المساعد الشخصي الرقمي

مشاهدة النسخة كاملة : شي غريييييب في الباترول 97


بحر الشمال1
08/08/2013, 12:57 AM
السلام عليكم ورحمة الله وبركاته

انا عندي ياخوان باترول ربع 97 حكومي
لاكن المشكله انه اذا اسرعة في الطبلون 180 وتحتها بعض الأحيان
ولاكن بالقارمن 160 - 162 مايتعداها. مع ان الموتر لله الحمد نشيط
ولاكن انا لاحضت هالمشكله بالعكس بعض الاحيان وانا امشي 180 يطلع علي موتر خويي
باترول 91 بابين مع انه مهربد وموتري شبه جديد
مدري وين المشكله.
Abukhaled-503
08/08/2013, 01:11 AM
تصفية مكينة مثل بواجي اسلاك بواجي نظف الكلبليتر وصفاية البنزين ووالخ
sgl2002
08/08/2013, 01:21 AM
شف وانا اخوك

تاكد انك الكفر نفس مقاس الوكاله

والباترول القديم يطلع فرق ١٠ عن القارمن
مسير عليكم
08/08/2013, 02:12 AM
شكل عدادك خربان لان القارمن لو نقص نقص 10

واذا تبي تتاكد شف لك موتر واحد من اخوانك موتر عداده مزبوط وتماشو علي 120 وتاكد

وثاني شي ياخوي ترا موترك قفش وش له السرعه الله يستر عليكم ويحفضكم من شر السرعه
مطراش
08/08/2013, 03:24 AM
شف ياخوى القارمن ماهو مثل عداد السياره وهذا عن تجربه
بحر الشمال1
08/08/2013, 03:51 AM
ياخوان بيض الله وجيهكم على الردود وتراني انا نزلة
الموضوع هذا ماهو حبن بالسرعه والله يشهد ولاكن كانت
صدفه اني كنت مستعجل على شي بلحقه وكنت مشغل القارمن في نفس الوقت
ولاحضت الفرق وبس.


ولاكن ابي جواب شافي يالغالين. وش الشي الي محتمل تكون منه المشكله
وش الشي الي اشيك عليه الله لا يهينكم



وعيدكم مبااااااارك. وعساكم من عواااااده
محسن اليامي
08/08/2013, 04:43 AM
لا تشيك على شي

السرعه في القارمن تختلف عن سرعة السياره

وانت جرب اخذ القارمن وجربه في سياره ثانيه يطلع نفس الشي

وعلينا وعليك تبارك وتقبل الله طاعتك
بحر الشمال1
08/08/2013, 04:47 AM
طيب هل الممشى طبيعي لأني جربت بعد برنامج بالجوال زي القارمن طلع نفس الكلام ١٦٠ مايتعداها
ظغط عالي
09/08/2013, 05:37 PM
السلام عليكم

اخوي يمكن احد سوى تنظيف للعدادات وزوود عداد السرعه تبي الخبر الاكيد امش 120 وإذا سمعت الجرس عدادك مظبوط
كلام اكيد لان الجرس مقنن من شركته على120
يا سلام سلم
17/08/2013, 11:14 AM
لا اله الا الله
الله يستر علي وعليك وعلى الجميع من السرعة
اولا عداد الباترول يزود 20 او 18 تقريبا عن السرعة الي انت تمشيها
وهذا عن تجربة
طبعا انا اخالف الاخوان في ان القارمن يختلف
القارمن المزبوط ما يختلف
وانا كنت اجرب قارمن على جوال نوكيا الله يرحم ايامه وكان يجيب السرعة صح
وجربت برنامج I GO على الايفون وكان يجيب السرعه مزبوط 95% تقريبا
وكانت السرعه في الطبلون تحت 180 وفي القارمن 165
وكنت اذا جربته في الكامري او الفورتشنر يعطي نفس قراءة الطبلون ،،
والحقيقة اول ما شريت الجيب قال لي واحد من الزملاء ابوه راعي نياسين منذ القدم
قال بالحرف الواحد ( لا يغرك ترا عداد البترول يزود 20 عن الممشى الصحيح ) .
ومن عقبها وانا عاييش القصة مع عداد الباترول
طبعا الحين فيه برامج دايخه في تحديد السرعه مثل COPILOT ; SYGIC; ومثلها كثير

الله يوفقنا واياكم لما يحب ويرضى
والسلام عليكم
كتبه الفقير الى عفو ربه
يا سلام سلم