عملت حادث بسيارتي التاهو 2012 وش نصيحتكم هل اصلحها وكاله او الورش

[بن عويشير]

السلام عليكم

عملت حادث بسارتي والحمد الله

الصدمه اتلفت الكبوت
والرفرف

فيبر الصدام

والشمعه

وش تنصحون

هل اذهب بها للوكاله

او ورشه بالصناعيه


واذا كانت ورشه
وش افضل الورش بالاحساء
http://www.mlfnt.com/lives6/13761969371.jpg (http://www.mlfnt.com/)

[escape_man]

مدري عن ورش الاحساء لكن بانصحك بشغلة.. بدل السمكرة اشتر لها كبوت ورفرف اصلي وصدام تجاري اذا موجود ورشها بوية وبكذا تختصر قيمة التعديل الغير مضمون. اهم شي ورشة تطبق اللون ليزر وباحتراف.

هذي طريقتي بسيارتي لا تعرضت لحادث وترجع وزنيتها صح

[hassan-55]

الحمد لله على سلامتك
اسأل الله ان يعوضك خير

يفيدونك الاخوان

الله ييسر امرنا وامرك وامر كل مسلم..

[abohmad]

الحمد لله على السلامه وخطاك السوء والله ياخوك حسب ظروفك وميزانيتك اذا تقدر على الوكاله يكون احسن وافضل من ناحيه الصبغ والتركيب شغل على اصوله اما اذا ميزانيتك على قد الحال احرص على الورشه الجيدة والحمد لله الذى قدر ولطف يا خوى

[Abukhaled-503]

نصيحة لاتسمكر اشتر كبوت ورفرف اصليات والرفرف الداخلي اذا متضرر كثير غيرة اما اذا مضغوط اسحبة

[مسير عليكم]

اخوي الحمد لله علي السلامه
زي ماقالو الاخوان التغيير افضل من السمكره واذا ميزانيتك محدوده خذ القطع من التشاليح وبتحصل ان شاء سعر كويس بس اهم شي قبل ما تروح التشاليح تكون عارف قيمتها وكاله وما يتفلسفون عليك
او خذ قطع تايوانيه تكون جودتها كويسه ماهي سيئه وعندك شركتين 1-ديبو ــ2- تي واي سي كلهن كويسات

[عبقري91]

الحمدلله علا السلامه. والله يعوضك خير
الصدام الي اشوفه انه يتصلح. الشمعه اذا مجاها شي خارجي. القواعد يصلحونها سهله
طبعن الرفرف والكبوت تغيير علا طول
فيه قواعد داخليه لشمعه والشبك اتوقع متكسره تحتاج تغيير تجاري حلو. المشكله هي. البدي من داخل. واشوف تهريب مويت رديتر. يعني اكيد حتى فريرن الموكيف طلع يعني. ورشه. كويسه. وانشالله. تزبط امور. الوكاله غاليه ويطولون عليك

[بن عويشير]

كم تتوقعون تصليحها وكاله

[al3teeq]

نصيحة لاتصلحها في الوكالة لانهم راح يصلخونك بالسعر ولا راح يعملوا اكثر من الورش اشتر لك كبوت ورفرف وودها لافضل ورشة سواء في الاحساء او انقلها للرياض ماراح يكلفك ولا 300 ريال نقلها.
بالنسبة للصدام لاتشتري جديد في ورش متخصصة في الصناعية القديمه بالرياض تعيدة لك وكالة مع الضمان مهما كان اثر الصدمه فيه حتى لو كان ينقصة اجزاء،وبسعر زهيد،لكن مايضربونه بوية البويه على الورشه اللي تعمل السمكره.

[منصور الفايز]

الحمدلله علا السلامه. والله يعوضك خير
الصدام الي اشوفه انه يتصلح. الشمعه اذا مجاها شي خارجي. القواعد يصلحونها سهله
طبعن الرفرف والكبوت تغيير علا طول
فيه قواعد داخليه لشمعه والشبك اتوقع متكسره تحتاج تغيير تجاري حلو. المشكله هي. البدي من داخل. واشوف تهريب مويت رديتر. يعني اكيد حتى فريرن الموكيف طلع يعني. ورشه. كويسه. وانشالله. تزبط امور. الوكاله غاليه ويطولون عليك


:good2::good2::good2::good2::good2:

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .



يا بن عويشير :
فيه أفطس / فلبيني بورشة الخليج بالثقبة .
شآطر ولا بتحصل مثلهُ لا بالوكآلة ولا غيرها .


تذكرت أسم الأفطس / روبرت .
نصيحتي { وبتدعي لي أن شاء الله }
الأفطس شآطر بس يأخُذ حقهُ كآمل وآفي .


وصف الورشة .
وأنت جآي من طريق الظهرآن كأنك تبي العزيزية / البحرين .
تدخل من النفق / المفرق اللي يودي الأسكآن { أسكآن الخبر } .
تلف عكس كأنك بترجع الظهرآن / بقيق / الحساء / الريآض .


تخليك على طول في
طريق الخدمة من تتعدى الأشآرة .
تمشي حتى نهآية الورش وتلف
يمين طريق مقبرة الثقبة .
تخلي الورش يمين والمقبرة يسآر .
حتى تصل أشآرة شآرع مكة بالضبط
قبل الأشآرة بثلاث ورش تقريبآ .
بتشوف ورشة الخليج .


أو أن لم تتفق معهُ .
تلف يمين الورش وتخلي سجن الثقبة يسآرك .
فيه ورشة الحربي /// بها هندوسي طيب أسمهُ برآكش .
شغلهُ زين ورخيص جدآ .
الصبغ يرسلها لخوي
لهُ { هندوسي زيهُ } يصبغها فرن .


صبغ الفرن هو عبآرة عن صبغ عآدي .
ويولعون حولها لمبآت { شمعآت } أو
كشآفآت حآرة ومكيف يشفط غُبآر / طل الصبغ .



أشتر قطع وكآلة .
أو شآور الأفطس .
أرخص لك من أي وكآلة ///
خآصة أن شُغلهُم مثل شُغل الوكآلة .
أحيآنآ :
الوكآلآت شُغلها أزفت وأكثر نصب وغش .

وأن أبيت وأصريت على الوكآلآت .
فعندك التوكيلآت العآلمية { كآنو أحس الوكلاء }
وأصبحو من السيء جدآ .
يعطوك الشمس بيمينك والقمر بيسآرك وقت الشراء .
وبعد ما تسلمهُم الدرآهم { الدنآنير } يسحبو عليك .
التوكيلات بطريق القشلة { القآعدة الجوية / الميناء } .
أو اللي بالعقربية ورى الرآشد بالضبط .




موفـق
وتلقى خير بأذن الله




""" و الله ُ أعـــلـم وأكــمـــل """




تـــآبــع دروســي لـلـفـآئـدة
فأنا أُلفها وأجمعها لك بلا كلل أو ملل :


كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714)
هـذا تحــت رآبــط
دروسي جـمعـُه الـمـهندس
ســــــُوبـر فتك VTC جزآه الله خير
أُهـــديــــه لـكـــُـم جـمـيـعــآ خآصة :
دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)
أخي :
أن تـرى أني
قـد أفـدتــُـك بــشيء ذي مـعـنى ... :)
وأستحق مـــــنــــــك دعوة صالحة
فــــــــــــــــــلا تــنــــــــــــــســآني :no2:
مـــــن صــــــآلـح دُعــــآك
فأنت كريمٌ وأنا أستآهل .
:burnout2:
تـحـيـــآتي
بــلا حـدود .
<<< أبـو عـبـد الـرحـمـن >>>
""" الأصـيـل الـحـجـآزي """

[الماجد1]

الحمد لله علئ السلامه ومعوض خير أن شاء الله
خذ بنصيحة المشرف ((( أصيل حجآزي )))

[مجالس الرجال]

السمكرة بالكبوت مستحيل تضبط لأنه مجرد تصك
الكبوت بقوة يتشطب المعجون
ومن الخطأ تسمكر ٢٠١٢

[بن عويشير]

الأكثر يقول ورش طيب وش افضل ورشه بالدمام سمعت عن البحير والتقوي وش رايكم

[بن عويشير]

للرفع ........................

[سوبرمان]

أخي الكريم
السلام عليكم ورحمة الله وبركاته
أولا : الحمد لله على السلامة .
ثانياً : مادام سألت عن الدمام فأنا عندي لك ورشة بإذن الله ترجع السيارة وكالة بمعنى جديدة ( للمعلومية الناس مغترين كثير بالوكالات ومن تجربة سابقة الوكالات ماوراهم إلا النهب والشغل الرديء ) .
أما عن الورشة فهي ورشة القارات بالدمام المنطقة الصناعية خلف سهم من جهة الشرق ونتمنى لك التوفيق .

[هاوي قديم]

الافضليه انك تشتري من التشليح نفس اللون فك تركيب اذا حصلت

اما الورش الي تمدحها الناس وبين من شغلها عندك ورشة احمد المعيوف (اشراف امين مقداد) مبدع وعنده ضمير شغله وصبغ زي الوكاله

والورشة الثانيه باسمير بصناعيه الدمام