الغالي وفي الرخيص
والقطع تقريباً 2500 الى 3000 ريال
المهم الشغل المضبوط انت وحظك
هذا الكلام قبل سنه الحين ما ادري كم تكلف
قبل شهرين تقريباً اخوي وضب مكينة وانيت متسوبيشي وكلف تقريباً 3500

الله ييسر امرنا وامرك وامر كل مسلم..

[تميم2222]

الربع يفيدونك

[أبوعبدالله202]

وش نوع السيارة

[مسير عليكم]

موترك علي وصفك يبي له شنبر

ونصيحه خله الين يخبط ثم وضبها لان الشنبر ما يضبط دايم
انا كان معي باترول وطلب شنبر ولاني راعي خطوط قلت بشنبره وشنبرته بشنبر ياباني علي طلب المكانيكي
الشنبر 160 والبساتم 360 يابانيات لانه يقول انعم من الاصلي
وطقم وجيه اصلي وكاله ب500
وشغل يده 500
وبعد سنه الموتر صار يكب زيته وفحصته قال فيه ضغط زايد وطلع عندي بستم فيه فضاوه ولازم اوضب المكينه
ووضبته توضيب ياباني ب4000
طبعها الكلام هذا قبل سنتين الحين ما ادري عن الاسعار

[المهاجر انا]

مافيدك الا توضيب كامل لاتهمك الورشه اللي يقولون شنبر بيرجع وكلها تكليف عليك