مشكلة بالجمس

[Gm.454]

السلام عليكم ورحمة الله وبركاته وكل سنه ؤانتم بخير
ألمهم عندي مشكلة بالجمس وصراحه تعبتني ومالقيت أحد يحلها
المشكلة هي إذا كانت السيارة واقفه ودعست لها بقوة تكتم بداية الدعسة ؤاذا دعست خفيف تقبل الدعسة وكمان بالخط إذا كنت مآشي ودعست بقوة تفهي السيارة وتحسها طفت وهي شغالة ؤمجرد ماتشيل رجلك عن البنزين ترجع السيارة طبيعية ومع المشكلة هذي صارت السيارة ثقيلة وعزمها طاح والسيارة جمس 93 ~ 454 والقطع اللي غيرتها ) ظرمبة بنزين في اكس أر الأصلي وصفايت بنزين ووزنت ديلكو ؤغيرت بواجي واسلاك بواجي ونظفت بخاخات وشيكت ع الحساسات كلها وفحصت كمبيوتر وقالو السيارة مافيها شيء
ؤسلامتكم وياليت اللي عنده خلفيه يشاركنا ومعليش ع الإطالة للموضوع

[عبقري91]

المشكله ب الديلكو. صارت معي جمس٤٥٤. ٩٢
ارجع. ووزنه من جديد

[Gm.454]

أخوي عبقري أنا وزنت الديلكو ع الكمبيوتر وماتغير شيء وللمعلوميه صار يتأخر بالتشغيل

[راديكالي]

أعتقد أن عندك تهريب في الكهرباء . أفحص أسلاك الظفيرة . وتأكد إنها موصولة كلها . وسالمة من القطع وغير متضررة .
وأذا كنت تشم ريحة بنزين قوية . تأكد من صبابات البنزين الثمانية . ربما يكون احدها تالف .

[Gm.454]

يعطيك العافيه آخوي مكشاتي ، كهربت السيارة مزبوطه وفحصتها كمبيوتر مابين ايت مشكلة والسيارة أول مزبوطه ومحد لعب بكهربتها

[Gm.454]

ومافيه ريحة بنزين بالسيارة

[راديكالي]

شوف بما ان البواجي جديدة .
ربما كان السبب وجود عازل يعزل شرارة البوجي من العمل . وربما كان العازل ماء أو زيت
موجود على رأس البوجي . فك واحد من البواجي او أكثر وتأكد من جفاف رأس البوجي و إذا كان مبلل بماء أو زيت
فهذا يعني وجود مشكلة في الثلاجة ( بسبب حرارة مرتفقعة سابقا ) أو مشكلة ميكانيكية في المحرك تجعل الزيت يصل الى رؤوس البواجي

[راديكالي]

ومافيه ريحة بنزين بالسيارة

عفوا لم اشاهد هذا الرد .
أخوي مشكلتك في الطرمبة حتى لو كانت جديدة إرجع للي ركبها لك وخليه يتأكد من صحة التركيب وملائمتها لسيارتك . وما دام ما فيه ريحة بنزين ! وما دام المحرك لا يشتغل بشكل جيد . فالطرمبة لا تقوم بعملها بشكل جيد .

[Gm.454]

البواجي بعد التركيب بفتره رحت لواحد وفحصهن وقال شغالأت مزبؤط ومافيهن شيء وبالنسبه للطرمبه غيرتها مرتين خلال يومين ومانفع شيء ؤالله يعطيك العافيه على الرد

[escape_man]

يكتم باول الدعسة فقط هذا بنزين وانا اخوك

الموتر ياصله قوة ضخ بنزين ما يتجاوزها .. اذا زدت عليه قطع معك

يا طرمبة البنزين مهيب له او صفاية متوسخة او المواصير منطعجة

الكهرب يكتم على كل السرعات وتحس بنفضة فانا استبعد ان تكون مشكلته

كهرباء الا بحالة وحده وهي ان الديلكو مكتوم عليه وهذا يتبين معك اذا الحرارة

ارتفعت عن سابقها قبل لا توزنه.

[Gm.454]

لا حرارته طبيعيه إذا ارتفعت مره تتعدا الربع بحاجه بسيطه واغلب الوقت حت الربع ولله الحمد

[عبقري91]

خلهم يحركون بديلكو شوي. وجرب
وافتح الكبليتر. وصب بانزيم وادعس اذا كتم. الطرمبه سليمه. واذا لا. رح فر. الديلكو شوي. وجرب

[سليمان اليامي]

ايسكيب مان لا اوافقك الرآي ، مااحد يحب التفلسف

[Gm.454]

يعطيك العافيه أخوي عبقري آلجمس عندي بخاخات ) حلابات يعني يختلف عن الديلكوا

[Gm.454]

بعضهم قالو يمكن الشاكوش وبعضهم ئقولو اللي قالك شأكوش ماعنده السالفه وحيروني

[Gm.454]

ؤاللي قالي شأكوش قلت أؤكك غيره ؤاذا ملطلع منه انت تتحمل خسارتي قال لا أنا مالي دخل قلت يعني تفلسف ع الفاضي وتركته وروحت
وأبي أعرف كيف أتأكد من الشكاوش هو خربان ؤلا لا

[escape_man]

ايسكيب مان لا اوافقك الرآي ، مااحد يحب التفلسف

ماتوافقني الراي ماعندي مشكلة .. محدولد من بطن امه عالم

لكن يرحم والديك .. لابغيت تشارك فخلك جواد وشارك بشي ينفع ويثري النقاش .. لاصار

البنيان غلط فلا تهده الا وانت بتبنيه سليم ولا خله ..


التقطيع من خبرتي بالجموس نوعين .. نوع يجيك على سرعات مختلفة وهذا النوع لابد تشيك فيه

الكهرباء والبنزين بجميع اجزائها وغالبا يكون العطل كهربائي .. بواجي ديلكو تنسيم ثلاجة او

حساسات او الطرمبة كهربتها تقطع او العوامة تلعب بالتانكي او بواجي واسلاك بواجي .. او

شاكوش الديلكو ... هالتقطيع عبارة عن تفويت بالشرارة تزيد وتنقص او تقطع وترجع.

اما كتمة عند الدعسة فاعطيها نسبة 95% انها بنزين مايوصل للحلابات بكمية كافية.

وطرمبة الفكسار مدري عنها .. تنفع على 454 او لا؟

اخبرهم يركبونها على مكاين 5.3 مو مكينة بسعة 8 لتر مثل 454

[Gm.454]

إيه واحد من أخويائ ركب طرمبة في اكش أر وراح التقطيع وصفا الموتر وهي ظرمبة في اكس أر

[Gm.454]

ؤاللحين له 3 سنوات بالطرمبة وماصار شيء ماشاء الله

[متقاعد مبكر]

مشكلتك هي نفس مشكلتي وعملت المستحيلات وما فاد شي وفي الاخير غيرت المغناطيس الذي تحت الشاكوش والبليتين (كتاوت) وانحلت مشكلتي نصيحه غير الي قلت لك فقط وتزبط امور موترك لانه نفس المشكله كانت عندي نصيحه لوجه الله للمعلوميه يمكنك تنظيف المغناطيس ولكن غيره افضل قيمته 90 ريال والبليتين 200 ريال

[Gm.454]

يعطيك العافيه أخوي متقاعد ( بس المغناطيس هذا كيف شكلة ؤاذا أمكن صورة لاهنت
ؤمشكور ماقصرت

[متقاعد مبكر]

والله ما اعرف انزل الصور ولكن ممكن اوصفه هو عباره عن حلقه دائريه مغناطيس مكسوه ببلاستيك ويوجد بها فيش يشبك من المغناطيس الى البليتين (كتاوت) موقعه تحت الشاكوش مباشره

[Gm.454]

أؤكك بشيك عليه ورد لك خبر