المساعد الشخصي الرقمي

مشاهدة النسخة كاملة : لا تنقلونه يلين ينشف دمه ...؟؟


جير دبي
09/08/2013, 03:03 PM
السلام عليكم ورحمه الله وبركاته
شحالكم يالربــــــــع كلن باسمه
وكل عام وانتم بخير وعيد سعيد عليكم :)



لا تنقلونه يلين ينشف دمه
كثرت الأسئله عند بعض الصقاقيرفي مثل هذا الوقت ،
هل ينقلون الطير وهوه يسوق الموس ؟؟
وأنامن وجهة نظري
أشوف ترك الطير في المقيض
يلين تيبس الامواس يكون افضل لطير خوف عليه ..
من فضق الريشه وخصوصا ريشة الموس
تكون عرضه لمثل هذي الامورلأنها في مقدمت
الريش وخصوصا عند الكفخ ،
وفي حالة فضق الريشه
يكون صعب ترميم الريشه من الداخل
ويمكن وبشكل كبير يعمي بيت الريش
وتلحم من الداخل
وخصوصا اذا ماتلقت علاج سريع
وعند متخصص في التوسير..
والسنه سنه خير بأذن الله


تحياتي وتقديري للجميع ..
دوم سرهيد
09/08/2013, 06:09 PM
كل عام وانت بخير يا جير دبي...
اتفق معك تماما و كلامك في محله...
بالتوفيق...
قلب ذيب
09/08/2013, 10:44 PM
بارك الله فيك اخوي / جير دبي .
نعم نقل الطير وريشه ما اكتمل النمو خطر على انفضاخ الريش ؟ في العاده ينقل الطير اذا كان موعد المقناص قرب والقوانيص يجهزون للمطراش , اما في حمرا القيض وعاد سهيل ماطلع وعاد الحر في شدته فلاداعي لنقلة الطير ابدا , ولابد من الانتظار الى ان يبرد الوقت وتيبس امواس الطير ويتم نقله . تقبل تقديري .
راعي قطاع
10/08/2013, 12:04 AM
أيد كلام أخوي جير دبي وقلب ذيب والصبر زين :good2:
رفحاوي 999
10/08/2013, 01:09 AM
كلام سليم والله يوفق الجميع
أبو فااارس
10/08/2013, 02:24 AM
انا اتفق مع اخوي جير دبي واختلف معه بعض نقاط .. بيت الريش او اللي يمسك الريش ماهو الموس النايفه واخطر شي نقلة الطير ونايفته ماتمت والطير اللي به نعاره ونزر افضل له لين ماينشف ريشه والا الطير الراكد ماآشوف مشكله اذا طلعته وموسه يسوق بشرط النايفه تكون تامه لأنها لو تنكسر تعدم ريشه وقليل من الطيور تلقى موسه مكسور لحاله الا تكون النايفه قبله مكسوره..
االحربي 88
10/08/2013, 06:30 AM
بارك الله فيك كلام في محله والموس ياخذ له ٦٠ ليله حتى يعصب ولين تشوف اطراف الموس لونها بيض ...
ابوحزااااااام
10/08/2013, 06:46 AM
:good2:




انا اتفق مع اخوي جير دبي واختلف معه بعض نقاط .. بيت الريش او اللي يمسك الريش ماهو الموس النايفه واخطر شي نقلة الطير ونايفته ماتمت والطير اللي به نعاره ونزر افضل له لين ماينشف ريشه والا الطير الراكد ماآشوف مشكله اذا طلعته وموسه يسوق بشرط النايفه تكون تامه لأنها لو تنكسر تعدم ريشه وقليل من الطيور تلقى موسه مكسور لحاله الا تكون النايفه قبله مكسوره..




:good2::good2: اضم صوتي لبوفارس وجير دبي ؟كيف

اتفق مع جير دبي انه ماينصح بنقلة الطير حتى ينشف ريشه

واتفق مع ابوفارس انه مافيه مشكله في نقلت الطير بشرط ان يكون الطير راكد وازيد ان تكون الموسيه متعديه النص
راكااااان
10/08/2013, 10:51 AM
بارك الله فيك وجزاك الله خير ياجير دبي وافي بكلامك ،،،
جير دبي
10/08/2013, 12:29 PM
شاكرلكم وتسلمون على المرور الطيب ..الي اضاف للموضوع شي الكثير ..
تحياتي لكم كلن باسمه ....
جير دبي
11/08/2013, 01:34 PM
انا اتفق مع اخوي جير دبي واختلف معه بعض نقاط .. بيت الريش او اللي يمسك الريش ماهو الموس النايفه واخطر شي نقلة الطير ونايفته ماتمت والطير اللي به نعاره ونزر افضل له لين ماينشف ريشه والا الطير الراكد ماآشوف مشكله اذا طلعته وموسه يسوق بشرط النايفه تكون تامه لأنها لو تنكسر تعدم ريشه وقليل من الطيور تلقى موسه مكسور لحاله الا تكون النايفه قبله مكسوره..





هلا وغلا اخوي بوفااارس وانا اقول الطير يمكن نقله ولكن خطرانفضاخ الريشه يكون وارد
في اي وقت ويصعب ترميم الريشه ونخسر الطير واما كسور الريش من السهل توسيرة
والموس اكثرالريشه معرضه لخطر الايصابة وخصوصا في مدت الاربعين يوم من بدايت
طلوعه...
أبو فااارس
11/08/2013, 08:24 PM
هلا وغلا اخوي بوفااارس وانا اقول الطير يمكن نقله ولكن خطرانفضاخ الريشه يكون وارد
في اي وقت ويصعب ترميم الريشه ونخسر الطير واما كسور الريش من السهل توسيرة
والموس اكثرالريشه معرضه لخطر الايصابة وخصوصا في مدت الاربعين يوم من بدايت
طلوعه...
كلام وافي وهذا الصح بس ياخوك مالنا حيله انا عن نفسي ابي انقل الطير قبل تتم نايفته خابره مايتحرك ولا يكفخ حزة عشاه بس لا احد يقلد على كلامي يمكن يتوهق هههه
صقار الهفوف
12/08/2013, 01:16 PM
كلام سليم 100%
333
12/08/2013, 01:33 PM
عز الله انك صادق
مربي الصقور
12/08/2013, 10:57 PM
كثر الله خيرك على المعلومه الطيبه