لاندكروزر يبي تشييك شبه كامل وش تنصحوني من الورش -الرياض-

[سحاب نجد راعي شقراء]

السلام عليكم ورحمه الله وبركاته

ياالغالين انا عندي لاند كروزر وبي اربطه وغير الربلات حقه المقصات وكراسي المكينه وبي اغيرالركب وطرمبه تانكي البنزيم الكبير لا تعمل وعلبه الدركسون فيها بلا يعني تشييك = انا في الرياض =

وش تنصحوني من الورش الي شغلهم زين وتكلفتهم معقوله انا قالي صديق رح للحربي في الصناعيه القديمه

وقالي صديق ثاني رح لورشه ابن نويصر في الصناعيه القديمه

ونا والله مااعرفهم كلهم وكان تعرفون احد تكفون علموني جزاكم الله بالجنه

[سيف وقلم]

بالنسبة للكشف وهذه الأمور, لا تأخذ العلم من ورشة واحدة, مر كذا ورشة وميزان,منها تسعر شغل اليد ومنها تعرف الخراب وإذا حصل إجماع على شئ معين توكل على الله, وبالنسبة للقطع عندك الضحيان يعطيك خصم أكثر من الوكالة, وفيها العمودي يمدحه واحد من الشباب.

[مدهوش]

بالرياض انا مافي معلوم
لكن من طلب شورك دخل ذمتك عندك بالقصيم بريدة ورشة الهبيش متخصص بهالأمور وشغل طيب بالحيل ويكفي خبرته الطويلة بالتربيط وتجديد الربلات والمقصات والأذرعه وغيرها من هالأمور ومتخصص بالجيوب التايوتا والنيسان فقط

طبعآ حسب كلام الربع من اللي يشتغلون بالرياض (بدون تحديد) من المقارنه يطيح تقريبآ 40% بالقيمة عند هالرجال والله اعلم

ولا لي مصلحه من مدحه لكن طلبت الشور وعطيتك العلم وسلامتك .

اذا لك رغبة بالتواصل مع الرجال دز لي رساله عالخاص

[سحاب نجد راعي شقراء]

بالنسبة للكشف وهذه الأمور, لا تأخذ العلم من ورشة واحدة, مر كذا ورشة وميزان,منها تسعر شغل اليد ومنها تعرف الخراب وإذا حصل إجماع على شئ معين توكل على الله, وبالنسبة للقطع عندك الضحيان يعطيك خصم أكثر من الوكالة, وفيها العمودي يمدحه واحد من الشباب.


ياجعل والديك للفردوس يالغالي

انا شايب ومافيني حيل ادورعلى الورش :D

[سحاب نجد راعي شقراء]

بالرياض انا مافي معلوم
لكن من طلب شورك دخل ذمتك عندك بالقصيم بريدة ورشة الهبيش متخصص بهالأمور وشغل طيب بالحيل ويكفي خبرته الطويلة بالتربيط وتجديد الربلات والمقصات والأذرعه وغيرها من هالأمور ومتخصص بالجيوب التايوتا والنيسان فقط

طبعآ حسب كلام الربع من اللي يشتغلون بالرياض (بدون تحديد) من المقارنه يطيح تقريبآ 40% بالقيمة عند هالرجال والله اعلم

ولا لي مصلحه من مدحه لكن طلبت الشور وعطيتك العلم وسلامتك .

اذا لك رغبة بالتواصل مع الرجال دز لي رساله عالخاص


هههههههههههه مافيه معلوم بس فيه قرقر ههههههههههههههههه تراي امزح معك :D

ياجعل ربي يحفظك من كل شر ويييييييين اجي للقصيم هذي يبيلها تخطيط ومغامره الين اصل

انا شايب وطايحات سنونه بعد هههههههه ومافيني شده ولا ظمه:D هههههههه اجي للقصيم

انا فيه يبغا في رياض وسيدا يروح ورشه مافي يمين مافي يسار:D

[سحاب نجد راعي شقراء]

السلام عليكم ورحمه الله وبركاته

ياالغالين انا عندي لاند كروزر وبي اربطه وغير الربلات حقه المقصات وكراسي المكينه وبي اغيرالركب وطرمبه تانكي البنزيم الكبير لا تعمل وعلبه الدركسون فيها بلا يعني تشييك = انا في الرياض =

وش تنصحوني من الورش الي شغلهم زين وتكلفتهم معقوله انا قالي صديق رح للحربي في الصناعيه القديمه

وقالي صديق ثاني رح لورشه ابن نويصر في الصناعيه القديمه

ونا والله مااعرفهم كلهم وكان تعرفون احد تكفون علموني جزاكم الله بالجنه


الي يعرف ورشه وشغلها زين في الرياض تكفون يفزعلي

[abo naser 1]

شف وانا أخوك رح للعضيب في الصناعية القديمة الي يفتح شمال غرب مقابل ميزان البلاد من الشمال
أخر الشهر اذا شفت الفلبن يتسدحون نيام او يقلب بجواله يصير الشغل زين والسعر طيب الله يرزق المسليمن
والأهم خلك فاهم وراعي سوق
انا مواتر كثيره أشتغلتها عندهم ميه الميه شغل وسعر اما عضيب الشرق والشمال دبلها في السعر
النويصر بيضرب ضرب حسب ما نسمع وكلهم واحد بس بيسوي انه تربيط وووو والشغله وحده
كذلك جانب العضيب ميزان المجد فيه باكستاني اسمه أسد جيد كان عند العضيب
اما الطرمبة والعلبة ما ادري يصلحونها اما لا

[سحاب نجد راعي شقراء]

شف وانا أخوك رح للعضيب في الصناعية القديمة الي يفتح شمال غرب مقابل ميزان البلاد من الشمال
الوقت المناسب قبل الراتب بثلاثة أيام اذا شفت الفلبن يتسدحون نيام او يقلب بجواله يصير الشغل زين والسعر طيب الله يرزق المسليمن
والأهم سو فاهم وراعي سوق عندهم سوداني او سوري منتفخ الظاهر انه من؟؟؟ اتفق معهم
انا مواتر كثيره أشتغلتها عندهم نيسان كل شي أغيره ببطن الموتر زينه وخربانه ما أدفع أكثر من 800 ريال شغل وعضيب الشرق والشمال أدبلها
النويصر بيضرب ضرب و ما جربته كذلك جانب العضيب ميزان المجد فيه باكستاني اسمه أسد كان عند العضيب


بيض الله وجهك يالغالي ورحم الله والديك

[Abukhaled-503]

يا عم بما انك كبير بالعمر عندي لك يمني سنتين معامله والله شغله مايعلا عليه ومن زود الميانة بيني وبينه اقعد احيانا اسبوعين الى ثلاثه مادفع له يقولي متى مابغيت ادفع ومكانه بورشة بالحمراء بالرياض انا مسافر الحين وجاي للرياض الاثنين الجاي واعطيك رقمة