طلب مساعدة في شراء ساكتون .. وفقكم الله

[jabnet]

السلام عليكم ورحمة الله وبركاته
كل عام وأنتم بخير وتقبل الله منا ومنكم صالح الأعمال
أبيكم تساعدوني في شراء ساكتون تكون خفيفة جدا في وزنها وقوية وثابتة في رميها وهدفي منها تعليم وتسلية .
أنا رحت لبن حميد في جدة وحصلت عنده ديانا لكنها ثقيلة ورحت للرماية ما يبيع الا في الرياض ويقولون الجامو خفيفة وثابته .
السؤال :
أبي أعرف المناسب لي من حيث الخفة في الوزن والقوة والثبات في الرمي ويفضل القامو ؟
كيفية الشراء من الرماية في الرياض بالنسبة لأهل المناطق الأخرى لأني وجدت ناس يقولون شرينا من الرماية وتوصلنا في يوم كذا ..

ولا تنسون صيام ستة من شوال وفقني الله وإياكم للطاعات

[ذاكرة الغيم]

وعليكم السلام ورحمة الله

اعتقد الخفة والقوة ما تجتمع
ولكن خذلك ديانا مقاس صغير 21
ما تودي مسافات ولكن خفيفة ورميها طيب

[زمان السكوت]

وعليكم السلام ورحمة الله وبركاته

كل عام انتم بخير بالنسبه اخوي للساكتون انصحك وانا اخوك بالفايروخ ٢٧او ٣٥

خذها من الرميح الي بالرياض والا الزلفي والا بريده بالتوفيق

[ستيفنزالقصيم]

أنصحك بأخذ من الرماية فيبر قمة في الخف ومتعة في الصيد وقوة في الاداء! راح تدعيلي من خفة البندق

[jabnet]

مشكورين وما قصرتوا .. وأسأل الله أن يرزقكم من حيث لا تحتسبون

[xsxs90]

كلام سليم ودي اعرف كيف نشتري من الرياض واحنا بجدة

[بواردي الدلم]

خذ جامو شادو ١٠٠٠ وإذا ما جازت لك حط الفشقه في عيني

حسب صيدك خذ مقاس الفشق ٤.٥ او٥.٥

وركب عليها دربيل

وفالك الشحم

[شغب007]

وعليكم السلام ورحمة الله وبركاته

كل عام انتم بخير بالنسبه اخوي للساكتون انصحك وانا اخوك بالفايروخ 27او 35

خذها من الرميح الي بالرياض والا الزلفي والا بريده بالتوفيق

جابك الله الرميح الي في بريدة وين مكانه بالضبط الله يسعدك وهل لهم رقم اتصال؟

[abu-turki2009]

فرع الرميح ببريده بالجرده مقابل سوق السلاح

[مكشاتي 33]

هلا اخووي

مالك الا 25 او 27 فايروخ

[jabnet]

جزاكم الله خيرا

[تربة الشمال]

جزاكم الله خير وبارك الله فيك

[هزاع المطيري]

انصحك يالغالي بالديانا 27 أو الفايروخ 30
كلهن مثل القوه والسرعه ولاكن الفايروخ اخف بشـوي ( مجربهن كلهن )
اما الاسأباني ما يكد معك ونا خووك وخراباته كثيره
ولاكنه يتميز بحاجه وحده فقـط ( الخفه في الوزن ) لاكن السلاح الخفيف
فقط لا ينفع , فأنصحك انك تبتعد عنه وخذلك الماني احسلك ويدك معك
لو تبي 30 سنه قدام وهذا شي معروف عن الاماني
والله يوفقك دنيا وآخره انشاء الله

[ابوحسام9]

اخوي حسب حاجتك لاكن اذا تبي للدخل والفري والقميري القريب خذلك مقاس 27 او30 فايروخ خفة بالوزن دقة بالاصابة متانة بالصناعة
ولاكن اخوي اذا شريتها اشتر معاها دربيل وبلي وقواعد للدربيل اصلي
وشتر قطع غيار لها مثل الجلبة الداخلية والسسته (السبرنق)
وراح تدعيلي وايضا سهلة الصيانة تخدم معاك سنين عديدة

[مطر وسم]

تبي الخفه خذلك مقاس 21 ديانا فيبر اسود من شركة صاب خفيفه مره وقويه قسم بالله العظيم طارح فيها 7 قميريات و5 صفار في صيد السنه اللي راحت ولا زالت موجوده معي

تحياتي لك