المساعد الشخصي الرقمي

مشاهدة النسخة كاملة : فزعتكــــــــم فـــــي باتـــــــــرول 98


شاد الرحال
15/08/2013, 10:16 AM
السلام عليكم ورحمه الله وبركاته

الموضوع وما فيه الله يطول لي في عماركم

معي باترول 98 فل كامل قير اتوماتيك عليه مكينه 2009

حجمها 4500

اذا وقفت ترتفع الحراره الى النص

اذا مشيت تاصل حول الربع

واذا وقفت وانا مشغل المكيف تسمع زي الصوت

المكيف المثلج ولا فيه تبريد بالمكيف الا اذا مشيت

مع العلم اني مغير مروحه الكهرب + مروحه المكينه + وتماتيك المروحه فحصته ولقيته ممتاز

ولاحظت عند الوقوف تاصل الحراره ربع وانا مشغل المكيف لكن اطفي الموتر واشغله

القى الحراره متعديه النص بالكثير حول ال H

وايضا بعد اي مشوار كان سواء الليل او النهار اسمع صوت غليان الماء بالقربه

حقت المويه قر قر الخ ..:D

المشكله الثانيه بعد تركيب مكينه 2009

اول ما ركبتها عزم مشاء الله تدعس يمشي معك بدون مشاكل مع انه قير اتوماتيك

قدر الله وانشقت الكنداسه الي في النص وغيرتها بكنداسه صناعه سعوديه بعدها احسس الموتر يكتم واذا دعست بالموت تاصل سرعته 80

وهذا تسارع بسيط للموتر عشان اوريكم الثقل يا جماعه الخير

uorwZ7qOkv8

المشكله الثالثه والاخيره :D

ريحه البنزين داخل السياره حتى لو التانكي فيه ربع او اقل مع المطبات او الحفر تطلع الريحه

داخل الغماره طبعا كنت اعبيه 91 بعدها حولت على 95 ومازال ريحه البنزين تطلع

هذاي المشاكل الي واجهتها للحد الان ربي يحفظكم

ونبي فزعتكم الله لا يهينكم ولا يحرمكم الاجر
sgl2002
15/08/2013, 11:50 AM
المشكلة الاولى اقرب مالها احد المراوح اللي ورا الشبك ماتشتغل وياليت تحط مروحة اضافيه مع حقة الوكاله ،
او ان تماتيك المروحة مايعمل بالكفاءة المضبوطة
او تحتاج تسييخ رديتر


ومشكلة المكيف هي بسبب الحرارة اذا ارتفعت معروف ان الكمبروسر يوقف على طول

مشكلة العزم بسبب الدبة الوطنية ولازم تشوف لك وحده من التشليح اصلية
شاد الرحال
15/08/2013, 12:07 PM
المشكلة الاولى اقرب مالها احد المراوح اللي ورا الشبك ماتشتغل وياليت تحط مروحة اضافيه مع حقة الوكاله ،
او ان تماتيك المروحة مايعمل بالكفاءة المضبوطة
او تحتاج تسييخ رديتر

ورى الشبك طال عمرك ما فيه الا مروحه وحده جهه السواق فقط

انا شفت مواتر كثيره يجي ورى الشبك مروحتين بس مدري ليه ما عندي انا

طبعا محل المروحه االي لم الراكب اشوف فيه فيش لها خطين بعكس الثانيه اربع خطوط

تشور علي اشتريها وكاله ؟ وكم سعرها الله لا يهينك ؟

وبالنسبه للتماتيك المروحه وش الطريقه عشان اتاكد من خرابه ؟

باذن الله بسيخ الرديتر وبحاول اركب مروحه ثانيه



ومشكلة المكيف هي بسبب الحرارة اذا ارتفعت معروف ان الكمبروسر يوقف على طول

انا مركب رديتر مكيف تجاري اردني خذيته ب 160 تتوقع انه اساس المشكله ؟

مشكلة العزم بسبب الدبة الوطنية ولازم تشوف لك وحده من التشليح اصلية

الدبه باخذها وكاله اضمن لي من التشليح بس ما عندي خلفيه عن سعرها يقولون 780 ريال ؟

قبل الدبه في ماصوره نازله من المكينه الي تجي بعد القزوز مباشره انا حاطها وطنيه ما تضر ؟

ولا اغيرها بعد ؟

وايضا ريحه البنزين ما فيه حل لها ؟

اخوي sgl2002 الله لا يهينك ادري تعبتك باسئلتي وانت مقصرت وبيض الله وجهك
sgl2002
15/08/2013, 12:20 PM
بالنسبة للمروحة جميع المواتر الباترول هذا المديل التماتيك يجي مروحة وحدة ورا الشبك ، وانت رح لحقين المراوح خلهم يرهمون لك وحده لان حقت الوكاله ماتركب بسبب مبرد زيت القير



تماتيك المروحة اذا اشتغل تعرفه بالحنه المستمره ولو فتحت الكبوت ووقفت عنده والموتر حار ودعسة له ماتقدر توقف من قوة دفع الهواء يعني تحس بالهواء

انت اول شي سيخ الرديتر بعد التاكد من تماتيك المروحه ،

ايضا في حاجات ترفع الحرارة عند الوقوف ( هواية الرديتر ماتكون مكسورة - البطانه اللي في الرفارف ورا الكفرات الامامية ماتكون منزوعه ) بس هذي مساعدات لعدم رفع الحرارة ولاتعتبر حاجة اساسية لكن الافضل تتاكد من صلاحيتها

بالنسبة لرديتر المكيف ما اقدر افتيك فيه الين تحل مشكلة الحرارة

بالنسبة للدبه ليش تروح تاخذها من الوكاله وتتعب نفسك

انا رحت التشليح واخذت حقت ٢٠٠٨ ٤٥٠٠ من الماصورة اللي بعد القزوز الى الدبه الاخيره ب٨٠٠ ريال


رح لتشليح الرسلاني بالرياض وتحصل عنده اشكال وانواع