المساعد الشخصي الرقمي

مشاهدة النسخة كاملة : يابو غلا لاجيت اهاك الأماكن......


خالد الوقيت
14/08/2013, 02:11 AM
كل عام وأنتم بخير






يابوغلا لاجيت هاك الاماكن
..........اقر السلام ورحمة الله عليها

من تذرع اللي بايسر الجو راكن
........الى الهضاب الحمر واللي يليها

سلام قلب وسطه الحب ساكن
...........دارت دواليب الزمن ما نسيها

مداهلي يوم الزمان ( متماكن)
..........و انا اخلي كل شغلي واجيها


في قورها شيدت ليه مساكن
...........ارتاح لا مني تواجدت فيها

واليوم صار الجو قاتم و داكن
............حتى الرفاقه همها مقتفيها

ودي اجافيها مدى العمر لكن
........... وشلون ابجبر خافق مهتويها

.
خي م طاع الله
14/08/2013, 03:44 AM
وانت بالف خير

ودي اجافيها مدى العمر لكن = وشلون ابجبر خافق مهتويها

صح لسانك ياخالد واعتلا شانك
علي الثاني
14/08/2013, 04:23 PM
الله يجبر خاطرن فية حاكن
روابع من شان حظه لقيها.
روابع على الاماكن تباكن
يوم انها زينة وكلن يبيها.
واليوم مماحل فيها تشاكن
شماتتن راع الوفاء مارضيها.
يااماكنن حياتنا من هواكن
محارم من العداء نحتميها.
لو ابتعدنا عاش معنا غلاكن
وباموالنا وارواحنا نفتديها.
واللي يقولون احسن الله عزاكن
باللي يبيع الدار لمشتريها.
اما البعيد اللي عيونة وراكن
ترعاكن عيونة وقلبة نزيها.
علي الثاني
ريف النشاما
15/08/2013, 01:12 AM
صح لسانك وسلم بنانك اخي خالد

كل عام وانت بخير وعيدك مبارك وعيد الاعضاء الكرام وكل عام وانتم بخير
النبهاني
16/08/2013, 01:07 PM
صح لسانك واعتلا شانك
وكل عام وانت بالف خير
وبيض الله وجهك ياخالد
نفود حلوان
07/10/2013, 10:12 PM
تسلم ياخالد الوقيت
محمد الظاهري
08/10/2013, 02:37 AM
صح لسانك ياغالي
وابيات جزله من شاعر جزل
تحياتي وودي
E F I 2700
08/10/2013, 07:28 AM
صح لساانكك
Baderqahtani5
11/10/2013, 04:26 PM
صح لسانك واعتلا شانك
نديم المجره
13/10/2013, 10:53 AM
صح لسانك
لم اجد خالد الوقيت في هذه القصيده
الله يسعدك
تحياتي
غيث داورد
13/10/2013, 10:12 PM
كل عام وانت بخير وعيدك مبارك
صح لسانك ياخالد وبيض الله وجهك
vipf114
15/10/2013, 04:12 AM
صح لسانك ياخالد واعتلا شانك
خالد الوقيت
16/10/2013, 07:15 PM
اشكر الجميع على مرورهم وتشريفهم
والمعذرة على تأخر الرد لانقطاعي الفترة السابقة
وكل عام وانتم بأحسن حال