تسجيل الدخول

مشاهدة النسخة كاملة : مشكلة الدخان الابيض ما هو الحل جيب لاندكروزر 2004


صامل الوقفات
10/08/2013, 05:51 PM
الاخوة الاعزاء
السلام عليكم ورحمةالله وبركاته
عندي جيب لندكروزر 2004 جي اكس ار صار يدخن دخان ابيض ولا هو باستمرار ولا يوجد نقص بالزيت ولله الحمد
انا فكرة بتغيير جلد البلوف فقط بما انه لا يوجد نقص بالزيت .
لكن ؟
هل ينجح الموظوع بتغيير جلد البلوف فقط .
او انه لا بد من تغيير قطع اخرى

علما اني حصلت ورشة تغير جلد البلوف بدون فك الراس .

اتمنى من الاخوه اللي مرت عليهم المشكلة لايبخلون على بالمشورة أو الاخوان أصحاب الخبرة في الميكانيكا .

تقبلوا تحياتي ......
ابوحسام9
10/08/2013, 10:30 PM
اخوي صامل كل عام ونت بخير غير جلد البلوف ماعندك اي مشكلة غيرناهن بجيب صالون تايوتا 98وصار من ابدع مايكون
طبعا اذا كان السبب جلد البلوف خربانات اتركه شغال تقريبا 10 دقائق ودس على البنزين والسسيارة واقفة اذا خرج دخان ابيض يكون عندك جلد البلوف خربانات
غيرهن ولا تتردد ولا يحتاج توضيب
شغلة يستغرق تقريبا 4ساعات كحد قصى لاكن ابحث عن المكانيكي الشاطر
هواوي الشمال
11/08/2013, 04:05 AM
اذا ماينقص ليه تغير الجلد؟ صدقني حرك تبلش
صامل الوقفات
11/08/2013, 01:28 PM
بيض الله وجهك يابو حسام ما قصرت
صامل الوقفات
11/08/2013, 01:31 PM
اخوي هواوي

الموتر ما ينقص بس الدخان الابيض منظرة مزعج وانا مشكلتي أني ما احب اي عطال بالسيارة لازم أصلحة
الماجد1
11/08/2013, 01:45 PM
انا مجرب بموترين عندي جي اكس ٢٠٠٢ وجي اكس ار٢٠٠٦ كان يطلع من الشكمان دخان ابيض وغيرت جلد بلوف وظبط
(((لاكن دور لك ورشه تركب جلد البلوف من دون فك الراس من دون فك الراس)))
انا مركب بدون فك الراس للسيارتين لاكن دور ميكانيكي ممتاز يركبها زي ما وصفت
Gm.454
11/08/2013, 02:35 PM
ماقصروا إخوانا الأعضاء وآنا أقول نفسهم جلد بلوف ؤغيرتهن للجيب وبدون مايفكو الرأس بس لا تنسى لازم يوزنو لك البلوف بعد تركيب الجلد مهم
kasdar
11/08/2013, 07:59 PM
طيب ياشباب ليه اكثر الناس يقولون صلح من غير فك الراس
وش المشكله بفك الراس ؟
أبوأسامه...
11/08/2013, 08:38 PM
انا عندي دخان ان كان واقف وان مشيت ما فيه دخان (المشكلة في بلف التبخير ) قبل لا تسوي جلد بلوف تأكد من بلف التبخير تراه غير مكلف
الرعاك
12/08/2013, 11:02 AM
هذي مشكله شبه عامة بالجيوب وسبق ان حصلت عندنا في جيب 2001
وفيه باكستاني في صناعية حايل يغير الجلد بدون فك الراس
وتكلف حدود 800 ريال
الماجد1
12/08/2013, 03:02 PM
هذي مشكله شبه عامة بالجيوب وسبق ان حصلت عندنا في جيب 2001
وفيه باكستاني في صناعية حايل يغير الجلد بدون فك الراس
وتكلف حدود 800 ريال

كلام سليم اتوقع انه ابوخالد الباكستاني انا مصلح عنده جيبين وماشاء الله شغله وكاله
اسدهم
18/08/2013, 08:46 AM
انا عندي موتر اقشر التيماءالعالم تصيح من قطع الغيارها.. المهم ونا واقف عند اشا ة ودعس وشوف دخان ابيض. المهم فحصت قالو توضيب. ورحت مشاوير ماتنقص المهم. وروح لورشة قال بواجي ماتحرق زين وش ضمان قل بشتري البواجي وتركيب علي في حالة ماراح الدخان. واذا راح تدفع. المصاريف. والمهم وتروحالدخنة من الموتر.... انت اخر مرة غيرت الموواجي. متي وعام كم
joblak
18/08/2013, 12:58 PM
انا عندي نفس المشكله في جيب لاندكروزر 99 جي اكس ار ولاحظت انها طلعت الدخنه من عقب ما ركبت بطارية اوبتيما الجافه
اسدالجنوب
18/08/2013, 01:08 PM
السلام عليكم ورحمة اللة وبركاتة وكل عام وانتم بخير
انا عندي نفس المشكلة دخان ابيض ولكن الزيت ينقص ياترى وش المشكلة شنبر ولا ايش اللي يعرف حل ياليت لا يبخل علينا