استفسار : هل طيور التفريخ تنفع

[j.b.k]

هل طيور التفريخ تنفع ولا لا ... مثلا الشاهين من شاهين


....................................
تم تعديل العنوان
من
الفزعه
الى
استفسار هل طيور التفريخ تنفع
.........................
(هزاع)









.

[ابن نزهان]

فيها الطيب الي علومه تسر الخاطر وفيها الردي محشومين وجيه الرجال
وأهل الخبره أخبر مني بالشي هذا ومراح يقصرون معك بالإفاده
وتقبل مني المداخله البسيطه والله يرزقك بالطيب الي يسرك

[وعيلان]

شف يا غالي التفاريخ ترجع ل حسب مزرعتها

في مزاراع طيبه مثل ساره و فالكون سنتر وغيرها من المزراع الطيبه القليل وفيه مزارع لو يعرض علي بريال ما شريته تلقاها بلى شكل . تاكد من اسم المزرعه اول واذا طلعت من المزارع الي معروفه بطيب طيورها فما فيه شي يردك كانك هاوي الطيره نفسها . لكن لازم تعرف ان التفاريخ يبي لها عنايه خاصه ماهي مثل الاصايل
لا من ناحية وزنتها ولا مكانها الا هي فيه والله يوفقك

[القحيدي]

عليك بالمزارع الطيبة !!!! واهم شيء يكون مطير ( هاك ) ماهوب انتاج قفص
وتفعل فعل طيب ولاهي بهيينة

[راعي الشاغوفه]

عليك بمزرعة فالكون ميوز..اللي هي طيور بدر المحارب

تراهي زينه وقبل عامين ماخذ منها فرخ جير شيهانه..

طوره طيبه

[ابو عضيله]

فيه طيور تفريخ مهجنه اثبتت وجودها وانتاج المزارع يختلف من مزرعه الى أخرى

[333]

اهم شي تاكد انه صامل يرتفع ويعرف ياقع زين لن بعض حقات المزارع شكل احسها فعل ماش

[بو_غانم]

هلابك اخوي

تنفع ليش ماتنفع، واغلبها افضل من الوحوش فالسبق والصيد.

تحياتي لك.

[333]

في بعض المزارع مشهود لها بالانتاج الافضل وتنفع

[j.b.k]

يعطيكم العافية على الرود... بس لو خيروكم بين شاهين وحش لو شاهين تفريخ وش تختارون؟؟

[عاذي]

تبي لها صاحب خبرة .

[مربي الصقور]

كلام (عاذي) صحيح

[القطري 999]

تنفع وهي اسبق من الوحش لكن يبيلها صقار درجة اولى

[المضياني1]

انا اضم صووتي مع اخواني الاعضاء ,, التفريخ اسرع وافضل ويحتاج الي صقار درجه اولى .لكن اهم شيء ارتفاع الطير,,

[Abu m7md1]

السلام عليكم ولرحمة الله وبركاته
أما بنسبه لطيور التفريخ تنفع أو ماتنفع. أتكلم عن نفسي من تجربه فقول : تفعل فعل مايفعله الوحوش طيور التفريخ بس لابد من معرفة النقاط التاليه:
1ـ سلالة الأبوين وقوتهم في الصيد وهذي من الصعب لي ولك معرفتها وتنحجز بيض من صاحب أي مزرعه تفريخ عنده زوج قوي منتج .
2 ـ أذا شريتلك فرخ من السوق فأنت وأرادة الله بعضها يبسطك والبعض يكرهك نفسك
أما غشيم فأنت الطبيعه له تعلمه على الصيد وطرق تذكية الفريسه
3ـ أو طيرمايرتفع طبعا يحتاج طياره أو تشتغله بالحمام المقطب العينين
وكثير منها ينجح وكثير لاتنجح معه هذه الحيل .
الحل أذا لم يكن عندك متسع من الوقت خذ مشروط جير شاهين :good2: وأدعيلي
وبالتوفيق : أخوك أبو محمد .

[mr.silver]

قالوها لك يبيلها صقار درجه اولى



تحياتي لك

[VT 4800]

تنفع وفي طيور افضل من الوحوش اهم شي الصقاره

[j.b.k]

يعطيكم العافية

[الزعـبي]

يعطيكم العافية على الرود... بس لو خيروكم بين شاهين وحش لو شاهين تفريخ وش تختارون؟؟

اعتقد ان 99.99٪ من الصقاقير سيختارون الشاهين الوحش بدون اي تردد

[طبيب المواتر]

السلام عليكم ورحمة الله وبركاته



وجهة نظر:



التفريخ يختلف من مزرعة لمزرعة , البعض منها تحاول أن يعيش في الطبيعة لفترة طويلة والبعض داخل هك , وألان تم معالجة أكثر عيوب التفريخ مثل الكفوف, ريش الطير , الارتفاع .



وفي النهاية كل صقار ورغبة .

تقبلوا مروري

[معاد يمديك]

افادووك اخوان شما بيض الله وجيهم

ارجوو تقبل تحياتي لك

[عساها تساهيل]

ماقصرم الاخوان بيض الله وجيههم

[mawkli007]

مشكور علئ الموضوع الجميل×