صوت طقه ولمبة الزيت رأيكم ؟؟؟!!!

[sulaiman.fj40]

تحياتي لكم جميعا ، عندي يالربع باترول 91 ربع ماشي 380 ألف كم- لما اشغله اسمع صوت طقطقه بالمكينه ولا تطفئ لمبة الزيت إلا بعد نص دقيقه- هل الصوت سبيكة ؟ ومن الميكانيكي الشاطر اللي يقدر يغير السبائك بدون تنزيل المكينه/ احتاج شوركم ونصائحكم مع الشكر -

[sgl2002]

الصوت بسبب ضغط طرمبة الزيت الضعيف

يعني الزيت عندك مايوصل كامل اجزاء المكينة الا بعد نص دقيقه

جرب تحط زيت خفيف ١٠/٣٠ وراح تخف المشكله

[sulaiman.fj40]

شكرًا أخوي sgl الزيت اللي استخدمه هو شل ٢٠/٥٠ واعتقد انه مناسب في الأجواء الحاره هالايام. صوت اطلقه ثقيل يعني ماهو من البلوف

[SGL]

إذا الصوت يروح بعد ماتنطفي لمبة الزيت أكيد الطرمبه فيها ضعف مثل ماقالك أخويsgl2002او الشخال مسدود لاكن في شي ابيك تشيك عليه وهو السيفون لا يكون مشدود مره فكه وركبه مره ثانيه او غيره بس أذا ركبت جديد عبي السيفون زيت وبعدها ركبه حطله زيت قليل بقدر كأس شاهي وذا السبيكه فيها خلل الصوت يستمر مايختفي أبدآ

[sulaiman.fj40]

شكرًا أخوي sgl وان شاء الله بغير الزيت والسيفون واسوي ألطريقه اللي نصحت فيها وسأخبركم - لاعدمناكم مع تحياتي-

[أبوأسامه...]

السلام عليكم

لاتغير السبايك لحالها لو كانت المشكله من السبيكه

فيه واحد من الزملاء صار فيه صوت طقطقه ان دعس بنزين وغير السبايك فقط وانا ابلشته انه يوضب السياره ولا راح تكلفه شي سوى زياده مايقارب 2000 ريال وكان يقولي قبل ست شهور موضبه الوالد لم يأخذ بالنصيحه وطلع السياره القطع الي بدل سبايك 140 + عامود كرنك 500 شغل يد 1000 وجيه بس وغير دسك وصحن لئن المكينه مفكوكة مطلعه برا
الحين قاعد يدخن يبي شمبر

السياره باترول 1992

ان كنت فاك المكينه وضبها تراها ماتكلف شي بالنسبه لي المكاين المتعطله نهائيا

طقم وجيه
شمبر
سبايك
طرنبة زيت
طبات ماء (ان كانت تعبانه الي بالمكينه)