جاك الموسم ياولد .. محتـاج النصيحه في شراء جيب

[سقم المعادي 1]

السلام عليكم


وش حالكم يالربع طيبين


ماعاد بقى على الوسم شيء و إلى الآن مالقيت لي موتر

المشكله اني ماعرف اسوق عادي (ياعيباه) :D

ميزانيتي بالضبط 35 الف و كل المواتر اللي تستاهل بهالقيمه قير عادي .. ودي اجرب القير العادي لأني كنت اسوقه اول بس ماطول معي الموتر ولا سبق اني جربته في نفود وغيره و اخاف اخذ لي قير عادي و ابلش عاد ههههه :p

ابي موتر مايخرش الميه تحطه على يمناك لو طلبته الحميه جتك العطيه :D

كان معي جيب شروكي 2001 الله لا يعيده من موتر عشان كذا ماعندي استعداد اشتري موتر بنفس رداءة و ثقل طينه الشروكي

الخيارات كانت نيسان باترول ربع

او شفر بليزر 2003 وحواليها مع اني ما اميل له ابد بس عشانه تماتيك

وش رايكم اتوكل على الله و اخذ لي نيسان ربع و اتعلم على العادي و اغدي مع الرياجيل :D

ولا فيه خيارات افضل عطونا منها لا هنتم

[ماء نوفا]

ههههههه حلوه وغدي مع الرجاجيل
اشور عليك باث فندر3500 قير عادي على قد فلوسك

[راعي الرود]

فر من الباثفندر فرارك من الاسد تراه مهب بعيد عن الشروكي في الاعطال

خذ باترول ربع قير عادي و تعلم عليه في الديره ترا مايبي له شيء ولا تستصعبه كلنا تعلمنا عليه ما انولدنا نعرف له

عليك بواحد 2003 ربع لونه اشهب عز الطلب ولا تاخذ مبيعات حكومه حتى لو ممشاها قليل لا يغريك الممشى الـ50 الف بسياره حكوميه عن 300 الف مع مستخدم الا ما ندر طبعاً

[سقم المعادي 1]

ههههههه حلوه وغدي مع الرجاجيل
اشور عليك باث فندر3500 قير عادي على قد فلوسك

طيب كم الموديل اللي اخذه ؟ وهل هو اعتمادي تكفى يالوجه الطيب مابي موتر يغثني تراني منغث من الشروكي إلى ماقلت آمين و دعيت على اللي نصحني فيه والله اني لا دقيت سلفه ابي بقاله ولا مشوار في الديره اخاف يتعطل علي لأنه كم مرتن سواها بي ولا جيت اكشت عليه اخذ معي قطع غيار تحسباً لأي طارىء و اكشت وانا مانيب مرتاح اخاف يطفى ولا يستهبل علي لين مابعته الله لا يرده

[ماء نوفا]

من موديل 2003/2005 موتر نشيط وقوي افضل من الباترول ومجرب

[سقم المعادي 1]

فر من الباثفندر فرارك من الاسد تراه مهب بعيد عن الشروكي في الاعطال

خذ باترول ربع قير عادي و تعلم عليه في الديره ترا مايبي له شيء ولا تستصعبه كلنا تعلمنا عليه ما انولدنا نعرف له

عليك بواحد 2003 ربع لونه اشهب عز الطلب ولا تاخذ مبيعات حكومه حتى لو ممشاها قليل لا يغريك الممشى الـ50 الف بسياره حكوميه عن 300 الف مع مستخدم الا ما ندر طبعاً


هذا اللي مانبـيه :p

انا عارف ان السيارات معرضه للاعطال لكن فيه سيارات عباره عن اعطال و اخطاء مصنعيه و جوده من جنبها

يعني مانــي من اللي يدق سلف ويمشي بالعكس الشيروكي شريته بـ18 و خسرت عليه مايقارب 9 الآف ريـال تجديد من إلــى يوم خلـصت من تجديـده طقت مكينتـه و عقبـها القــير و عقبهــا حساس الكرنــك و عقبها بدأ يخلط ماء وانا اغير القطعه قبــل خرابها و سوا بي هالسواه ولو فيه خير ماعافه الطيـر والله اني واقـف بالمعارض يالله يالله لقيت لي شــراي كل من مـر جنبه طق حولـه :p

على فــلوسي ماتـوقع اقدر على باترول 2003 ؟؟

لأني لاقي باترول موديله 99 ماشي 220 الف كان للدفاع المدنــي و حاده راعيه بـ 34 وهذا وهو مرشـوش كامل تخيـل

طيــب وش الفروقــات بالباتـرول ربـع بين الـ99 و الـ2003 ؟ وهل يجــي فيهـا تانكيــين و دفـلوك ؟

و إلى الآن متـردد على سـالفه القيـر عادي اخاف اشتريه و انكـب فيه بالنفـود ولا في الديـره مافيه مشاكـل كد سقـته قبـل

[المتلولس]

انصحك تاخذ الباثفندر قير تماتيك تلقى ٢٠٠٣ او٢٠٠٤ بالقيمة اللي معك وهو موتر نشيط وزين بر وديره

[مدهوش]

من قال انه الباثفايندر افضل من الباترول الحقيقة انه جنب الصواب وضرب خريمه مع إحترامي وش جاب الثراء للثريا

إذا انت ما استخدمت الباترول ارجوا انك ما تقارنه مع الباثفايندر وإذا انت مجربة وتقارنه مع الباث فعندك مشكلة وحاول تحلها لان الرجال طلب مشورتك واللي يطلب مشورتك يدخل في ذمتك فكن حذر ! مافي احد يقارن الإثنين ويمكن تحصل واحد مثلك لكن 2 من كل 100 شخص وهذي ليست قاعده بتاتآ والمثل يقول الموت مع الجماعه رحمة ومثل ثاني يقول حدث العاقل بما يفهم .

اخي صاحب الموضوع لكلآ وجهه نظر وكان الله بعونك احد بيقولك الموتر المناسب لك (كاديلاك مخزنه) واحد بيقولك (جيب ربع) لكن دريهماتك يا حلالي تبي لها جلسه صفاء وتخطيط .

خذ لك موتر صبور ويتحمل وماضي له من افعاله ما يطيب فاله وارشح لك (باترول ربع) والله يسهل امرنا وامرك

[sgl2002]

انحش عن الباث فندر والله ان تعوفه واول مشاكله الحرارة


اذا تبي موتر يكد ولايوقف عليك بالباترول الربع وفلوسك تجيب لك مديل ٩٧ نظيف او ٩٨ او ٩٩

انا كل مواتري باترول والله لو تشوف وش انا اسوي به ان تنهبل ومع ذلك ماشاء الله مايوقف

وفوق كذا اعطاله كلن يعرف يصلحها

دور لك باترول وصدقني ماعاد بتفكه

[abo naser 1]

السلام عليكم

سبق جربت التويوتا و الشيروكي أنصحك بالباترول بعد تجربته سنوات عديدة وكثير من الموديلات من 90 وطالع الباترول اذا نظيف ومصيون بتوفيق الله مايطلب ابدا ويشيل خرابة يعطيك انذار شهر شهرين يمشي ويطرب وراسي ومريح وكلاً يعرف له وعزمة وسط لأكن مايوقف قوة في الدبل والدفرنسات والقير عجيبة تفصل الدبل تشبكة تلعب فيه تمشي بالثقيل 100وزود في النفود مايضرة
من 2001 جا محرك 4500 كربريتر نشيطة وانصحك بقير عادي مايصلح تماتيك غير الفتك اما 4500 - 4200 قيرعادي فقط

اما الباث كل شي فيه ممتاز وذف خفيف عزم قوة قير دبل دفرنس لآكن مكينة فاشلة مشاكلها كثيرة لا تنتهي ولا تامنه ولا يعرفون له الا القليل ممتاز مكينة 3000 من 2002 ونازل عملي بالنسبة للمحرك معنا 2001 مشا 550 الف ماشتكينا لا حرارة ولا نقص ولا مشاكل

زميل لي فاكه وكالة 2004 ومحافظ ولا يجيه بر ولا سرعة مع ذلك نقص علبتين وهو توه في التمرين 5 سنوات ممشى 150000الف ثم بداْ مشاكل الحرارة وأعرف الكثير نفس المشاكل عانو منها

قبل يومان احد الزملاء معه 2003 نظيف وطقت حرارته وهو جاي يعيد علينا

[سرطوقا]

حياك الله

ربع تويوتا من 92 وطالع

او ربع نيسان

انا افضل الخيار الاول وبالله التوفيق

[بدوي جنوبي]

فر من الباثفندر فرارك من الاسد تراه مهب بعيد عن الشروكي في الاعطال





افااااا والله عندنا واحد موديل 2001 ماشي الان حول 600 الف وما انفكت مكينته
وكلن يسوقه وبسم الله عليه تمام

لكن ما نبخل عليه بالصيانه :good2:

[مدهوش]

صحيح يا بدوي جنوبي ما يخرب عليكم لأنكم تسبقونه بعمليات الصيانة وهذا طبيعي لو معك لادا روسيه بتكد معك دون ادنى شك .

[sgl2002]

افااااا والله عندنا واحد موديل 2001 ماشي الان حول 600 الف وما انفكت مكينته
وكلن يسوقه وبسم الله عليه تمام

لكن ما نبخل عليه بالصيانه :good2:

المشكلة في المديلات من 2003 وفوق المكينة الجديده

[راعي الرود]

افااااا والله عندنا واحد موديل 2001 ماشي الان حول 600 الف وما انفكت مكينته
وكلن يسوقه وبسم الله عليه تمام

لكن ما نبخل عليه بالصيانه :good2:

الباث 3.0 كان اصبر من الـ3.5 لكن الناس انطربت على المكينه لأنها نشيطه لكن كثره الاعطال كانت ضريبه النشاط ..

انا معي التيما 6 سلندر و المعروف ان مكينتها من نفس عائله مكينه الباثفندر و الماكسيما و الزد 35 اللي يسمونها عائله VQ و على انها تفوز في جوائز عديده و على مدى 12 سنه لكن عندنا بالسعوديه اشوف انها فشلت في بعض النواحي و منها العمل في ظروف درجات الحراره العاليه !

المشكله بالـVQ وخاصه جيل الـ3.5 منه نقص الزيت وانا اعاني منها بالالتيما السته سلندر بينما الاربعه سلندر تمشي زي الحلاوه و كذلك الباث معروف ومشهور بنقص الزيت و بعض الشباب اللي اعرفهم يعانون منه

لكن مقابل العيوب هذي مكائن VQ كل ما دست لها قالت هات ماشاء الله فيهن نشاط الحصان اضربه بعشره

بالنهايه كلامي ماهو مبني على دراسات و غيره انا اذكر اللي انا اشوفه و مشورتي انا مُحاسب عليها

الباث لا يقربك عليك بعطي الله لا زهمته قال لك سم

اغلب الدوائر الحكوميه تستعمل الباترول ربع و ينحك حك يسوقه عشرات ويمكن مئات الموظفين ولا به خلاف

[بحر الاشواق]

وش رايك بالمتسوبيشي ناتيفا
تجيبه من الكويت اخو الجديد بأقل من 30 الف قير اوتو

[سفآري ربع]

السلآم عليكم جميعآ

والله وانا اخوك وضعي ماهو بعيد عن وضعك بس انت قد ملكت موتر

وانا لاوالله ماقدر شريت موتر نهائيا بس اني اعرف المواتر الزينه

وصار ان الله رزقني بحلال من عنده ونحمدالله على كل شي (راح نص العمر بالمقناص)ههههه

وتوكلت على الله وطقيت لي باترول ربع 2003 فل كامل خليجي الله لايضره

والحمدلله على ماعطانا وصار مقناصي على الواقف هههههه من خوفنا عليه من المحاجر

شوفه في التوقيع (اعتذر من صاحب الموتر) موتري اخوه ولايفرق عنه بشي ابد

وانصحك بالباترول ماشاءالله تبارك الرحمن تبي اي ديره دق سلف وتوكل على الله

بس عليك ان تزيد شوي المبلغ اذا تبي النظيف اللي مايقول هنا حدي ههههه

واعتذر من الجميع على الاطاله

(سيتم ازالت الصوره بعد 24 ساعه)

[ابونبيل]

ارشح لك ربع باترول او ددسن دبل وترا مافي فرق كبير من ناحية العزم بينهم لكن بالنفود يتفوق الباترول و بالطريق هم سواء والددسن جيد من ناحية الحوض وسعره المناسب جداً

[ماء نوفا]

من قال انه الباثفايندر افضل من الباترول الحقيقة انه جنب الصواب وضرب خريمه مع إحترامي وش جاب الثراء للثريا

إذا انت ما استخدمت الباترول ارجوا انك ما تقارنه مع الباثفايندر وإذا انت مجربة وتقارنه مع الباث فعندك مشكلة وحاول تحلها لان الرجال طلب مشورتك واللي يطلب مشورتك يدخل في ذمتك فكن حذر ! مافي احد يقارن الإثنين ويمكن تحصل واحد مثلك لكن 2 من كل 100 شخص وهذي ليست قاعده بتاتآ والمثل يقول الموت مع الجماعه رحمة ومثل ثاني يقول حدث العاقل بما يفهم .

اخي صاحب الموضوع لكلآ وجهه نظر وكان الله بعونك احد بيقولك الموتر المناسب لك (كاديلاك مخزنه) واحد بيقولك (جيب ربع) لكن دريهماتك يا حلالي تبي لها جلسه صفاء وتخطيط .

خذ لك موتر صبور ويتحمل وماضي له من افعاله ما يطيب فاله وارشح لك (باترول ربع) والله يسهل امرنا وامرك

اكيد افضل الباث من ناحيه العزم ولا فيه مقارنه بينهم من نفس الموديل
وكل واحد يتكلم بعرفه

[صاحب بوعبود]

السلام عليكم ورحمة الله وبركاته: انصحك لندكروزر من موديل ٩٣-٩٥. اعطاله قليله وعملي بنفس الوقت.

[ماجنووم]

الله يرزقك الموتر اللي يبيض وجهك

[سقم المعادي 1]

السلآم عليكم جميعآ

والله وانا اخوك وضعي ماهو بعيد عن وضعك بس انت قد ملكت موتر

وانا لاوالله ماقدر شريت موتر نهائيا بس اني اعرف المواتر الزينه

وصار ان الله رزقني بحلال من عنده ونحمدالله على كل شي (راح نص العمر بالمقناص)ههههه

وتوكلت على الله وطقيت لي باترول ربع 2003 فل كامل خليجي الله لايضره

والحمدلله على ماعطانا وصار مقناصي على الواقف هههههه من خوفنا عليه من المحاجر

شوفه في التوقيع (اعتذر من صاحب الموتر) موتري اخوه ولايفرق عنه بشي ابد

وانصحك بالباترول ماشاءالله تبارك الرحمن تبي اي ديره دق سلف وتوكل على الله

بس عليك ان تزيد شوي المبلغ اذا تبي النظيف اللي مايقول هنا حدي ههههه

واعتذر من الجميع على الاطاله

(سيتم ازالت الصوره بعد 24 ساعه)


ماشاء الله تبارك الرحمن

الله يطعمك خيره ويكفيك شره و الله يرزقنا وياك من واسع فضله

امس كنت بالمعارض و شفت لي كم ربع باترول بس الاغلب منهن سلق

هل يجي من الربع نوع غير الـS ؟

انا ان شاء الله اني جزمت على الباترول ربع بس هل يجي منه تانكيين ياشباب ؟

و دفلوك ؟

والافضل وش اخذ كلبريتر ولا بخاخ ؟

مع اني اميل للبخاخ اكثر من الكلبريتر وش الشور ؟


و الف شكر لجميع الاخوان اللي ردو و شارو علي جميعهم و الله يجزاكم خير

[قنيص تبوك]

اخوي انصحك با هايلكس 2007غمارتين دبل او باثندر 2004بس نصيحتي لك با الهايلكس دبل اوددسن دبل غمارتين

[الحربي حاتم]

الله يرزقنا ويرزقك

[سفآري ربع]

اللهم آمين ويرزقك بالموتر اللي يبيض وجهك

هل يجي من الربع نوع غير الـS ؟

اي نعم يجي غير الS الباترول اللي معي SGL

انا ان شاء الله اني جزمت على الباترول ربع بس هل يجي منه تانكيين ياشباب ؟

لآوانا اخوك ماقد شفت باترول ربع تاكيين يمكن يرهمون له والله مدري

الباترول اللي 2003 كربريتر ومن بعده جاك البخاخ

بدون دفلوك

والافضل وش اخذ كلبريتر ولا بخاخ ؟

والله ياغالي ولله الحمد انا اشوف انه احسن من البخاخ

لان ال2005 و2006 اكثرها ماتجيب طبلونها

ولله الحمد اسدح ابو ال 200 والله لايضره نشيط ماشاءالله تبارك الله

وموفق خير وانا خوك