ياربع شوفولي حل انا توني مبتدي بالطيور

[هــــباش]

السلام عليكم ورحمه الله وبركاته
كيف الحال أي عضو مسجل هنا ؟

ياربع انا عندي طير شيهانه جتني هديه كلما حطيتها علي يدي قامت تصايح وتكافخ

وهددها مو مضبووط
ما ادري ضعف ولا وش السالفه
وتراني مشندر الطيره



ويعطيكم العافيه

[العبرود 502]

السلام مرحبابك بك ياهباش
كثرة النقل والتدهيل وانااخوك تقلل من وحاشة الطير يعني حاول فاليوم تنقلها على يدك اكثر وقت تستطيعه وانت بين ربعك فالمجلس الطير على يدك يبدا يتعود على الصوت وعلى اللجة والناس وإذا كفخت شد سبقها يصير الوضع طبيعي وحاول ماتفك برقعها اللي وهي على يدك وبكذا كم يوم وخلاص تنتهي المشكله واتمنى لك التوفيق 0 أخوك العبرود 502

[هــــباش]

ابشر وبمشي على نصيحتك ويعطيك الف عافيه على والله لايهينك

بس هددها مهب مضبوووط مدري والله وش المشكله انا اتوقع ضعف فيها
ولا وش رايك



والله لايهينك

[نشنوش]

ابشر بالشقا ياخوي هباش واذكر كلامي بعدين
اسال مجرب

[ابو عبـدالله]

لا تنفّر الرجال يخوي ..

ان شاء الله انه بيتعلم وبيصير افضل صقّار

عموماً اخوي ..

زي ما ذكر لك اخي العبرود . حاول انك تنقل الطير دايم وتدهله ..

وان شاء الله انها تبي تضبط وبتجي على الكيف ;)

ولا قامت تكافخ شد السبق الين تركد وخلها على يدك اطول فتره ممكنه ..

ولك مني ارق تحيه

ابو عبدالله