ذيب الداهية
10/08/2013, 08:44 AM
القصيدة لشاعر صقر النصافي يقول فيها ..
يا علي خل العيد لام الدناديش
اللي تفرّك كل يوم ٍ جسدها
تبغي تماري ناقضات العكاريش
في كل ملفاحٍ تنقض جعدها
العيد عيدالله ولو فات حتيش
من حسبة أيامٍ يمرك عددها
نبي نعلمك المساري على الجيش
تمشي ذلولك لين يفتر جهدها
خابرك مانت بضاريٍ بالمطاريش
نبيك تونس حلوها من نكدها
ليله على مسرى وليله مغابيش
وليله نخلي نومها لمن رقدها
وليله على تمره وليله على عيش
وليله نوكلك الشحم صيد يدها
يا علي لاجيت العرب لاتجي ديش
خبلٍ ليا جاب السوالف سردها
احفظ لسانك لا يجي فيه تبطيش
تصبح عيونك كايداتٍ رمدها
يجيك من ينشدك نشدة تفاتيش
يبي يسنع هرجةٍ يعتمدها
خله يقوم مفلتٍ في يده ريش
يروح منك وحاجته ما وجدها
ترى دعابيل الخبول الفوانيش
تبدي بما فيها ولا حدٍ نشدها
يجيك واحدهم يورّش توّريش
عجاجته يسبق مطرها رعدها
ولا لعمقات السوالف مناقيش
قراية الكلمه على أول عددها
تجي سوالفهم بضحكٍ وتبهيش
وقلوبهم محدٍ يفكك عقدها
.................
الصراحة ابيات جميلة
ودي اعرف وش مناسبة القصيدة ..
افيدونا ولكم جزيل الشكر
يا علي خل العيد لام الدناديش
اللي تفرّك كل يوم ٍ جسدها
تبغي تماري ناقضات العكاريش
في كل ملفاحٍ تنقض جعدها
العيد عيدالله ولو فات حتيش
من حسبة أيامٍ يمرك عددها
نبي نعلمك المساري على الجيش
تمشي ذلولك لين يفتر جهدها
خابرك مانت بضاريٍ بالمطاريش
نبيك تونس حلوها من نكدها
ليله على مسرى وليله مغابيش
وليله نخلي نومها لمن رقدها
وليله على تمره وليله على عيش
وليله نوكلك الشحم صيد يدها
يا علي لاجيت العرب لاتجي ديش
خبلٍ ليا جاب السوالف سردها
احفظ لسانك لا يجي فيه تبطيش
تصبح عيونك كايداتٍ رمدها
يجيك من ينشدك نشدة تفاتيش
يبي يسنع هرجةٍ يعتمدها
خله يقوم مفلتٍ في يده ريش
يروح منك وحاجته ما وجدها
ترى دعابيل الخبول الفوانيش
تبدي بما فيها ولا حدٍ نشدها
يجيك واحدهم يورّش توّريش
عجاجته يسبق مطرها رعدها
ولا لعمقات السوالف مناقيش
قراية الكلمه على أول عددها
تجي سوالفهم بضحكٍ وتبهيش
وقلوبهم محدٍ يفكك عقدها
.................
الصراحة ابيات جميلة
ودي اعرف وش مناسبة القصيدة ..
افيدونا ولكم جزيل الشكر