المساعد الشخصي الرقمي

مشاهدة النسخة كاملة : إضافات على الباثفاندر


ml_abo_rish
07/10/2006, 11:31 PM
معي باث فندر 2005 ابي تساعدوني ؟؟؟؟؟؟؟؟؟
1- طريقة رفع الباث من الخلف والامام
2- الادوات والقطع الازمه وشرط تكون مجربة واصلية ما هي مشكله الفلوس لاني احب موتري وابي ادلعه
3- المحلات المتخصصه في الرتكيب واين تقع بالتفصيل لو في العراق اروح عندهم
اسباب رفعي للموتر انا شغال في شركة في الشهر اربع مرات امسك جلد 70 كيلو وابي اسلم من الحصى وغيره......
واحيانن اشيل معي عدة ثقيله ولا ابي الموتر ينزل من الخلف على شان ما يرتفع النور ولا اشوف الطريق....
(تكفون نخيتكم يا الرجاجيل ابي ردود من قبل ذوي الخبره والمجربين)
m1m
08/10/2006, 12:02 AM
ودي أجاوبك .. لكن منيب قصمنجي :)
عبودكم
08/10/2006, 01:07 AM
هلا أخوي كلنا في المنتدى أسرة واحدة هذا ما أعتدنا عليه من البداية
بالنسبة لسؤالك أخوي إذا بك شدة تروح للرياض لمحل الرماية وتاخذ منهم أربع مساعدات استرالية من نوع A R B
وتاخذ بعد عدد اثنين ياي خلفى ضغت وسط وتروح بعد كذا للفلبيني الخاص بمحل الرماية كلها على شارع التخصصي الفلبيني ممتاز يركب لك هذي الأشياء وكذالك يوزن إرتفاع السيارة من الأمام بطريقة رائعة هذا الكلام مجرب وتدعي لي ان شاء الله
التكلفة تقريباً حوالي 2500 ريال ما تندم ان شاء الله
أبوناصر
08/10/2006, 02:13 AM
بالنبسة لرفع الموتر خذلك يايات استراليه وبشرط لا تغير المساعدات ( ( هذا رايي الشخصي ) )

بعد ما تتقطع البلاستيكه الي تحت المكينة غيرها بصاجة حديد

ركبلك ورا في الشنطه القماش التنزاني الي يحمي المراتب والجوانب من التمخيش

ركب الخروج حقت القير عندكم في السنيدي


هذي أهم الأشياء في نظري والله يعطيك خيره ويكفيك شره
أبوأحمد98
08/10/2006, 02:19 AM
السلام عليكم
اتوقع اخوي (عبود كوم)كفى ووفاء
لا تتعدى اليايات الاستراليه
ml_abo_rish
10/10/2006, 02:01 AM
اخوي m1m
مشكور على الزيارة وعطاك الله العافيه (واللي يحب الصلاة ما يفوته وقتها)
ولو تبي تساعد ما يهم انك قصمي ولا لا
اخوي عبودكم
مشكور وبيض الله وجهك لاكن تعال انت تكلم عن الرفع من الخلف طيب من الامام انا قريت انهم يركبون كعكات والظاهر مساعدات بنز. وش ردك
اخوي ابوناصر
ومشكور ياحيي وبيض الله وجهك وجعلك دايم الدوم بالعافيه
اخوي ابواحمد
مشكور ويعطيك العافيه
ابوعلي7
10/10/2006, 02:19 PM
طلبك بسيط ولا يحتاج نخوه، خذ هذا الربط لعله ينفعكhttp://http://www.mekshat.com/vb/showthread.php?t=58546 (http://http://www.mekshat.com/vb/showthread.php?t=58546)
برق تميم
10/10/2006, 02:35 PM
الحق ترا اذكر ما عندهم الى حبيتين باقيه للباث فندر
ml_abo_rish
11/10/2006, 01:52 AM
وش السالفه ممكن صار لخبطة في المنتدى
هاوي قصيده
11/10/2006, 01:59 AM
ركب يايات استراليه ..

وركب قماش بالخلف مثل ماقال الاخ الكريم

وفك الدواسات اللي على جنب ..

وركب كفرات برجستون الكبار ...

هذي كماليات الباث الرئيسيه

واذا ودك ركب توانكي

واليايات وهالامور تلقاها عند الرمايه ...

موجود بالرياض ..وبالدمام والقصيم فيه عده محلات
ml_abo_rish
11/10/2006, 02:42 AM
اخوي هاوي كلامك على عيني وراسي بسسسسسسسسسسسسسسسس
تعال الدواسات ليش افكها اللي اعرف انه تحمي السيارة لو لا سمح الله حصاة تنكز ولها في الدواسه
ثاني شي البرجستون قاس ولا اظنه زين في الجلد يفكك الموتر والظاهر ان الشباب في المنتدى ينصحون بعدم اختيار مقاس اكبر عن الموضوع له في الوكاله لانه يأثر على العمود والدفرنسات ولو يظرب عليك يعدم اشياء ماتتخيلها
ولا ش رايك
ابـ معزي ـو
11/10/2006, 06:03 AM
بالتوفيق ...