استفسار عن كلب الحراسه المناسب وياليت تفيدوني؟

[قنا النفود]

السلام عليكم اب منكم وش الانسب لحمايه البستان فيه الدواجن والغنم والمناسب الكلب ﻷحراسه وماياكل الدواجن الغنم حيث اني حطيت كلاب عاديه وكلت الدجاج والحمام وكسر علي الشجر

[نشمي911]

البوليس والا الجعري بس خذلك جرو وربه على يدك وخل اكله كله لا يكون فيه دم علشان ما ياكل حلالك واتمنا اني افدتك بالي استطيع

[خطف الروقي]

السلام عليكم
اخوي بلئ بلوسي بلئ خرابيط انشدني انا
انا بنفسي مجربها ومسويها بس الوالد ذبحه بالمسدس .
جبتلي جعري صغير جرو صغير بالمره بالمره
وكنت حاطه عند الابل واشربه حليب اباعر واحيانن اجي بليل واشربه حليب سعوديه
وانظفه واغسله بالفيري . يعني بأختصار مهتم فيه .
ومسميه غضب .
كل مادخل المخيم اناديه غضب ويجيني
صار عمره تقريبآ ثلاث شهور
واخلي اخواني الصغار يجون وينادونه غضب وذا راح لخواني اخلي اخواني يضربونه واخليه يجيني واعطيه قطعة لحمه مشويه
عشان مايتعود علئ غيري اخليه مايعرف الا انا .
واستمريت علئ الموال هذا اسبوع اجيب اخواني وينادونه ويضربونه وصار يجيني .
واعطيه قطعة لحمه . بعد كذا اخلي اخواني ينادونه معد صار يجيهم .
صار عمره ٤ شهور واخذته وقطعت اذانيه وحمستها مع زيت عافيه وخليته ياكلها وحطيته بوسط عشته اسبوعين مايشوف الشمس .
اجيه باليل اعطيه اكل ومويه بس
بعد اسبوعين فكيته بالمخيم يتمشئ .
واقسم بالله ثم اقسم بالله طلع اللعن من البوليسي مليون الف درجه
لدرجة انه بغئ ياكل اخواني الصغار .

وذاك اليوم جاء الشايب عند الابل بيشوف الابل ونزل الشايب بيطعم الابل ونقز عليه الكلب بغئ يقطعه تقطيع فكه ربي وضربه بعضا كسر وجهه . وجاء اليوم الثاني الشايب ورماه بالبندق ولا علمني .
وجيت بعد فتره حصلته ميت بالمخيم .
اتمنئ انك استفدت ونا اخوك والعذر والسموحه علئ الاطاله .

[abaady]

اخوي الروقي
كلامك سليم لاكن لي نظر فيه
بالنسبة للجعار هي من احسن حيوانات الحراسة
لاكن اذا كبر يقلب على الحلال و صاحبه و يتنكر
و الشئ الثاني موضوع قطع الاذن و تشويطها و تكله الكلب
كلها من الجهل و العادات القديمة الجاهلية
هذي حيوانات لها علينا حق و بنتحاسب عليها يوم الدين
و تعذيبها عشان توحش ما يجوز شرعاً
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بالنسبة للسؤال الأخ قنا النفود
انصحك تاخذ لك كلب جيرمان شيبرد او دوبر مان
هذي كلبين من افضل كلاب الحراسة في العالم
و تستخدمها الحكومات في الحراسة و الكشف عن المخدرات
و اعتقد لو كانت الجعار احسن كان الحكومة اخذتها بدل الكلاب
خذ لك جرو من يومه حتى لو تدفع من جيبك عليه ( ذنبه على راعيه )
انصحك تفتح منتدى تو زو بيفيدك كثير في هذا المجال
صدقني اقل شئ 10 سنوات و انت مرتاح من الحرامية و السرقة

سامحني اذا فيه قصور او خطأ

[ابو ثآمر]

وين المشرف .....

؟؟؟؟؟؟؟؟؟؟؟؟؟؟؟؟؟

[رفيق الأمل]

وعليكم السلام
اخي الكريم الخيمة مخصصة للسلقان ولا يقبل طرح مواضيع خارج تخصص الخمية لذا اسمح لي بأغلاق الموضوع