هل تاكل راس الذبيحة

[الوافي.]

السلام عليكم

كثيرا ما ارى عندما اكون في العزايم ان الراس ما ياكله احد ولا يلمسه شخص من المعازيم الا في بعض الاحيان اللسان او المخ وهم قليلون
فهل انت منهم
عني انا اذا خيروني ما اقعد على الصحن اللي فيه راس لانه لا يوجد الكثير من اللحم

[ابويزن08]

الله يصلحك قولك امين؟؟؟؟؟؟
كيف تفوت الراسسس؟؟؟؟؟؟؟؟؟ول ول ول ؟؟؟؟؟؟؟؟؟؟
وزيدك من الشعر بيت؟؟؟؟
تجيب اللسسان وتقطعه وتجيب العيون وتغمسها مع اللسسسان وتجيب المخ وتخلطه مع بعض:looney:
جربها

[عاشق دياري]

وعليكم السلام ..

بالنسبة للعزايم انا ما اقربه نهائيا .. لان الوضع رسمي شوي ..
أما في عزايم البيت عندنا اتفلت عليه لاني أكون في الرد الثاني بعد الضيوف
ولا يبقى الا انا وإخواني ..

أما في ذبيحة الثلاجة اشلوط الرأس
والله وكيلك ينقلب المطبخ مشرحة هههههه

[LUXURY]

المتعارف عليه إن الصحن اللي فيه الراس هو الصحن الملكي :good::good:

وما يعدي صحن فيه راس الا ومريت على اللسان والفكوك

اللسان فيه طعم ونكهة تغطي عن باقي الذبيحة

وجهة نظري :)

[900]

كيف تترك الراس

احلى لحمة لحمة الراس

بس المخ ماني من جمهوره نهائيا

[عآشق الbaikal]

وعليكم السلام ..

بالنسبة للعزايم انا ما اقربه نهائيا .. لان الوضع رسمي شوي ..
أما في عزايم البيت عندنا اتفلت عليه لاني أكون في الرد الثاني بعد الضيوف
ولا يبقى الا انا وإخواني ..

أما في ذبيحة الثلاجة اشلوط الرأس
والله وكيلك ينقلب المطبخ مشرحة هههههه

:D:good2::good2:

[ابو ريان 2011]

لحم وأس الخرفان من الذ اللحم ولا يتفوت الا اذا كان الوضع رسمي

[ابو ناصر 5]

دائما تواجهنا مشكله وشلون تطلع المخ بطريقه سلميه لان دايم اثنين يتهاوشون واحد فهامه يفكه فك والثاني لا اله الا الله متعافي يفضخه وانواع العظامه في حلقك هههههههههههه

[قليقلان]

نصيحه يا اخوان لاتكثرون من المخ تراه غني جدا بالكلسترول
لكن مايمنع لخفه صغيره بروس الاصابع فقط.

[الوافي.]

هذا خوفي يابوك
الكسترول لعب بالعالم

[تميم2222]

الله يصلحك قولك امين؟؟؟؟؟؟
كيف تفوت الراسسس؟؟؟؟؟؟؟؟؟ول ول ول ؟؟؟؟؟؟؟؟؟؟
وزيدك من الشعر بيت؟؟؟؟
تجيب اللسسان وتقطعه وتجيب العيون وتغمسها مع اللسسسان وتجيب المخ وتخلطه مع بعض:looney:
جربها

هههههههههههههههههههههههههههههههه. عاش عاش. ابو يزن. عوافي. كفو.

[واثق الرويلي]

أحلا شئ بالذبيحة الرأس و بالذات اللسان

[أبو غدي1432]

يا حبيبي أكثر ما أحب في الراس الأذاني من عزها ..أف أف أف
شي خيالي

[ميسان الطائف]

:f
الرأس لايؤكل بل يوضع كدليل على الكرم واعلام للضيف بما تم ذبحه له

والضيف يأكل فقط من لحم الظهر


:l
___________________________

فإن كنت مضيفا او في بيتك فكل كل شيء في الرأس ماعدا ( المنخر والمخ )) لاحتوائهما غالبا على الدود

:eek::D:eek:
والحل لاخراج الدود
بمجرد ماتذبح الذبيحة اقطع الرأس قبل السلخ واجعل الانف الى الاسفل ثم دقه ( اضرب بالأنف) على شيء صلب حتى يخرج الدود:f


:s:lr:l

[واحد من البشر]

عادي آكل الراس ولا فيه أي مشكلة بس بعض العادات تعيب أكل الراس لأن أطيب اللحم في الراس

[يزدون]

يا أخوان لازم نعرف إن اللحم المقدم من المضيف للضيف، الهدف منه أن يأكل ويستمتع بما لذ وطاب من أنواع لحم الذبيحة، سواء كان رأس أم ظهر أو كتف
أما أن تضع لي الرأس وتنتقدني إن أكلت منه!!!!
أو تريد أن تشعرني أني ذبحت لك طلي مهو تيس أو عجل!!!
على فكرة ترى قمة الكرم أن تذبح لضيفك عجل ،والدليل العجل الذي قدمه في سورة هود والحجر، فقوله: { هل أتاك حديث ضيف إبراهيم المكرمين} ثم قال تعالى { فراغ إلى أهله فجاء بعجل سمين}
لو اليوم تذبح له عجل ، مهب حاشي والله لا يفضح بك وما ياكله ههههههه
عاد ربعنا قمة الفسقه ينقدك لا أكلت من راس ذبيحته إلي ذابحها لك

[قنا النفود]

جلده الراس وبس

[قنا النفود]

جلده الراس يصاره مشويه ياسلام

[ماجد الحايلي]

السلام عليكم

كثيرا ما ارى عندما اكون في العزايم ان الراس ما ياكله احد ولا يلمسه شخص من المعازيم الا في بعض الاحيان اللسان او المخ وهم قليلون
فهل انت منهم
عني انا اذا خيروني ما اقعد على الصحن اللي فيه راس لانه لا يوجد الكثير من اللحم

وعليكم السلام ورحمة الله وبركاته
صراحه ما أخفيك انا مستغرب من سؤالك لكن من الممكن يكون بالعزائم الوضع رسمي شوي وتستحي تاكل من الراس لكن عني انا اكله ونص وجربه حطه بوسط القصدير وادفنه تحت النار ( المله ) وراح تدعي لي
لكن المشكلة ان الراس غني جدا بالكليسترول وهنا بس المشكلة.

[الوافي.]

اخوي ماجد الحايلي
جربته بالقصدير وجربته بالملة وجربته مندي وجربته بالملح
للاسف ما جاز لي وانا القى لحمة الضهر

[ع العمرو]

ايه (نعم)بالطبع

[جوبتير]

موضوع جميل
يعطيك العافيه


اما انا ما الله اعطاني عليه سبحان الله
اقول للي يذبح ارمي الراس على طووول
خصوصا اذا كانت الذبيحه ماهي من غنمنا

وانا مع الاخوان اللي يمدحون لحمة الرااس وخصوصا اذا كان نظيف جدا .. شي جميل

تحياتي لك

[علم162]

طبعا مفضل عندي لكن اذا كشت زينته بقدر الضغط غالبا عشا لن لازم معي احد يحبه عشان نسوي صراع من اجل البقا ونقلبها فلم افتراس

[أبو سيف العمري]

ههههههههههههههههههههه وش ذا عجيب

آقول إعزمنا ونجي نعلمك من عدنك هههههههههههه ما يصلح نشرح بدون تطبيق عملي
(( كل ما قلته أعلاه دعابة وأدري إنك كريم وإحنا نستاهل بس قلت ألطف الجو ))


لكن مثل ما قال الأخوان الرأس عادة يكون على الصحت المميز ولازم يكون عند الضيف
أما لحم الرأس فالذذذذذ لحم وأطعم شئ خاصة إذا تم تنظيفه جيدا وشلوطة بطريقة صحيحة

تقديري

[حمد69]

نعم الراس والمعلاق اهم شيء في الضيفة
ويدل على قدر الضيف.. يعني لو تقدم له بعير وما به راس ولا معلاق
كأنك ما قدمت له شيء..
ولا بد من كسر الرأس وإخراج المخ ولو ما كسرت المخ
يعني الضيف... لكان المضيف ما يرتاح وكأن به نقص
بس لو كان الرأس ما مستوي الذبيحة كبيرة كيف تسوي؟!
لابد من محاولة حتى يقتنع المضيف..
وشوف عند بعض القبايل كسر الراس له طقس خاص
أبحث في اليو تيوب عن ندبة الشحوح..

[مولع قنص]

يارجال اللذ مافي الذبيحه راسها اللسان والعيون والمخ وجلدة الراس بس اهم شي التنظيف والشلوطه

[الذئب الاليف]

اممممممممممممممم
وجبتي المفضلة راس وكرعان

[الجميل جميل]

وعليكم السلام ..

بالنسبة للعزايم انا ما اقربه نهائيا .. لان الوضع رسمي شوي ..
أما في عزايم البيت عندنا اتفلت عليه لاني أكون في الرد الثاني بعد الضيوف
ولا يبقى الا انا وإخواني ..

أما في ذبيحة الثلاجة اشلوط الرأس
والله وكيلك ينقلب المطبخ مشرحة هههههه

عادات وتقاليد نكاد نجمع عليها..
نفس الشيء ..:):)

تم الإرسال من جهازي GT-N7100 بواسطة تاباتوك 2

[عبّار]

يا مرحبا و سهلا

حتى شحمة العين اكلها :)

لحمة الراس فقط للكييفة

[عنزيه]

:eek: تكرم النعمه

بس عندي سؤال وشو طعم السان والعيون :no:؟؟

[راعي الرود]

مالله حببني باللحم نهائياً

أكل منه بالعزايم بس ما احرص عليه بسبب الكولسترول

[تربة الشمال]

احلا لحمه لحمة الراس لاكن في العزايم ماستطيع ان اكل منه لان هناك عادة عند بعض القبائل انه مايكل الاسان الا الشاعر وعند بعض القبائل اذ اكلة العين يقوم المعزب بذبح ذبيحه اخرئ لانك ماكلت العين الا انه لايوجد لحم يكفيك

[مستقنص]

:f

الرأس لايؤكل بل يوضع كدليل على الكرم واعلام للضيف بما تم ذبحه له


والضيف يأكل فقط من لحم الظهر



:l
___________________________


فإن كنت مضيفا او في بيتك فكل كل شيء في الرأس ماعدا ( المنخر والمخ )) لاحتوائهما غالبا على الدود


:eek::D:eek:
والحل لاخراج الدود
بمجرد ماتذبح الذبيحة اقطع الرأس قبل السلخ واجعل الانف الى الاسفل ثم دقه ( اضرب بالأنف) على شيء صلب حتى يخرج الدود:f



:s:lr:l


كلام سليم .. ومسألة دق الرأس نادراً تحصل احد يسويها ..
حسحس الرأس وانتهى الموضوع .

[هآوي الصيد]

احلى اكله الراس ..

بدون رسميات طبعا ..


تحصل السكين في يد ويد النجر ولا الشاكوش في يد وانواع التجزير ..

وماتبرد تسبدي الا ليى خليته عظم ابيض بدون اي زوائد ههههههههه

واحلى طبخه للراس اذا صارت الذبيحه صغيره تحطه وسط قصدير واحذفه بالجمر وتعال ذوق

[الخولاني]

ما هناك امتع او ألذ من لحمة الراس يليها الظهر

خصوصا اذا كانت الذبيحه صغيرة السن سواء تيس او طلي يالله اني داخلن عليك
العيون ثم اللسان ثم الاذاني ثم الدماغ ثم اللحم يا سلام سلم

طبعا الدود فقط تكون موجودة في الذبائح الكبيرة السن اما الصغار كل وانت متطمن

وانا متأكد ان معظم اللي حول الراس في العزايم يبون ياكلون من الراس لكن تحكمهم عادات وقوانين ما انزل الله بها من سلطان

[ALNO4U]

لا والف لا

[أبوسليمان السهر]

تم التصويت
وأشكر الإخوة على التفاعل
وتبادل الآراء

[الوافي.]

مشكور يابو سليمان على وضع التصويت لكي يكتمل الموضوع

[qx55]

لحمته كلها دهن وثاني شي مجمع لدود في البهيمه

[ساحووق]

اووه الرأس شيء لذيذ جدا إذا صار مشلوط كويس ههههه
ؤالرأس هو اللي عنده اللحم الآن دائم يكون مع الدبيحه كامله )المفطح

[hail_ksa]

بغض النظر عن إن لحم الظهر هو المفضل
لكن ..
اللي ماذاق رآس الذبيحه ماذاق لحم ولا استمتع في طعم :good2:


أبي أطلع جلّد عن موضوع الذبايح وأشطف بكم شوي :D من الحماس " جعت " :eek:
عندك على سبيل المثال السمك
أحلى مافي السمكه الرآس :good2: طعمه لذيذ وأكله متعه :D


أعتقد إن اللي يأكلون الرأس أصنفهم من ركن الذواقه :D:D

[الاتصال السريع]

تم التصويت ب لا
اما انا ما آكله لو تحت تهديد السلاح

[لورن]

الراس إذا ماكان فيه مانع صحي أو عوايد عادي اكله اما عندي فله طبخه بعد سلخ الجلد وسلق الرأس بالماء والملح فقط الى أن يستوي يزال اللحم عن الرأس واللسان يقطع شغل كبده ثم يحمس بمقلاة البصل والثوم ويوضع قطع اللحم واللسان ويحمسون جميعا وفي النهاية يوضع معجون الزنجبيل مع نص حبه ماجي وشف الطعم

[مغرب القنص]

ضروري طبعا .

[سامر عبدالله]

حسب الحالة النفسية

[Faal7]

أدرع بوووه

Send By GT-i9505

[ابوقاسم]

هل فيه حد يبيع الروس مطبوخة
لو فيه احد ياليت يعلمنا ان كانه بالرياض والا الشرقية
تراني من كلته بالمدينة وهو عالق بدماغي
تحياتي

[فهد أبو خالد]

هل فيه حد يبيع الروس مطبوخة
لو فيه احد ياليت يعلمنا ان كانه بالرياض والا الشرقية
تراني من كلته بالمدينة وهو عالق بدماغي
تحياتي

اعتقد فيه بالرياض بالحلة متخصصين روس
مقابل سوق اللحوم من جهة الشمال
وبالهناء والعافية

[شرقا]

انت ماسمعت جحا يوم يقول الرأس للرئيس ههههه

الا بالعكس احب شي عندي بالذبيحه لحمة الراس خاصة الخدود

ولحمة فقرات الظهر خاصة الاخير باسفل الظهر

مدري كل واحد وله ذوقه وهذا ذوقي

وكلها نعمه من الله نسأله العافيه لي ولكم ولسائر المسلمين

[عادل بن جابر]

السلام عليكم ورحمة الله



الراس طال عمرك ومن يقرا يبيله مخمخه



فيه العين والمخ وخدوده واللسان واللهاه والآذاني وكل لحمه تختلف



في المذاق والطعم



فـ لا أوصيك في لحمة الراس



تحياتي

[فتى المليداء]

اهم شي الراس بس طبقاً بعدما يقوم الضيف ههههه


الاذاني واللسان عندي مفضلات اما المخ لا افضله

[القناص-sniper]

يمي يمي يمي هههههههههههههه

وفيه مفتاح للراس عن طريق اسفل الفك يدخل في تجويف الراس من اسفل وفتحه

بدون ساطول ولا شي

[الكعمي]

ياوليدي أول ماابتدي بالنخاشيش لين اوصل المخ

وارجع للاذن والعيون أحلي فيهن

[وزاري]

بالحيل بالحيل حتى النخرة

[المرتاع]

يالبيه يالراس لما يكون مندي

[يزدون]

والله ما في شي بالذبيحةما احبه لقول الشاعر (كلك على بعضك حلو يا خااااااااروووووف)ههههه

[الوافي.]

ما زال محبي اكل الرأس في المقدمة

[تنومه1]

عالم منفقعه من النعمه

فيه ناس اعوذ بالله من هم في المسلخ يرمي الراس والكرش ورقبة الذبيحه
تسأله ليش قال هذي اماكن اذى ما توكل

طبعاً هذا يدل على انه ابله ولا يفهم
كان تصدق بها اقل شي واخذ الاجر

[الوافي.]

عالم منفقعه من النعمه

فيه ناس اعوذ بالله من هم في المسلخ يرمي الراس والكرش ورقبة الذبيحه
تسأله ليش قال هذي اماكن اذى ما توكل

طبعاً هذا يدل على انه ابله ولا يفهم
كان تصدق بها اقل شي واخذ الاجر



هذا كلام صحيح

[خليل909]

كلن وماتشتهي نفسه .. وانا بصراحه من محبي لحمة الراس ولاذان وشحمة العين والحمدلله لاتحكمنا عاداة بأكل الراس ولاكن اذا كان فيه ضيف او اجانيب شوي تكون فيها رسميه ولاكن ذبيحة البيت او الذبيحه الي مافيها رسميات بصراحه ماطوف لحمة الراس لان عليها طعم خيااااااال والحمدلله والشكر على نعمه التي لاتعد ولاتحصى .ونسأل الله ان يديمها من نعم ويحفظها من الزوال

[طير جراح]

النفس وما تشتهي وكلها نعمة ولله الحمد

وأنا إذا مانيب آكله أعطيه عمال النظافة مع الكرعان

[الوافي.]

النفس وما تشتهي وكلها نعمة ولله الحمد

وأنا إذا مانيب آكله أعطيه عمال النظافة مع الكرعان

عين العقل
لان رميها من التتبذير

[طلال السناني]

اعجبتني جميع الردود
ههههههههههههههه





يقول الشاعـــر

يا ما حلا والشمس يبدي شعقهـــــــــا
من حدّر الزرقا على نقرة الجـــــــوف

نسقي بها غيدٍ ظليلٍ ورقهــــــــــــــا
نقلط نماها للمسايير وضيـــــــــــوف

وكم حايلٍ للضيف نجدع شـــنقهـــــا
يقلط حثث ما هو على الزاد مــردوف

اطيب من البلقا وصافي مرقهــــــا
مقلطةٍ للضيف كرعـــان وكتـــــــوف

[طلال السناني]

هذه مداعبة شعرية بين الشاعر ظافر القحطاني والشاعر سلطان العتيبي

واللي ذكره راس الذبيحه ههههههه

في بداية القصة ان الشاعر ظافر والشاعر سلطان جيران وفي احد الليالي
كان عند الشاعر سلطان العتيبي مناسبة(عشاء) وأرد ان يعزم جارة القحطاني
ولكن لم يجدة وأوصى زوجتة بأن تأخذ لبيت القحطاني عشاء
ومن ظمن ذلك العشاء (رأس الذبيحة)
وفي منتصف الليل عاد القحطاني لبيتة
ليجد ماوضعتة له زوجة جارة سلطان العتيبي (ابو تركي ) من عشاء

فقال القحطاني
سلام ياجارٍ بشوشٍ محياه=من لابةُ بالخوف يذري ذراها
جاراً كريمن تذبح الحيل يمناه=وجيران بيتة للعشاء مادعاها
ولي يافتاةٍ من عتيبة مخباه=ودت لهل جيرانها من عشاها
ونتا قصيرك يابن براك تنساه=وذبيحتك قد جابها اللي شراها
رأس الذبيحة يابو تركي لقيناه=وباقي الذبيحة مادري منهو كلاها




فرد علية الشاعر سلطان بهذة الأبيات

جتنا رسالة جارنا لاعدمناه= رسالةٍ عوجا كثيرن خطاها
ممزوجتن بالمدح والذم يبراه=لاكن زود مرها عن حلاها
على قصيرة سل سيفة وشلفاه=يوم العرب ترفع خمال قصراها
والمشكلة مخطي على الجار نفداه=يبغى يدور حجةً مالقاها

وقلوبهم اكيد صافيه على بعض

[ابوهايلكس]

احسن شي الراس فيع عيون واذان ومخ يا سلام ذكرتني بالاضحية

[الوافي.]

اخوي طلال السناني مشاركة رائعة زادت الموضوع جمالا

[اخوى حمد]

اه يالرس طعمة عجيب ياسلم سلام خاصة في البيت وانت حاطه امامك تاتفنن فية

[عبادي 2009]

كيف تترك الراس

احلى لحمة لحمة الراس

بس المخ ماني من جمهوره نهائيا



أنا مثلك تماما ماني من جمهور المخ والعيون الباقي عادي اكل ليش لا

[سايلنت ايجل]

بالنسبه لي اكل من لحم الراس بس بشرط يكون مشوّط او مقذقذ او مشوي تعددت الاسامي والمعنى واحد
لحمة الراس والكراعين المشويه تغير طعم اللحم والمرق الى الاحسن
لان اللحم لو انطبخ بالكراعين والراس المشويه يختلف طعمه عن طبخ اللحم بدونها

[الوافي.]

اختلفت الاذواق وكلنا مبسوطوين
ولله الحمد

[almertah]

الحمد لله على ما انعم به علينا من نعم لاتعد ولا تحصى اما من ناحية اكل الراس فهدا مفضل عندي وعند اكثر الناس وكل انسان له دوق

[فارس الكلمه]

الحمدلله على النعم والله يديمها
وبالنسبه لي ولامرة قربت لرأس الذبيحة

[eme]

بالعكس عادي اكل الراس
فيه عندك اللسان مايتفوت،،،

[الجهنيF]

والله الناس ذحين ماهي زي اول بالعزايم الرجال اول يمكن كم واحد يلحسون الصحن ذحين الله المستعان الواحد يشيل هم الرز واللحم الزايد الواحد تلقاه لقمتين وقام

[seaf]

عوافي للجميع

[شعلونكا]

السلام عليكم ورحمة الله وبركاته


الراس مليء باللحم والخير بس وين اللي يعرف له

وبالنسبة للعزايم اذا كنت في الرد الأول لا تلمس الراس ثم يلحقك منقود من الرجال

اما الرد الثاني فلك مطلق الحرية دندن وغن هذا بالنسبة لنا في نجد وكل مجتمع له سلم وعادات


تقبلوا مروري

[كفاح ابو علي]

الله الله راس الذبيحة من ألذ اللحم وأزيد انه المخ زاكي بس الكوليسترول يذبح

[الصيادالمليح]

راس الذبيحة اكله زمان الطيبين و اللي ما يحبه مو من ذاك الزمان

[سعيد الصبحي]

لحمة الراس من احسن اللحوم عندي .. وعندنا الصينية اللي عليها الراس تقدم للضيف أو للكبير ويقوم هوه بفتح الراس لاستخراج المخ ... كذلك عندنا بيت شعر قديم يقول
ما با لحم من شداغ الراس يوم شحمة العين مأكولة ... طبعًا الشداغ هو الفك .. وألذ اللحم لحم الشداغ لكن الناس تفضل شحمة العين على لحم الشداغ لما لها من فولئد مما يقول الشيبان ..

[ريحه الورد]

لا بس احب افتح الراس لاستخراج المخ

[giemar1]

لايوجد ماهو الذ من شحمة العين واللسان

الضيفه تختلف والضيف ياكل من الراس اللسان والشدوق

[طلال مكشاتي]

اي نعم الراس والفراسن :D

[علاء الشوكاني]

وبعدين لو كان لراس حنيذ مع المرخ يعطيك طعم لذيذ

[الصيادالمليح]

فيه احد يعرف مطعم يبيع لحمة الراس في الجبيل ؟؟

[اشتاء الشمال]

الراس يقدم مع المفطح للضيوف وبعدين اللسان ماياكله اﻻ الشاعر هذ عندنا سلم قديم لكن اليوم يقولون صار للدﻻل هههه عادات
بس لﻷمانه لذيذ

[h a j u s]

الراس وماقلنا شي والعيون شو دخلها في الاكل العيوون مادخلت راسي ابدا ؟؟؟؟